لم تكن امي(لبوة الاسد)

البارت السابع والثلاثون

،،لم تكن أمي(لبوة الأسد)،،
_البارت السابع والثلاثون _
~~~~
أنتي كُل الزين عندي ويمكن أكبر
من تحاچيني بفطرتچ حزني يصغر
وهذا المحليچ عندي ،
كُلشي ما بي أي تصنع ينحب أكثر
~~~~~~
(قبل كل شي ياريت الكل يقره الكلام الي راح أكتبة وميعبرة حته لا يرجع يسأل..
اول شي.. اني من بديت بالقصة شنو جنت اكتب؟؟ جنت اكتب (رواية) شنو معناها انو القصة مو قصيره او مختصره  بجم بارت وتخلص اني داكتب حياة ٣اشخاص كاملة..
فالي تحب القصص القصيره ليش جاية تقره هناا..
ثاني الشي.. النشر اني مو كاتبة وكايلة بين يوم ويوم وكل مره انشر بين ال٨لل٩ وهذا الشي ثابت والي متابع عدل يعرف بهل شي..
ثالث شي والأهم.. انتوا الشخصيات الي اشوفكم تضهرون بس بوكت الانتقادات لو تحجون على الكاتب لوين تردون توصلون يعني؟ الكلمة الطيبة متطلع منكم كافي تره عيب بالخاص ماكو احسن منكم والتعليقات نفسكم تحجون عليه تره صح ماجاوب بس من توصل حدها عذرا منكم احظر الي يجاوز ..
خلي الاحترام متبدال بيناتنة داكمل القصة على خير..)
فاطمة _شنو سالفة تلفونك كلساع يدك فارس اخاف صاير شي..
فارس _لا حبيبتي بس هذا صاحبي واحد لزكة بس افتح الخط وياه مستحيل يسده بعد واني مال واهس كلش..
فاطمة _ممم..
مهتميت كلش لانو الي بية مكفيني..
فارس _يلا غمضي عيونج الحلوات حته انام ولترجعين تحجين بالي صار الخاطري والله تعبانين خلينة نرتاح كل شي يتصلح بالايام الي جاية ثقي بالله..
فاطمة _ونعم بالله..
فعلا نمت من دون ما ارجع افكر وافتح نفس الموضوع مجدده حزني على خسارتي لطفلي..
مرت يومين وضعي مثل ما هوه بس الي اختلف بديت استوعب الي صار وياي اهلي معافوني خطية يجوني من الصبح يبقون يمي حته ما انقهر لو ابقى وحدي افكر بالي صار حته فارس عايف شغلة وباقي وياي..
باليوم الثالث مقبلت بعد يظل كاعد بالبيت علمودي مابية شي وصحتي اتحسنت هوه هم من شافني احسن بدل وطلع للشغل بس قبلها وصاني يمكن عشر مرات على نفسي واخذ دواية..
بيت عمتي ولا رحت يمهم بعد وحته ماحجي وياهم احسها جانت سبب انو افقد طفلي هلكد مجانت اصخرني بالشغل وبتها كاعده مثل الاميرات محد يكلها شيلي الريشة من الكاع..
شفت جهازي يدك رفعت جانت خالتي حياة..
حياة _هلا يمة شلونج؟
فاطمة _زينة خالة..
حياة _حبيبتي احنه بالباب طلعي فتحيلنة لانو صار نص ساعه اندك ومحد طلعلنة..
فاطمة _ياا صدك تحجين جايتج..
سديتة منها ماخذه شالي شبيهم ذولة ميفتحون الباب لو حته هاي صعبة عليهم استغفر الله فتحتها جانت خالتي حياة وهدى بس شفتهم غرغرت عيوني بالدموع حظنتني خالة..
حياة_ليش هل بجي يا عيني مو كافي..
هدى _الحمد لله على السلامة الله يعوضكم..
فاطمة _الله يسلمج..
نصيت راسي بعدين باوعت عليها..
هدى احس الله اخذ ابني مني لانو زاعلتج بهذيج الفترة..
هدى _شنو هذا الحجي بعد قابل شمسويتلي انتي حته الله يعاقبج من وراية صدك عقلج تعبان كلش..
ليش تفكرين هيج فاطمة
فاطمة _والله انتي احسن مني اني قهرتج وانتي جايتني برجلج..
حياة _يايمه كلامج مو منطقي هذا قضاء وقدر الله الكاتبة..
هدى _صح واني والله لا شايلة بكلبي عليج ولا زعلانة بالعكس احبج واتمنالج كل خير والله حته من زعلتي مني جنت عاذرتج وعلى الاقل مأذيتيني انتي بشي..
حياة _زين خالة حتظلين تبجين بوجهنة على الاقل قدميلنة بس كلاص مي منريد اكثر..
فاطمة _مسحت دموعي بأبتسامة..
والله اسفة نسيت روحي ههه تدللين
هدى _بقينة كاعدين وياها قريب الساعة وبعد ما اطمنه عليها ودعناها ورجعنة للبيت..
اخ من هذا البيت عبالك كل ما ابقه بي ارتاح وحياتي تصير هادئة صح مناسية الي صار بس متناسية وخطية عمو وامي يحيرون شيسولي حته اغير جوو من طلعات من فره من أغراض وحته اخير مره اخذنه وياه للبصره يم أقاربة بقيت اهناك اسبوع ورجعنة..
بس والله اسبوع من العمر تونست يي حييل منطقتهم كلش حلوه وعايشين أهله على الطبيعة والبساطة صرت كل يوم اطلع اتمشى بالبستان مالتهم واكعد بصف الشط اصفن على الطبيعة..
اتمنى لو جانوا صدك عمو وامي حياة همة اهلي الحقيقين يمكن مجان صار بية كل هذا يمكن جان عشت احلى طفولة ومراهقة..
مرات اسأل ربي ليش خلقتني ويه هيج عائلة شياطين عبالك والله مو بشر بس بعدين استغفر ربي واكول الحمد لله على كل حال هاهية هذا مكتوبلي..
شهر واني ابيت أمي حياة ومهيمن ماله اي أثر حته من رحت للبصره معترض ساعة افكر بي معقولة صاير شي وياه بعدين اكول مالي بعد اي دخل بي هوه خلاص انتهى من حياتي وكل شي بينة وصل لطريق مسدود واصلا هسه الكاع مكابل صديقتة وكل يوم بالليل يروح الها..
صح احجي واقنع بروحي بس من توصل لهاي النقطة الزم كلبي حيل يأذيني مرات احس هذا الوجع مبالغ بي ليش هيج تجيني نغزات وبعدين اكول صايره اوهس اكيد..
اليوم يصادف عرس اخو غدير سلام بالاول مجان الي واهس اروح لمكان مرتاحة بالعزلة مالتي بس امي مقبلت ابقى بالبيت وكالت اذا ما اجي هيه هم متروح..
وبعدين خابرتني غدير نطتني رزالة غسل ولبس تاليها كلت اروح بكرامتي شوية وارجع طبعا الكعدة هيه حنة هيه زفة شي مختصر لانو صار الف مره يتأجل عرسة..
وكفت كدام المراية اتلمس شعري احسن من قبل بهواي بس هم بعده قصير صفنت شوكت اتحرر من هاي القيود واخلص اريد ارجع لحياتي القديمة تعبت والله..
بهل أثناء واني بعدني على وكفتي انفتحت الباب بقوه وطب مهيمن وهوه عبارة عن كتلة من الأعصاب اخترعت شاهكة منه..
بس الي لفتني اله متغير وجهه اصفر جوه عينة صاير سواد ايده بيها أثر كانونة وأيده الخ ملفوفة هاي شصاير..
تمالكت روحي ورجعت باوعت بعيونة كافي ضعف هدى هل مره الحق وياج مو عليج..
حجيت بثقة.. اطلع بره
مهيمن _مو قبل منحجي..
هدى _ماكو شي نحجي بي وبعدين انته شلون تتجرأ تجي لعدنة وتصعد يمي..
مهيمن _اكو هواي اشياء لازم احجيها الج وانتي لازم تسمعيني..
هدى _أسد اطلع برره لا والله الم البيت عليك..
مهيمن _أسد؟
هدى _اي أسد انته حاليا بالنسبة الية أسد وبس..
هز راسة من دون كلام
مهيمن _كعدي هدى لازم نحل هاي المهزلة عاد..
هدى _انتة شبيك متفهم هاا اذا متطلع اني اطلع..
مهيمن _بنت امج وابوج طلعي حته اراويج خبالات أسد شلون تصير..
هدى _عفتة يحجي مشيت داطلع سحبني من ايدي بقوه بحيث انضرب ضهري بصدره وهوه صاح بألم لازم بطنة..
مهيمن _ااخ..
هدى _هاي شبيك شسويتلك قابل اني..
باوع عليه جرني من ايدي وسد الباب برجلة كعدني على السرير وهوه جاب كرسي حطة كبالي وكعد عبالك مثل المجرمين من الضابط يستجوبهم...
مهيمن _اي هدى تاخذين مانع حمل..؟
هدى _باوعت عليه رغم متألم وحاط ايده على بطنة بس بعده بكامل هيبتة ومن يسأل بكل ثقة هلكد ممسيطر..
لاا مم..
مهيمن _لا جذبين تره ادري بيج تاخذين احجيها بوجهي بصراحة..
هدى _اي اخذ واصلا احسن شي سويتة من اخذت المانع...
صفن بوجهي..
مهيمن _لهل درجة كارهتني هدى..
هدى _واكثر والله اصلا تعرف شنو ماريد حته اشوفك مره ثانية..
مهيمن _اي والدليل طالبة الطلاك بكل رحابة صدر بس والله يا هدى كطنة وشيليها من اذنج طلاك ماكو لازم تسمعيني يلا تحكمين مو بكيفج تنهين كل شي...
هدى _لك شنوو انته شتريد مني بعد مليت وكرهت حياتي وياك عوفني بحالي لخاطر الله مكافي الي صار بية من وراك لحد هسه..
تريد اذكرك شسويت بس غلطت غلطة وحده عاقبتني ابشع الطرق النفسية قبل الجسدية مع انو تعرف انته كلش زين شنو جانت غايتي الأصل..
اذيتني
خنتني..
ضربتني..
شوهت شكلي..
صرت تشرب..
وتوصفني بأبشع الأوصاف..؟؟
هوه هذا حبك اليه أسد حته اهلك مرحموني بالصاعدة والنازلة يسمعوني حجي كأني بنت شوارع وهاا ازيدك من الشعر بيت خاف متدري حته اخوك العار محسن تعرضلي  بنفس اليوم الي عفتني بي اجه يكلي مو تدورين ولد اني موجود..
دروح حاسب اهلك بالاول قبل ماطلع شطارتك بس عليه كلهم صاروا براسي شرفاء وهمه النذالة تنكط منهم مثل السم..
مهيمن _شكلتي شكلتي شسوالج محسن..؟؟
هدى _سكتت هلكد مجنت احجي بحركة واعصاب احس كلبي دكاتة صارت الف باوعت على مهيمن فاك كل عينة ومصدوم يمكن حجيت شي مو بوكتة وعرفت الجاي مابي رحمة من نضراتة.. عاط بصوت عالي
مهيمن _سأللللتج جااااوبي صح الي حجيتي محسن متحارش بيج..؟؟؟؟؟؟
هدى _هزيت راسي بمعنى اي مو مال جذب هسه.. صارت عيونة بكصته انتبهت على بلوزتة صارت بيها نقط مال دم اخترعت هذا مين اجة داحجي خلة وطلع..
نزل بسرعة بحيث الدرج سواه شبختين أمي جانت كاعده حجت وياه تكله شبيج مجاوبها خله وطلع راكع الباب وراه دارت وجهه تباع عليه بحيره..
حياة _شكو شصاير وهيج كاب نار مهيمن..
هدى _دنكت راسي وحجيت..
والله ماما اني حاليا ميهمني احد حجيتلة كل شي بوجهة وكتلة على سواية اخو الحقير..
حياة _عزه العزاني صدك تحجين..
هدى _اي صدك شسويلهم مو بس عليه كادرين خلي يعرف اخو من يا ملة جاي..
حياة _لج اني مو علموده يولي هوه هذاك توه طالع من المركز أنوب وطز بي بس خايفة على مهيمن لا يصير عليه شي..
هدى _لحضه لحضه شقصدج مدافهم منو الي بالمركز وشبي مهيمن جنج ضامة عليه؟
باوعت عليه بحيره تنهدت مكملة كلامها...
حياة _الي بالمركز مازن يمه..
هدى _شنووو...!!!!
حياة _اي شعبالج مهيمن سكت حتلو جان مو غلطان هم راح يعاقبة وميسكت من يوم الي عرف بالشغلة طالع ساحلة وماخذه معذبة بالمركز لعد انتي مسالتي روحج شلون صبيحة ساكتة عنج وصار فترة مختفية مهيمن مهددها بأبنها وقبل كم يوم طلعوا عمامة بعد ما سوو كعده وعلى اثرها تعهدوا ميتكرر الي سواه..
هدى _فكيت حلكي صافنة.. يعني اخذلي حقي..
حياة _اخذلج حقج ومربع هم بس اووف من الي راح يصير هسه شراح يسوي بأخو وهوه منا جرحة بعده أخضر مال عملية
هدى _يمعوده يا عملية بعد وليش اني مادري باي شي..
حياة _مهيمن مقبل تعرفين.. من اجيتي عدي وره فترة معده صايره تاكل بي مثل التتأكل وكل شوية يذب من راسة الطبيب معرف علته اخير شي قرروا يسولة غسيل معدة اخاف متسمم لو شو شنو بس مفاد..
بعدين سولة عملية شكو بأمعائة اكو جرثوه معرف ايش والله هذا الطب بهل وكت مينعرف تاليها شاكين بطنة ومتأذي بالزايد وشوفت عينج الباقي...
هدى _بلعت ريكي بخوف..
تتوقعين راح يصير شي أبيت عمتي لانو حجيت لهميمن يمكن مجان هذا الوكت المناسبة حته احجي موو..
حياة _مادري يمة بس خلاص خلي يعرف كل شي حته يوكف عد حده لا تفكرين بيهم انتي مو تكولين بعد ميهموني..
هدى _مادري بس يعني انقهرت اي شخص بمكاني راح ينقهر شعور إنساني..
حياة _الله كريم امشي نسوي الواجب نروح للعرس ساعة زمان ونرجع..
هدى _ولو واهسي خربان بس وعدت البنات اجي..
٠٠٠
غدير _واكفة كبالي كنتوري اطلع بالملابس الضرورية واخليهم بالجنطة خلاص حياتي ويه همام وصلت لنقطة مسدوده لا هوه الي تمسك بيه وحاول
وياي اظل مجرد حجي عابر وبارد ميحسسني ابد بأصراره عليه ولا اني الي اقبلها بعد على نفسي ابقة كملت كل شي وطلعت على جهه ملابس العرس وهل سوالف باجر اروح واودع حياتك همام..
تحسرت شلت الجنطة وأخذت ملابسي وكل شي احتاجة ورجعت لغرفة فاطمة قبل ميجي همام ويشوفني موجوده بالغرفة لانو من هذلك اليوم واني انام هنا ماريد اظل قريبة منة وبعدين أضعف بسبب حبي اله..
طبعا محد عرف بينة منام بنفس الغرفة لانو البقية غرفهم جوه ومهيمن صاير ينام بالصالة ومحسن ميدري بالدنيا طشت لو رشت ولو احسن لانو ماجرعة احس عينة زايغة مراهق وتصرفاتة طايشة..
نزلت جوه جانوا كاعدين على التلفزيون وجدو وياهم بهل أثناء فات من بره همام سلم وكعد وجهه ثكيل وية الكل..
الحجي _الجو بارد مال حليب وكاكو هذا الي تسوا بالشتة من ايدين غديره..
غدير _جنك على نسكافي جدو تدلل دقايق واسويلكم..
كمت للمطبخ اسويلهم نسكافية اجه محسن يفتر بالمطبخ مدري شيدور ناطيتة ضهري طلعت الصينية واحد بيها الكوابة حته اصب جان افز على صوت نترت همام..
همام _عييييينك وييين محسن..!!!!؟
غدير _درت وجهه عليهم بسرعة جان همام عيونة حمره وشاد على قبضة ايده بقوه احسه كوه لازم نفسة ومينفجر على اخو ومحسن وجهه ينطي اللوان مادري شمسوي..
همام _سألتتتتك سؤاال واضح جاوبني عيينك وووين..؟
محسن _هاا شبيك خوية متشوفني جنت العب بالتلفون اكيد عيني يي..
همام _شوو لك عيينك افكسهاا بعد اذا لمحتك نضرت مجرد نضره غلط منا لو منا والله ثم والله اطيح حظك...
محسن _اي كافي تعيط عليه هيه نضره صارت بالغلط ليش فاهم الشي غير شي..
غدير _هوه حجة هيج لو همام كمز على محسن خانكة من ركبته كلت هاهية راح يودع كبل ركضت لزمت ايد همام احاول اسحبها..
همام _نذذذل عبالك مافهم شنو جنت تسوي حقير والله يرادلك تربية من جديد..
غدير _يمعود وجهه صار احمر عوفة.. انوب خزرني اني شعلية خرب
محسن _هاهية ما اباوع والله ما باع بس عوفني مو حموت..
همام _امشي ولي وخر من كدامي ما اريد المحك بعد..
غدير _بس عافة راح يركض شارد المخبل.. بعدين وجهه همام كلامة اليه..
همام _من ملابسج صايره ضيكة عليج من وره الحمل متعرفين تحجين تكولين حته اخذ لل...  تشترين ملابس أعرض..!!
غدير _عكدت حاجبي مستفهمة..
شبيك عاد تره بجامتي مو كلش ضيكة بس من جهه البطن شوية بارزة شدعوه هاي العصبية..
همام _راح تموتيني ببروده اعصابج والله..
غدير _خله وطلع صفني على كلامة هسه هوه شيريد بالضبط اشو بس يتعارك وبعدين يكلي حتموتيني..
يبوو بردت النسكافي شكول عليكم.. رجعت حميتها و وديتها الهم بقيت كاعده شوية بعدين نعست صعدت لغرفة فاطمة كالعاده بدلت وتمددت متحسره..
اخر ليلة اليه بهذا البيت شكد حاولت إلهي روحي حته ما اذكر بس تخوني ذاكرتي وترجعني يم هذاك الولد استغفر الله..
دكت عليه أمي شلت حاجتني تكلي اجي من وكت علمود اساعدكم بالتحضيرات سديتة منها وكأنوا لكيتها فرصة حته اروح اشوفة واحاجي حتلو اخير مره بس كلبي مشتاق اله..
دكيت الباب وفتت جان متمدد ولازم راسة يفرك بي بقوه عبالك يتعارك ويه نفسة من دخلت وكف عن الحركة متفاجئ بجيني احتمال فهمها غير شي بسرعة حجيت اقطع سلسلة أفكاره..
همام اذا مبيها زحمة عليك أريد اروح لبيت اهلي من الصبح لانو امي محتاجتني وياهم تعرف عرس بعد.. هزز راسة متفهم
همام _تدللين سهلة..
غدير _يلا لعد رايحة أني تصبح على خير..
همام _متبقين اليوم..
غدير _خزرتة.. شنووو
همام _شبيج عصبتي اقصد يعني اذا ممكن بس اليوم نامي بالغرفة اريد احس بأبني صار فترة بعيده عني حرام عليج هيه حارمة اب من ابنة..
غدير _اهاا هاي اني هيج..
همام _اهم شي النية هسه شكلتي..
غدير _سكتت افكر بكلامة والله لوما هيبة الزعلة جان شمرت روحي بحضنة بس لا فشلة..
احم اذا مصر يعني علمودك انته وابنك راح اوافق لانو باجر...
همام _اي اي اعرف تره باجر شكو ماكو داعي اذكريني بي كل شوية..
غدير _طفيت الاضوية مال غرفة من يمي ورحت لجهتني من السرير سحبت مخدتي نمت عليها اجاني عطر همام شميتها العطر منها  اخاف مبدل المخاديد مادري..
توني مغمضة عيني تسللت ايده من جوه خصري وسحبني عليه بهدوء لحد مصرت نايمة على صدره وهوه شابكني من الجهتين وقافل على رجلي برجلة فاجأني هاي اول مره يسوي هيج..
يحرك ايده بهدوء على بطني البارزه وراسة قريب من ركبتي يعني شكلنة ابد مو قانوني واني اصلا ممنعتة من شوقي لقربة وكل شي بي مرت دقايق لا اكثر وحسيت على انفاسة ثكلة معلنة عن نومة..
رفعت راسي اله متحسره تحسست رموشة بأيدي وحواجبة شكد ثخان يكولون الام الحامل تتوحم على أشياء مختلفة وعجيبة احيانا اني بهل لحضة توحمت على ريحة جسمة فتحت سحاب التراك مالتة..
رفعت روحي وخليت راسي بصدره استنشق عطره وكأنوا كاعد اتنفس الأوكسجين نزلت دمعتي بشكل غريب ماعرف ليش بجيت بس الي اعرفة جنت محتاجة لهذا الحضن بسته من صدره  بعدين شميت نحره وبستة بخفة ودعته بطريقتي الخاصة
وكمت من يمة رجعت لغرفة فاطمة نمت بالفراش وطكيتها بجية بجيت لحد مكلت بس تعبت وغفيت ماعرف يا ساعة لحد ثاني يوم كعدت على دكت.
الباب شفت الوكت بال١١ عزه تأخرت على بيت اهلي كمت فتحت الباب جان همام بس كالب خلقته كلش من شافني رخت ملامحة مستغرب..
همام _شبيها عيونج غدير..
غدير _هاا من النوم هاي اكيد..
همام _خووش ديلا بدلي دنروح..
غدير _عرفتة ضايع لانو رجعت للغرفة وعفتة ميخالف خلي يضوج هوه هذا الصح النه احنة الاثنين جهزت روحي سحبت جنطة الملابس من الكنتور ونزلت عمتي بس شافتني اخترعت لانو بيدي جنطة جبيره..
جنان _صخام بوجهي هاي وين انتي والجنطة..
غدير _لبيت اهلي عمة..
جنان _لج يمه شكاعد تخربطين انتي رجعي لعقلج..
همام _يلا غدير طلعي تأخرت على المحل..
جنان _لك شبيك انته مكاعد تسمع شتحجي..
همام _رجاءا لا تدخلين شي خاص بينة..
غدير _طلعت قبلة وهوه اجه وراية يسوق بكل هدوء بس صوت انفاسة المخربطة أسمعها وصلت لبيت اهلي توني نازلة صاح بأسمي باوعت عليه ظل ساكت اخير شي تنهد وحجة..
همام _ديري بالج على نفسج ولا تشتغلين هواي تمام وحسج عينج تطلعين بره بوكت الهوسة..
غدير _ان شاء الله..
مفكرت بشي عفتها للزمن شلون ميحلها خلي يحلها فتت اساعدهم واكمل الي باقي من الشغل وبعدين بدلت وكشخت لبست فستان على طول الجسم  وردي وصخ وبي جاكة من كدام توصل لنص رجلي ومن فوك الايدينات والصدر كلها تور شفاف حيل وبي فصوص بيضة..
اجو البنات وبيت عمتي جنان مهتميت كلش كعدت اسولف وياهم غيرنة جو ثلاثتنة..
فهمت من كلام فاطمة محسن كاتلي اخوتة مهيمن وهمام ودازي لبيت جده ابو ابوه تعجبت انو ليش شصاير كالت فاطمة متعرف السبب..
هدى جانت حالتها الصحية والنفسية كلش اهون من قبل الحمد لله بس صدمتنة فاطمة من حجت بخصوص مهيمن..
فاطمة _مكدر يجي للعرس كلش تعبان وجرحة اليوم انفتح وصاير ينزف هواي ماخذي بابا وهمام للمستشفى وراح يبقى اليوم علمود ينجبر ميتحرك منا لباجر..
هدى _يعني جرحة هيج جبير بحيث راجع للمستشفى..
فاطمة _مو اكلج مفتوح عليه الخياط ومنا معده لهسه تاكل بي..
غدير _يوو خطية ليش مديلكون علاج مو حيخلص الولد..
هدى _اسم الله أن شاء الله مابي شي ليش تفاولين عليه..
غدير _ابتسمت على خوفها عليه الواضح بلكي تصلح حياتهم عن قريب..
خلص العرس وزفينة العرسان دنوزع العشة للمعازيم  دك تلفوني عليه هذا همام كلت احتمال محتاج شي شلته كلي بس كلمتين..
همام _بسرعة طلعيلي..
غدير _بقيت صفانة خاف اكو شي صوتة جان غريب لبست شالي والصاية طلعت من الباب الصغير شفته واكف قريب باب الشارع اجه بسرعة اخذني من ايدي وصار كدامي مثل السد بحيث محد من الشباب الي بره يشوفني طلعنه للشارع وصلنة يم سيارتة..
باوعت عليه وعكدت حاجبي.. شنو هاي وين؟؟
همام _بس صعدي واني اكلج على كل شي..
غدير _ايي شلون مو البيت مخبوص بالعالم والهوسة شعدك احجي الي تريده بسرعة حته ارجع..
همام _أنتي الحجي وياج ضايع لازم انفذ غير طرق الظاهر..
غدير _شنوو ش.. بعدني ممكملة كلامي فتح باب السيارة صعدني بالقوه وقفل الباب عليه فكيت حلكي عززه هذا شبي بحركة سريع اجه صعد بصفي وطار بينة..
هاااي شنووو يمعود شبيك متفهم بالحجي مو اكلك خطار عشة عرس صخام شدسوي انته تخبلت..
همام _انعل ابوهم لابو ابوهم طززز بالكل خلصت الدنيا وبقيتي بس انتي يعني..
غدير _لك شبيك همام رجعني للبيت عفية..
همام _لو يجي الحمزه مارجعج اليوم..
غدير _هسه غير افتهم شبيك والله مخبل..
همام _اي صح صدك مخبل واليوم صحيت على حالي الف الحمد لله حته صلاه شكر قبل ما جيج صليتها..
غدير _فكيت حلكي شنو اصنف حضرتك نزلني اقصد رجعني للبيت بسرعة تره اخابر اخوية يطيح حظك..
لزمت حلكي على هاي الجفصة خرب..
همام _هذا ياهوه الي يصيح حظي ولج وبعدين اخوج الي دتحجين عليه هسه غركان بالعسل هوه بحالج..
غدير _اهوو الا اخابر بابا يشوفلي صوره حل وياك.. بحركة سريعة سحب جهازي وضمه بجيبة..
همام _كعدي راحة عاد خلي اسوق عدل..
غدير _والله حبجي تره دتخوفني منك..
همام _هسه شمسويلج يا عيني وهلكد خايفة شايفتني رفعت سيف عليج وبعدين شدعوه هلكد حاطة مكياج هاا وفوكاها الوان طوخ من هاي الي اجيب التايهة لااا صدك اني ناطيج عين زايده..
غدير _اكلك انته بوعيك لو شنو بالضبط اخاف مبدليك ملاحظ روحك..
همام _صبر صبر كافي تحجين وفري كلامج للجاي..
غدير _لك يمه شتريد اسوي حتخبلني من اومداية من طلعت الك..
همام _هههه كل الخير ان شاء الله
غدير _مشة بينة لحد مشفته رجعني للبيت بيت عيالي صفنت عليه أسألة بعيوني شكوو ويكلي بعيونة اكو انتي واني..
عانقني..
- لِماذا ؟!
أحتاجُك .
- مَن أحزنك ؟!
لا أحد .
- إذاً لماذا العِناق ؟!
بِلا سَبب .
- أخبرينيّ ؟!
فَقط أُريد الأختِباء .
- تعاليّ ..♥️
يتبع في البارت القادم.. ❤️🦋