لم تكن امي(لبوة الاسد)

البارت الاربعون

،،لم تكن أمي(لبوة الأسد)،،
_البارت الأربعون _
~~~~~~
لَو مالَ قلبي عَنْ هَواكَ نَزعتُهُ
‏وَ شَرَيتُ قَلبًا فِي هَواكَ يَذوبُ
‏آياتُ حُبِّكَ في فؤادي أُحكِمَتْ
‏مَنْ قالَ أنّي عَن هواكَ أتوبُ؟
'
~~~~~~~
هدى _لااا مهيمن لا تسويها مره ثانيه والله اكرهك..
ولا كأنوا احجي وياه نزع ملابسة بقة بس بالشورت غمضت عيني خايفة من الجاي فترة من الزمن وكل شي ماكو او بالاصح مصار شي فتحت عيوني شفت مهيمن بعده واكف كبالي مبتسم..
مهيمن _هاا شبيج شو فتحتي..
هدى _درت وجهي عنه ساكتة فشلني الخبيث مدري بشنو يفكر خرب..
شوية وانطفت الاضوية مال غرفة تمدد بصفي بنفس شكلة الي بقة بي..
مهيمن _هدوشتي شنو وين راح بالج هاا اخاف مشتاقتلي ولج وغمزز..
هدى _منو الي مشتاقة الك بله اني روح نام الظاهر التعب أثر عليك..
مهيمن _ضحك..
صدك تعبان تره بس محترر حيل لانو انتي بصفي ماعرف شلون قبل جنت صايم عنج عجيب..
هدى _الله يتقبل صيامك عود..
مهيمن _هههه خرب هسه ماتجين بحضني شوية شبيج حاطة بينة مسافة شكبرها تره المتزوجين لازم يقتصدون بالمسافات..
هدى _هاي بس بقاموسك موجودة يمكن...
مهيمن _لا بس انتي بعدج لهسة بريئة ومتعرفين بهاي السوالف لج حيصير على زواجنة سنتين وكل شي ممفتهم منج بس اذكر عدج شامة بخصرج وحده لخ يم صد...
هدى _حطيت ايدي على حلكه،،كاافي عفيه..
مهيمن _ضحكت بصوت..
يابه شكد احبج من تخجلين هسه تجين يمي لو اجيبج بطريقتي الخاصة مثل قبل..
هدى _عكد حاجبي،،شلون..!!
مهيمن _هيج اشيل باكيت الجكاير واضربة بالكنتور وانتي تجيني ركض تختلين بصفي..
هدى _ياااااا يعني انته جنت وره هذيج الأصوات والله خبيث و..
ماخلاني اكمل كبل باسني من حلكي جار شفايفي دفعته من صدره العاري ابتعد..
مهيمن _هذا لسانج بعد كل ميكول خبيث أجره هيج وتره اني المستفيد..
هدى _تصبح على خير..
مهيمن _هههه وانتي بالف خير يا خيري كلة..
هدى _غمضت عيوني وماجذب جنت متوتره وقلقة اخاف يسوي شي لو يستغل ضعفي واني بين ايدي بس مصار اي شي من هذا مجرد اخذ كف ايدي خلاه جوه راسة وغمض عيونة ردت اسحب ايدي من جوه راسة لزمها رافض..
سكتت يلا ايدي ولا غير شي شوية وغفيت رايحة بعالم الأحلام نمت كلش هواي لحد ثاني يوم فزيت حيل مرتاحة حركت نفسي رافعه راسي شفت روحي نايمه على صدر مهيمن بحيث نص جسمي علي بقيت افتح واسد بعيوني مداستوعب الي صار اخير شي طفرت من حضنه وهوه هم فزز عاكد حاجبة..
مهيمن _شبيج مو نايمين..
هدى _اني شجابني بحضنك تره مو حاله هاي مستغل نومي..
مهيمن _شمستغل ولج ليش دتحسسيني صاحبج وداگ... ولا عبالك زوجج وبعدين مو اني الجبتج يمي انتي جيتي يعني اذا مشتاقتلي تعالي بالوجهه شكو تتختلين مني ومن انام تشمرين روحج بحضني..
هدى _مستحيل اني اسوي هيج..
مهيمن _كيفج بعد..
هدى _كمت عفتة نزلت جوه صافنة معقولة اني سويت هيج لااا اكيد لااا وكفت اغسل بوجهي شفت ركبتي صايره خريطة فكيت حلكي لاا هيج هواي هذا شوكت سوه هيج شو صاير كلش..
بهل أثناء شفته نزل من فوك عود رحت اتعارك وياه بس شفته مبدل جنه رايح يطلع سكتت متردده أسألة وين حيروح ويعوفني لو اخاف ياخذها عليه نقطة..
مهيمن _هدوش بدلي دنطلع نتريك بره..
هدى _تخصرت ومنو كلك بله اريد اطلع روح وحدك..
مهيمن _متأكده يعني اروح ويمكن اتأخر هاا لليل يلا ارجع..
هدى _ اي عادي شسويلك على ساس مسويتها كبل وعفتني وحدي بهذا البيت..
مهيمن _يعني مراح تنسين..
هدى _مو كل شي ينسى بسهولة مهيمن..
مهيمن _خوش اني طالع قفلي البيبان وراية..
هدى _انقهرت لانو ضوجته بكلامي زين شبيه مو اني هذا الي أريده على شنو اضوج بعد شنو صدك حيعوفني وحدي مو يدري بيه اخاف بقت عيني وراه فجأه التفت عليه وحجة بله ميباع بوجهي..
مهيمن _عشر دقايق بدلي بيهم وتعاي لتضلين صافنه هيج المنطقة منعرف منها احد اخاف عليج تبقين وحدج..
هدى _مناقشت طفرت بسرعة ابدل لانو اعرف بروحي ماريد يعوفني وحدي لبست على السريع ونزلت جان بره سديت الباب وراية باوعلي من فوك ليجوه متفحص لبسي..
مهيمن _يلا صعدي..
هدى _اني صعدت وهوه فتح الباب وطلع السياره ورجع نزل سدها وتحركنة شغل الراديو اول منفتح طلعت اغنية..
انا لحبيبي وحبيبي الي..
داغيرها مقبل ظل يستمع الها مره و مره يغني موجهه نضراته الي.. الشي الغريب احس انبنة حاجز او موقف جبير بينه بحيث ما اخذ راحتي وابقى متوتره من قربة وهوه حاس بهل شي ويحاول يشيل هاي الحواجز..
اخذنة على مطعم جان منزل بوفي مفتوح وفعلا ريوكهم حيل طيب اول مره اكل بهل كمية الجبيره لحد فوك الاشباع وراها نزلولنه جاي حار وهم كالعاده الطعم فد شي..
مهيمن _خالي وصاني تحاجي من البارحة بس نسيت عود خابري بس مو اجفصين يعني..
هدى _فهمت قصدك تره..
مهيمن _اي خوش..
هدى _كام صعد فوك اني خابرت بابا طمنتة عليه بعدين كلت اخابر غدير اسأل عنها دكيت عليها من جهازه من ثاني دكة شالته..
غدير _الوو..
هلا خوية مهيمن..
هدى _هاي اني غدير مو مهيمن..
غدير _ياا هدى شلونج هم زين اذكرتينة من لكة احبابة نسه اصحابة عيني..
هدى _ههه لا والله مو هيج بس تعرفين الوضع والتلفون مو عدي هسه نطانياه اخابر..
غدير _حلوو تصالحتوا مو لانو سمعت بطلتوا تطلكون.؟
هدى _يعني احتمال اي واحتمال لاا..
غدير _حبيبتي اني عرفت كل شي من همام صح مهيمن اذاج كلش وسوه بداخلج جرح حيل جبير بس خليها ابالج انتي هم غلطتي لج والله غير رجال بنفس الدقيقة يشيل سلاحة يفرغة براسج خصوصا احنه بمجتمع شرقي والاضرب زوجج ضابط ومازن حاجي حجي اكبر رجال ميتحملة والنبي اني رغم ضجت على اذيته الج بس دائما توكف بعيني هذني الشغلات الزواج تنازلات واحد يصبر على الخ وفرص واتوقع مهيمن يستاهل اكثر من فرصة..
هدى _زين مو انتي قبل فتره هم جنتي ناوية تفصلين عن همام..؟؟
غدير _ضحكت بصوت..
وانتي تصدكين لج اني جنت متأكده بداخلي همام راح يرجعني لانو بينه طفل والأهم حسيته تعلق بيه بس جنت انتضره يطلع من الماضي الي هوه بي ويجيبني بنفسة و...... ااااااخ شبيك
هدى _هاا انتي شبيج..
غدير _لا لا مو وياج بس كرصتني نملة..
هدى _نملة؟؟ شكاعد تخربطين
غدير _مممم بس دقيقة..
شوفي سمعيني على السريع لانو لازم اروح.. المختصر سوي كرصه اذن للمحروس بس إياج ثم اياج تتنازلين عنه شغلي عقلج شوية ثولة المن عايفته لل...
هدى _شو لسانج صاير فالت غدير..
غدير _لج امي ركزي على كلامي احسن ما تاكلين اصابيعج بعدين ندم..
هدى _تمام هوه هم هيج اني مفكره..
غدير _يلا يلا اني حروح لانو اذا اظل اكثر اموت باي..
بسرعة انداريت على همام الي صار ساعة دافن راسة بركبتي مبوسها لو يتحارش بيه من غير مناطق بعدني دانطق اخذ شفتي ببوسة سريعة..
همام _هاا غديري واخيرا خلصتي..
غدير _يمه خنكتني تره صدك جذب شبيك همام هيه هيج..
همام _شسوي اشتاقلج..
غدير _توني جنت يمك تره وحته جوه مداكعد بس على كد اكمل شغلي ادري شيكولون علينه ستوهم اذكروا..
همام _اي ستوني تذكرت بعدين تعاي اكلج شنو هذا الحجي الي سمعته ستوني
غدير _لا حبيبي اشاقة ويه هدى حته متعوف اخوك مو زين اسوي خير..
همام _حك لحيتة..
هاا اذا هيج ميخالف شوفي ابني كبران ابن الملعون ماخذ مكاني..
غدير _ههههه..
همام _اي ضحكي شكو عليج هسه بعد كم يوم يجي للدنيا وياخذج مني واني منا ستوني معرس مملحك افرح بيج شهل حظ..
غدير _والله يا خوفي هوه مدري هيه ياخذوك مني وتصيرون حزب عليه
همام _افاا عليج اني اصلا مقرر احط سريره عد امي حته بالليل ينام عدها واحنه ناخذ راحتنه..
غدير _لا والله حجي يفيدك روح نام انته يم امك اني ابني يبقه عدي..
همام_كلب وجهه.. خوش كيفج
غدير _سكتت بعدين حجيت واني العب بلحيته..
اكلك حبيبي..
همام _كولي..
غدير _مشتهية موطة بالكاكو الحجم العائلي..
همام _موطة بهل شتة ستري علينه غدير..
غدير _فدوه والله كلش جايه على بالي اخاف تطلع بعدين بالطفل..
همام _مو خوش سالفة هاي والله وبعد شتردين..
غدير _نستلة كلكسي وجبس ليز و عصير رمان..
همام_ بسس!!
متردين بعد شي منا منا..
غدير _ههه لا هاهية بس اهم شي الموطة فدوه..
همام _والله اني حدور لو الكة لو ما الكة بعد انتي وحظج..
غدير _تمام اجه عليه خطف بوسة من شفتي وطلع.. فعلا من وعدني انو راح يعوضني عن الماضي وفه بكلامة لدرجة من يفارقني لو اروح للدوام كل شوية يخابر عليه يوصيني على نفسي لو يكلي اشتاقيتلج وكل ميرجع من المحل لازم اتلكاة من الباب ابوسة واكلة الله يساعدك هاي صارت عدنه قاعده..
طبعا جنه مقررين اليوم نطلع الصبح لاربيل احنه وفطومة بس فجأه تأجلت سفرتنه على باجر ورجعنه كلنه للبيت وباجر نروح ان شاء الله نظل اسبوع مو اكثر علمود دوامي..
٠٠٠
هدى _سديت من غدير وافكر بكل كلمه كالتها ماجذب كلامها كله عين العقل والصراحة طمني انو قراري بالبقاء هوه الصح بس هسه اريد احجي وياه بموضوعنة بس استحي يعني شلون افتتح الموضوع ماعرف والله اوف..
بقيت جوه اكلب بالتلفزيون كامت تمطر بره ما شاء الله كلش قوية حسيت روحي محتاجة الحمام ضروي بس لااا خرب بحضي طبيت شفتها اجتني الشهرية همزين جان بالحمام اكو مثل الصيدلية الصغيره وبيها كل شي حته هذني الاحتياطات غسلت وطلعت سويتلي كوب حليب دافي لانو بطني بدت توجعني لازم اتلفلف زين..
كملتة بعدين صفنت مهيمن نام لو شنو لانو مشفته بعد درت وجهي للجامة اراقب قطرات المطر تفاجأت مهيمن واكف بنص الطرمة ذاب جاكيت التراك وباقي بس بالفانيلة الداخلية والبجامة انوب الجو بارد ومطر قوي هذا صدك يحجي بسرعة حطيت شال على جتفي ورحت يمه..
مهيمن _الظاهر حيل عجبج..
هدى _جني انقصفت دنكت راسي مجاوبتة..
مهيمن _هسه اني اكو شي محيرني من جهه اشوفج ضعفانة ومن جهه سمنانة شنو القضية..
هدى _باوعت عليه معاجبني..
هسه شكو عليك ضعفت لو سمنت مأثر عليك..
مهيمن _طبعا يأثر غير اني و..
هدى _قاطعته..
اكلك مهيمن متكمل اكلك مو احسن من صفتك هاي..
مهيمن _والله الاكل طيب بس ماكدر اثكل لانو اتأذه بعدين..
هدى _يعني لهل درجة معدتك متأذية..؟؟
مهيمن _اي..
هدى _مرحت للطبيب ينطيك علاج مهيمن..
مهيمن _يمعوده رحت لحد ممليت ونفس الحجي ينعاد عليه هاهية الحمد لله على كل حال..
هدى _انته ليش مجنت تقبل اعرف بيك مريض ومسوي عملية بحيث الكل يعرف الا اني وهوه المفروض اني اول وحده تعرف لانو زوج..
سكتت شفته ابتسم على كلمتي
مهيمن _سحبت ايدها ضغطت عليها..
فدوه اروح لزوجتي مجنت رايد ازيد عليج الوجع الي جنتي بي واني اعرف بيج اذا دريتي بوضعي راح تنقهرين اكثر ردتج ترتاحين مني شوية لانو الواضح اذيتي جان اثرها كلش قوي بكلبج بس شفتي شلون الله ردها اليه بس اذيتج اذاني بصحتي..
هدى _دنكت..
والله مجنت متمنية اي احد يتأذه من وراي..
مهيمن _ضحك..
ادري بيج كلبج طيب مثل خدودج..
هدى _ولا تفوت فرصة انته ما شاء الله اني حروح اغسل كملت..
مهيمن _روحي..
هدى _غسلت ساحبة النفس بهدوء عدلت شكلي طلعت شفته مهيمن ديدفع الحساب باوعلي اخذ ايدي بين ايده و طلعنة الي يشوفنة يحسدنة يكول شكد سعيدين هذولة الاثنين نيالهم بس مايعرفون بداخل كل إنسان اكو غصة..
مهيمن _شنو رأيج نروح نزور مادام طالعين طالعين بلكي الله ويهديج عليه..
هدى _فضيع وربي..
مهيمن _ههه اعجبج يلا هسه شكلتي..
هدى _مو مجايبة عباية شلون ادخل..
مهيمن _اني عدي وحده بالسيارة..
هدى _مااال منووو..!!!
مهيمن _على كيفج يمعوده مو مال احد اني مشتريها الج  بفلوسي والله بس لا تغارين..
هدى _مغايره بس ماحب البس شي مال غيري..
مهيمن _حقج حبيبي..
هدى _جان الطريق للكراج مال سيارات شوية مسافة حسيت روحي تعبت، نفسي ضاق وكلبي صار ينغزني الم يروح ويرجع..
مهيمن _شبيج تعبتي؟
هدى _لا مبية شي بس ممتعوده امشي مسافة هلكد..
مهيمن _هاي وصلنة ارتاحي بالسيارة عود..
هدى _هزيت راسي بتعب ماعرف شبية اول مره تصير وياي هيج حاولت مابين شي لمهيمن وانو هوه مجرد وجع طبيعي ارتاحيت  بالسيارة وشربت مي لدرجة شوية شوية كمت انعس بالرغم البارحة نايم هواي  بس مدري شبية اريد افتح عيوني ماكدر اخير شي غفيت..
حسيت على لمسات خفيفة على خدي فتحت بهدوء
مهيمن _هدى حبيبي شبيج تعبانة نرجع للبيت ترتاحين..
هدى _لا مابية شي بس اخذتني النومة من طريق السيارة عادي كل مره انام بالسيارة اني خلي نروح مادام نوينة الزيارة..
مهيمن _متأكدة اخاف مابيج حيل عادي نجي باجر..
هدى _ليش شكد تريد نظل هناا مهيمن..
مهيمن _والله حسب وهم تعتمد الشغلة عليج كتلج منرجع الا وانتي راضية
هدى _اوك اني راضية ومسامحتك خلي نرجع باجر..
مهيمن _هههه بابا الي كبالي ضابط بالقوات عود دتقشمريني بنضره وحده اعرفج صادقة او لاا..
هدى _كلبت وجهي،،خلي نروح نزور احسن..
مهيمن _يلا..
هدى _وصلنة للأمام جان وكت صلاة الضهر كلش ازدحام فمهيمن ظل لازم ايدي حته ماضيع فتت زرت وبقيت تقريباً ساعة كاعده جوه صافنة وادعي بداخلي ويه ربي اطلب منه يدليني على الطريق الصحيح اني حالياً كلش متشوشة واخاف اتخذ اي قرار..
اني احبة لمهيمن ماريد اخسره بس هم ماريد اخسر اكثر بحياتي اخاف والله اخاف مو بيدي هذا الشي خارج عن ارادتي.. غمضت عيني بحيره فجأه اجت على بالي اصلي صلاة الاستخاره وبهذا المكان المقدس وبكل طيب نية وان شاء الله احصل على مرادي وصدك صليت وكملت جانت النتيجة اظل ويه مهيمن دمعت عيني لانو الصراحة جنت خايفة يصير العكس..
داخلي شوية ارتاح همزين اجيت وزرت باوعت على الساعة ياا صارلي هواي هسه مهيمن عباله ضعت  سلمت على الأمام من بعيد وطلعت للمكان الي متفقين عليه لمحت مهيمن من بعيد بس خطية شكلة متوتر كل شوية يدور  بعيونة لو يروح من غير جهه ويباع ويني بس وصلت يمه حجةة..
مهيمن _وينج انتي ظل بالي عليج عبالي تخربطتي لو شنو بيج مو اتفقنة بفلان وكت نطلع سوية..
هدى _ابتسمت بوجهه اول مره اسويها من فتره طويله حبيت اهدي بهاي الطريقة..
لا تخاف بس اخذني الوكت جوه وجنت مرتاحة لهذا منتبهت على الساعة..
مهيمن _هاا اذا هيج مو مشكلة بس خفت عليج والله حته بالنداء صحت بأسمج كلت هاي ضاعت..
هدى _ضحكت،،لاا مو لهل درجة..
مهيمن _الله يديمها لابتسامتج..
هدى _مجاوبتة اكتفيت بالابتسامة طلعنه تمشينة شوية بشوارع المدينة اخذنة غده سفري ورجعنه للبيت شفت الدنيا غيمت جنها اليوم بيها مطره من هاي الزينة حطيت الاكل على الميز اجه مهيمن كعدنة ناكل شوية ومد ايده مهيمن وخله تلفونة بصفي..
مهيمن _هاي شطلعج امشي طبي جوه ليلوحج برد..
هدى _لعد وانته واكف بهذا شكلك جوه المطر شنوو متبرد..
مهيمن _جسمي حاار معدتي عبالك نار بيها اريد ابرد بلكي تنطفي النار الي.
بية..
هدى _دمعت عيني..
الله لا ينطيهم شلون اذوا ومدمر لانو شوية اكل زايد..
مهيمن _طبي معليج بية شوية ولاحكج..
هدى _فدوه لخاطري راح تتمرض تعال جوه..
مهيمن _شبيج راح تبجين لتخافين ماموت هسه..
هدى _لزمت ايده شبكتها..
دير بالك اجيب سيره الموت على لسانك منو الي بهاي الدنيا غيرك  انته ابوية واخوية وزوجي..
مهيمن _هدوشتي لاتبجين يلا امشي حطب هاي هية والله صايره تعرفين تحجين..
هدى _ههه بعد  راح تلزمها عليه موو..
مهيمن _طبعا هوه احنه مصدكنه شفناج نطقتي لازم ادونها ويه المستحيلات..
هدى _كافي شقة مهيمن وهاك هذا الخاولي نشف روحك وطب غير ملابسك..
مهيمن _لااا ماريد..
هدى _انصدمت..
شبيك مهيمن جنك طفل مو حتتمرض دكوم..
مهيمن _تعاي انتي نشفيني وبدليلي ملابسي..
هدى _فكيت عيوني..
لا والله خاف متقبل وليش دابدلك شناقصك ايد رجل وبعدين مو قبل جنت تبدل وحدك شبيك اليوم هاا..
مهيمن _وانتي كلتيها هاي قبل اما هسه فأني اريد مريتي تبدلي يحقلي ادلل عليها وغمز..
هدى _بأحلامك..
مهيمن _واني حبقة كاعد هيج لعد.. ااشه بردت جني يمه الظاهر تمرضت
هدى _باوعت عليه..
مهيمن عليك الله بطل هاي السوالف والبس عاد..
مهيمن _كتلج مالبس الا انتي تلبسيني وبعد انتي وضميرج اذا تمرضت..
هدى _طبعا اعرف مهيمن اذا يخلي براسه شي مستحيل يغيره رأية حسيته من صدك بلش يبرد كلبي اذاني عليه لا يتمرض وهوه منا صايره صحته على كده صعدت فوك بسرعة طلعتله تراك ونزلت شفته على نفس كعدت..
تدنيت يمه كعدت بصفة انتبهه عليه ابتسم براحة..لزمت بلوزه نزعته اله بهدوء واني اتحاشى اباوع بعيونه اخذت المنشفه انشف بيها جسمة وبيه مابيه احاول ما طخة لانو كل ماطخة احس بجسمة يتشنج ونفسة يصير اسرع..
جبت منشفة لخ حطيتها على شعرة تقربت اكثر حته انشف شعره بهدوء اقشعر جسمي من حسيت بي حط راسة بركبتي بايس شحمة اذني غمضت عيني متوتره بسبب حركتة هاي ايده صعدت على سحاب تراكي فتحها وحاط راسة بصدري ردت اوكع عليه والله..
بس هوه تلاحك عليه يضحك..
سحبني منومني على القنفة وهوه صار فوكاي غمضت عيني بتعب اذا نجي للواقع اول مره اعيش هذا الاحساس وياه لانو من أخذني والفتره الي وراها جانت مجرده من اي مشاعر او تفاهم بينة همسلي بهدوء..
مهيمن _فتحي عينج كليبي..
هدى _فتحتها على كيفي اتحاشى اباع عليه لانو نضراته حيل جريئة واني ادري بروحي مو كده..
مهيمن _تخجلين مني هدى باوعيلي لا تستحين حبيبي اني حلالج زوجج باوعيلي بالي يعجبج محد يكلج شي..
هدى _ااا... ادري
مهيمن _لبووتي كليبي..
هدى _هااا..
دنك بايس شفايفي بهدوء..
مهيمن _يابعد ال هااا احبج احب كل شي بيج من راسج لجدامج احب كل عيوبج قبل محاسنج انتي ماخذه كليبي كله شلون مرض السرطان عايشة  انتي بيه هيج من اصير يمج...
هدى تحبيني
هدى _اا اي..
دنك مبوس صدري..
مهيمن _كوليها..
هدى _ااا احبك مهيمن..
مهيمن _ابتسم..
احلى حجاية اووف شكد انتضرتها وشكد حلمت بيها يعذاب كلبي هدى بعدج تردين تطلكين مني..؟
هدى _هزيت راسي بمعنى لااا..
بوس عيوني وخدودي طلع الشامة الي بجتفي وباسها قوي..
مهيمن _لو تدرين شكد جنت اشتهي ابوسها لهاي الشامة هيه والباقيات تسويلي اغراءات واني منا كوه لازم نفسي عنج..
هدى _ضحكت غصب عني لانو يحجي بعصبيه كل عقله..
مهيمن _اي ضحكي شكو عليج..
هدى _شبكني لامني بحضنه ويبوس بركبتي وينزل على جتفي حسيت بأيدي دتوخر بملابسي وجسمة رجع صار نار ونفسة سريع كبل لزمت ايده امنعه باوع عليه بتعب..
مهيمن _كافي هدى والله تعب بعد مابية اريد اعيش وياج بشكل طبيعي عاد والله احبج وكل شي صار مو بقصدي..
هدى _هاا موو باع يعني اني هم احبك وأريد اعيش حياتي وياك بس شوف شلون اكولها الك..
مهيمن _عكد حاجبة..
شنو هوه الي متعرفين شلون تكولي مابيها مجال يتأجل لبعدين..
هدى _رجع يلزمني.. حجيت بسرعة مهيمن مايصير عليه الشهرية موو..
صفن بوجهي ثواني فجأه عافني وراح للحمام ظليت اباع وراه يمكن طب يسبح شوية وطلع ينشف بشعره اجه عليه تمدد ومددني على طولة حاطني بحضنة يبوس براسي كلساع..
مهيمن _هذا هم حظي ههه..
هدى _ضجت..؟؟
مهيمن _لاا اهم شي هسه انتي بحضني ومرتاح ورجعتي تقبلتيني هذا يكفي وعود ننتضرج تخلصين وبعدين نكمل وغمز..
هدى _وجهي صار احمر دنكت راسي واسمع صوت ضحكته العالي..
مهيمن شكد تحبني بله..
مهيمن _شنو هل سؤال متعرفين جوابة يعني..
هدى _لا ماعرف..
مهيمن _ ماكو مقياس لحبي الج..
هدى _يعني شنو حدد معلية..
مهيمن _احبج على بعد ثلاث أمتار من السمة..
هدى _ههه هاي شنو اول مره اشوف واحد يكول احب بكد ثلاث أمتار من السمة..
مهيمن _اي اني اختلف بكل شي حته بحبي شتردين بعد..
هدى _مممم..
مهيمن اريد اشتري هدية لامي حياة وعمو يوسف اريد اذكرهم بشي حلوو لانو دائما همه يذكروني بكل الشغلات الحلوه اني جايبه وياي ٨٠ الف من فلوسي مال تصميم والخياطة خلي اجيب الهم بيها شي..
مهيمن _تمام ادللي..
بس عوفي فلوسج  على جهه اني انطيج ورقة واذا تردين اكثر بس لا تكولين ادفع من فلوسي اضوج..
هدى _ضحكت تمام..شوكت نرجع
مهيمن _خلينه شعدنه..
هدى _كيفك اني علمودك متروح للدوام..
مهيمن _انتي دوامي وكل شي مهم بحياتي..
هدى _داحجي باسني بقوه..
مهيمن _كافي تحجين خلي انام عاد حضنج حيل يسوي واهس للنوم..
هدى _سكتت مجاوبتة بس بادلته الحضن مستسلمة للنوم..
لحد ثاني يوم فزيت بعدني على نفس نومتي باوعت مهيمن كاعد ويحرك ايده على شعري..
صباح الخير..
مهيمن _ابتسم.. صباح العافية..
هدى _شبيك ضايج؟
مهيمن _تحسر..
شوكت يطول شعرج داتأذه حيل من اذكر شلون راح كله من ورأية..
هدى _دنكت..
يطول بس مو هواي لانو حلفت بعد ماطولة كلش..
هزز راسة وكام يغسل واني كمت  طلعت للحديقة جان الجو بي كرصة برد بس حلو خصوصا البارحة جانت مطر حسيت على ايدينات التفت على خصري عرفته مهيمن سحبني على صدره باس راسي..
مهيمن _وين صافنه كليبي..
هدى _بالجو ههه..
مهيمن _يلا ولو اقاطعج من صفنتج بس جعت وكليني تره اكلج الج..
هدى _لا امشي هوه اني داحضر بالأكل..
طبينة سوية وهوه مستند على جتفي كعد على ميز الطعام واني بديت اسوي بالأكل طلعت بيض وطماطة اسويهم سوية وحطيت الجاي على النار وبديت اكصكص بالجبن وهوه صار يسولفلي ساعه عن الفتره الي جان بعيد بيها عني وساعه يسولفلي على جماعته وطلعتاهم لو مواقف اضحك صايره وياه..
صرنه ناكل واحنه حيل متونسين على بساطة الكعده والسوالف لو من يضحك اصفن عليه ادري اني وين جنت عنك سنة كاملة اجه على بالي اكوم اشبكة واحضنة قوي مثل مايسوى هوه بس استحي ههه..
مهيمن _وين بالج يا حلوه..
هدى _لا وياك شكلت..
مهيمن _كلت شوكت انام وياج الجفاف موتني وانتي توج هزيتي راسج متأكده كلامي..
هدى _فتحت عيني مصدومة..
شنوو اني سويت هيج والله مجان بالي يمك..
مهيمن _ابتسم بمكر..
مو توج تكولين بالي وياك ام الصفنات بس باله عليج اذا هلكد ترديني وفصلتيني تفصل بعيونج متجين يمي وتفضيها احسن من هذا التعاير..
هدى _اهوو اكوم احسلي اني..
مهيمن _ههه تعاي اشاقه وياج كملي اكلج اني اصلا طالع اسوك للبيت كم شغله واجي..
هدى _كضينه هذا اليوم كله سوية ومرتاحين حيل صح بقينه بالبيت بس الفرحة جانت مرسومة على وجوهنه وطبعا متخلوا الكعده من تحرشات مهيمن يصعد وينزل براحتة احم ههه باليوم الثالث هوه كالعاده يطلع الصبح يسوك لو يكضي كم شغله ويرجع..
طلع واني بديت الملم البيت بالي اكدر عليه ساعة هيج شي وطب مهيمن من بره بس صاير كتله مال أعصاب بحيث صدك خفت منه لازم التلفون يخابر ماعرف منو يفشر ويكفر ويه صاحب المكالمة سده منه وطفو فوك رحت وراه شفته بدل ملابسة وطلع سلاحة ترس الشاجور وحطة بخصره نتر بيه..
مهيمن _لييش واكفة هييج كبالي بسرعة لبسي اي شي على راسج دنطلع..
هدى _شنوو شكوو شصاير مهيمن.. عاط ييه
مهيمن _يسرررررعة هدى ماعدي وكت اخذ وانطي بالحجي فضينه..
هدى _زين بس انطيني صبر الم بالغرض..
مهيمن _لجج خرره بيهم عوفي كل شي وبس ستري روحج..
هدى _عافني ونزل بسرعة ركضت لبسي شالي وصايه ياربي هاي شصاير والله خفت حيل انوب عصبي ميتحاجة سمعته ديعيط وينج عفت كل شي مثل ماهوه ونزلت جان بره بس طلعت قفل البيت..
طلعنه وهوه كل الطريق يفشر ويسب يسوق بسرعة جنونيه..
مهيمن _اني الك يا كلب ابن سطعش كلب احنه تلعب بذيلك ويانه لاا والله لعبت بعداد موتك يا گ... أبن الن.....
هدى _يمعود بس سوق على كيفك وانتبه للطريق مو حننضرب كل شي ينحل ان شاء الله..
مهيمن _ضرب على الستيرن..
لججج شينحل هااا شيحنل كل شي مينحل اذا مافرغ هذا المسدس براسة ما أرتاح  كو.. مووتك انكتب على أيدي اليوم..
هدى _لكككك مهيمن شبيك..
يعيط ويسب محاس على روحة واني الخوف اكلني ودموعي تنزل من وحدها فجأه ومن دون سابق إنذار صار صوت كلش قوي مال انفجار والدخانة ترست كل الشارع بحيث صارت كبالنه ضباب مال نار ودخان من قووة الصوت مهيمن مسيطر على السيارة و ديوكفها بس انضربت بالسيارة الي كدامنة وكل شي أظلم صار..
يتبع في البارت القادم...