لم تكن امي(لبوة الاسد)

غش

هدى _هوه يعني ليش متحب اكلك اسد شمعنه مو الكل يكلك هيج
مهيمن _اي صح  أسد اسمي بالشغل بس الناس الي احبها ماريد تصيحيني أسد وبما انو انتي محتله كلبي فممنوع تكولين أسد وهسه هاي كرصه اذن صغيرونه حته متعيديها لانو حيل اضوج انتي بالذات تكوليلي أسد..
هدى _شفته تلفت يمنه يسره من شاف ماكو احد دنك عضني من خدي وانوب باسه..
اني مطلعت صوت لانو حيل خجلت منه بسبب قربة
مهيمن _احمرت خدودج هدى على عموم روحي طبي ولا طلعين بعد وانتي رجليناتج  وشعرج مبينه..
هدى _هزيت راسي بعلامة اي بس هدني بسرعة ركضت جوه لازمة كلبي الي دكاته تتسارع طلبت للمطبخ صارت بوجهي ماما حياة..
حياة _وينج انتي سألت البنات عليج يكولون مشفناها..
هدى _ااا موو مادري يعني وين اروح اهنا اكيد..
حياة _هاا شبيج متوتره و وجهج محمر خوما احد مضوجج..
هدى _لاا ابد والله ماكو شي..
حياة _خوش طبي سلمي خابر السيد حيجي علينه حته نرجع للبيت..
هدى _ماشي،،
طبيت للهول شفت اهل العريس ماكو الظاهر رايحين وفاطمة كاعده وحدها رحت يمها..
فاطمة _انتي وين كلساع مختفية..
هدى _ليش مو جتني يم خطيبج شكو بعد هاا اي كوليلي شكلج شصار مصار..
فاطمة _هوه اني وين طولت يمكن بالزايد ١٠ دقايق وراح..
هدى _ياا شعجب..
فاطمة _أمي جانت كاعده ويانة والله..
هدى _عليج الله ههههه
فاطمة _اي هذا هم حظي عاد لا هوه الي كدر ياخذ راحتة ويحجي ولا اني الي نطقت بحرف تاليها خله وراح..
هدى _ههه والله انقهرت عليكم وعود بيبي فرحانه مسويتلكم واسطة..
فاطمة _شسوي يمعوده خوما اكول لأمي ممكن تطلعين مكاعد ناخذ راحتنة بوجودج..
هدى _ههه لا شنو هل حجي ميصير يلا اكلج اني صار لازم اروح اجه علينة عمو
فاطمة _ولج هوه وين شفتج اني انوب..
هدى _الايام الجاية هواية وهم راح اعيش وياكم عود اكابلج واكعد...
جبت الجنطه مالتي وعدلت شالي دك عمو على ماما حياة يعني اجه سلمنة طلع أمي قبلي واني وراها اجت جواهر عود تسلم عليه لانو حنروح شاورتني وحجت..
جواهر _ان شاء الله متتهنين بحياتج وياه ومتشوفين اي خير ويارب تطلكين ويعوفج مثل ما عافني الي..
هدى _باوعت عليها بصدمة بعدين ابتسمت عرفت تريد تغثني جاوبتها براحة،،
انتي تدرين شكلي مهيمن انو انتي ردتي علمود فلوسة وفسختي حته ادورين على الأغنى منه بس الي داشوفه ملكيتي البديل لهذا خطية رجعتي على مهيمن..
جواهر _جذابة مهيمن ميحجي هيج عليه اصلا هوه يحبني..
هدى _تمام لعد إذا بيج خير رجعي الج باااي..
عفتها تطحن بروحها وراي واني فرحانة لانو مسكتت عنها الحقيره..
فاطمة _راحت هدى وبدت الناس هم تقل اقاربنة راحوا بقت بس بيبي يمنه واني هم صعدت بعد للغرفة بدلت وطبيت سبحت احس وجهي تعب من المكياج الي عليه..
وشعري من المثبت صار حجارة لعبت نفسي منه ٣مرات غسلته يلا راح كل المثبت لبست ملابسي ولفيت شعري بالمنشفة..
طلعت من الحمام صارت بوجهي أمي..
جنان _هاا يمه نعيماً..
فاطمة _الله ينعم عليج ماما..
جنان _تعالي فاطمة وراي للغرفة..
فاطمة _هاا اي جيت..
رحت  لغرفه ماما وبابا راحت هيه للديلاب ماعرف على شنو ادور اني كعدت على السرير انشف بشعري..
هاا ماما شدسوين..؟
جنان _اوكفي دادور وين حطيته اني اخاف مو اهنا ايي هااي لكيته هاج يوم بعد مالها داعي يظل عدي وانتي اكيد تحتاجي منا وجاي..
فاطمة _باوعت هذا تلفوني ابتسمت بمرح،،
صدك ماما يعني أخذه بعد
جنان _اي ماما واتمنى تعلمتي من خطأج وميتكرر وادري بيج مو مال هيج سوالف يمكن لعبوا بعقلج وغلطتي واكيد متنعاد لانو صرتي حاليا على ذمة رجال ولازم تكونين مخلصه اله بعقلج وكلبج..
فاطمة _هزيت راسي بمعنى اي،،
كمت شبكتها وبستها فرحانة لانو كل شي ديصير تمام حجيت،،
شكرا ماما حبيبتي..
جنان _تعالي خلي امشطلج شعرج اليوم من شفتج عروس كدامي حزت بكلبي والدمعه لالت بعيوني كبرتي يا يمه وانتي هذاك اليوم جنتي طفلة وتكمزين منا ومنا لو بيدي اخليج كل العمر بحظني وما نطيج للرجال بس شسوي هاي سنه الحياة ومحد دايم لاحد..
فاطمة _فدوه ماما كافي والله راح ابجي اني هم..
جنان _ههه يلا خلصت من شعرج وضفرته روحي نامي تأخر الوكت اكيد تعبانه..
فاطمة _اي والله حيل تعبانة تصبحين على خير.. طلعت من يمها..
داصعد فوك صار المطبخ كبالي واني مماكلة اليوم زين جان الوف للمطبخ ههه..
طبيت شفت همام كاعد يدخن بشراهه مجان قبل يدخن هلكد جنه اصلا نادراً نشوفة لازم الجكارة انتبهت عليه من دخلت..
همام _بعدج كاعده..
فاطمة _ايي بعدني وجوعانة الصراحة
همام _بقه هواي عشة حميلج لفة واكلي..
فاطمة _وانته ماكل لو لا؟
همام _لا ما شتهي..
فاطمة _همام شوكت راح ترجع مثل قبل والله القهر ابد ملايك الك حاول تنساها وكمل حياتك والله كلبنه كلنا يمك