لم تكن امي(لبوة الاسد)

البارت التاسع والعشرون

,, لم تكن أمي(لبوة الأسد)،،
_البارت التاسع والعشرون _
~~~~
كنت اعلم انه سينتهي هذا الحلم الذي كنا به وسيصبح ماضي واحن اليه ولن يعود مهما بكيت شوقآ أليه كنت اعلم ان كل شي يحبه قلبي سيموت يومآ!
~~~~
فاطمة _وره كم يوم فكت زعلتها عمتي ورجع كل شي تمام الحمد لله مالنه خلك طناكيرها.. جنت كاعده الف كبة بالمطبخ مال بيت عيالي شوية واندكت الباب راحت عمتي فتحتها طلعت جوارينها ام رغد ورغد..
كمت تلكيتهم اهنا عادي الصبح الجوارين واحد يجي يم الخ وهمه بيتهم بعد بيتين عن بيتنة قدمتلهم العصير وكعدت يم رغد اخير فتره صارت صديقتي وتجيني بين فتره وفتره ثنيناتنة ماعدنه شي كاعدين وساكتين بالبيت لهذا كمت كل مره اوصيها ترجع تجيني لحد مصرنه قريبات..
وحده تسوالف للخ عن حياتها وكتها شلون تكضي وين تروح وين تجي يعني بأختصار كل وحده تعرف عن الخ كل شي.. رغد عايشة ويه ابوها وامها وبقية اخوانها متزوجين بس شنو ابوها من النوع المتزمت وعصبي ايده والضرب اكثر من مره اشوف بوجهه آثار ضرب..
على اتفهه الأشياء جانت تنضرب خطية من تسولفلي على شنو يضربها تخليني اصفن واحمد الله على اهلي شلون جانوا مدلليني.. مابيدي غير اخفف عنها بالكلام عسى ولعل يجي يوم وتخلص ويهدي ابوها عليها..
رغد _شلونة الحمل بعدج متأذايه و روحج رايحة..؟
فاطمة _والله مرات ومرات..
رغد _الله يسهلج حته وجهج لهسه مصوفر خيه..
فاطمة _لج هوه غير الاكل ماطيقة وهاي فارس خطية يحير شيجيبلي وهم مو كلش اكل..
رغد _ان شاء الله هانت حبيبتي مبين جنس الطفل..
فاطمة _على الاكثر بنوتة..
رغد _اووي احلى شي البنات يصيرن ملاكات ههه..
فاطمة _ههه اي والله حته أمي تكلي هيج..بقينة نحجي شوية عنها وشوية عني اخير شي حجت امها..
ام رغد_هم ياله اروح اسوي الغده قبل ما يجي الرجال.. رغد ماما يلاا..
فاطمة _خالة خلي تبقه بعد شوية عدنه رغد..
ام رغد_مو خالة لا يجي ابوها وانوب يظل يحجي من يشوفها ماكو بالبيت..
ام فارس _بقيها داده عود فد ساعة وترجع قبل ميجي ابوها..
فاطمة _اي خالة فدوه ضايجين.. شفت عمتي كامت تنافخ شبيها قابل شحجيت..
ام رغد _خوش بس مو تتأخرين يمه رغد..
رغد _لا شوية واجي..
فاطمة _راحت امها واني اخذت رغد وياي لبيتي كعدنه بالمطبخ طلعت كرزات وحب وضربناها دك سوالف وراها جبتلها الخيط حفتلي اخذنه الواهس محسيت غير من رجع فارس للبيت..
فارس _هاا السلام عليكم..
فاطمة _تلكيتة.. هلا بيك الله يساعدك..
فارس _ويساعدج..
فاطمة _رأسا فات جوه استحى من رغد وهيه هم خطية بس اجة طفرت وكفت على جهه..
رغد _لج اخذني الوكت وهسه ابوي يمكن راجع اني رايحة مع السلامة..
فاطمة _على كيفج يمعوده ان شاء الله ميكول شي لو بعده مجاي..
رغد _مادري خلي اروح هسه وبعدين نحجي..
فاطمة _ياا والله خطية هذا ابوها مسوي عدها رعب اوف.. رحت شفت فارس جان توه طالع من الحمام سحبني عليه باسني من خدودي..
فارس _صايره تسوين صداقات ولج..
فاطمة _ضحكت.. هيج شي..
فارس _لا تدكين مكيانة زايد  وياها تصيرين جنج إمي مصادقة نص المنطقة..
فاطمة _ممم صدك عود..
فارس _اي والله اضوج ماحب سوالف النسوان هذني لهذا خففي صداقاتج حبيبي..
فاطمة _هاهية كيفك..
فارس _خل نروح نتغده ويه اهلي..
فاطمة _انته اسبقني اني حخابر غدير مره اخوي اطمن عليهم واجي..
فارس _لا تتأخرين..
فاطمة _لا شوية وتلكاني عدك..حاجيتها على السريع ورحت يمهم جانوا دياكلون الا فارس بعده رحت كعدت بصفة همست بصوت ناصي..
"شو بعدك مماكل؟؟"
فارس _دانتضرج جنت همزين متأخرتي لانو ميت جوع..
فاطمة _ديلا اكل لعد حياتي.. صار يشيل ويحط كبالي الاكل اشوف عمتي كلبت وجهه ضاجت ادري شكو قابل شمسوي هسه ماعرف شوكت اخلص من هاي الشغلة..
..
غدير _مرت الأيام وبديت اتعود على عيشتي ويه بيت عمتي كل شي تغير بحياتي الا همام معاملتة وياي بقت هية هية لا اني الي دافهمة ولا هوه الي ديفهمني شبي المشكلة بارد وياي حيل حته بعلاقتنة احسه مو وياي وماكو اي كلام يجمعنة غير طلباتة ويسألني محتاجة شي وبس..
خابرتني فاطمة تسأل عليه شكد ردت اسألها لو اعرف اكو شي ماعرفة اني عن اخوها بس ترددت او بالاصح استحيت احجيلها عن علاقتنة الخاصة..
نزلت كعدت يم هدى وعمة جانت لبنى لازمة جهازها وتلعب بي وراها حجت..
لبنى _اريد اوصي على ملابس من الفيس شوف شلون شغلات حلوه يجيبون..
جنان _منو يكول نوعية زينة بلكي غشوج..
لبنى _لا عمة هذا بيج ماركة ومعروف تردون اوصيلكم شي وياي انتن..
غدير _مادري ممحتاجة شي..
هدى _هوه شنو هذا الفيس ماعرف شنو شلون تشترون منه ملابس..
غدير _ماعدج فيس هدى..؟
لبنى _هههه لج هيه هاي جاهلة شعرفها بهذني السوالف شغلات اكبر من منج حياتي..
غدير _معليج بيها حبي شوفي هذا البرنامج هيج يصير نصفح بي ونعرف اخبار الدنيا كلها وحته نكدر نوصي منه غراض وهيج..
هدى _حلوو حبيت سويلي واحد وعلميني علية..
غدير _من عيوني بس اخاف مهيمن ميقبل لانو هذا موقع تواصل مثل مابي شغلات حلوه هم بي مرات شغلات اضوج وتجي منه مشاكل..
هدى _هاا لا يقبل قابل شكو وعود من يرجع هم اكله اني..
غدير _تمام نطيني جهازج خلي اسويلج حساب بأسم مزيف احسن..
هدى _سميت حساب بأسم "حنين الروح" علمتني شلون استعملة غدير وكل شي عنه بقيت اليوم كله كاعده بالفيس بوك اروح منا ومنا سهل وميحتاجلة شي..
شوية وكمنه حضرنه العشة واني سويت كيكة لغدوره اليوم عيد ميلادها حبيت اذكرها بشي لانو مكدرت اطلع اشتري هدية الها سويت كيكة بالكاكو جان همام بعده مراجع..
فأكلنة الكيك ويه الجاي سوية وعايدناها كلش فرحت وبنفس الوكت خجلت ههه كملت كل شغلي صعدت قبل مهيمن فوك لزمت جهازي وطبيت على الفيس بقيت العب بي اجتني طلبات صداقة رفضتها..
بعدين كمت اكلب بالصفحات الي تطلعي جان اشوف صفحة مهيمن حاط صورتة ولابس رسمي بس مناشر هواي صور بس كم وحده اجت فكره على بالي دزيتلة طلب صداقة انتضرت انتضرت مقبله..
بعدين دزيت رسالة على الخاص كتبتلة "هلوو شلونك"
طبعا هوه ميعرف هذا حسابي لانو اول شي اسم مزيف وهم مضايفة احد بصفحتي المهم انتضرت هم ماكو رد منه شنو هاي..
دزيتلة مره ثانية كتبت "ممكن نصير اصدقاء محتاجة احجي ويه احد"
ماعرف مين جبت هذا الخرط المهم اي شي اجه ببالي جيت وكتبتة... انوب هم مجاوب خرب دزيتلة..
"شدعوه هلكد مغرور ومجاوب هاا"
والله شوية وجاوبني
كتب"يابنت الناس شبيج تلحين شرايده مافيدج تره اني مزوج... "
كتبت الة"واذا مزوج ممليت من مرتك خلي نصير أصدقاء و واحد يفضفض للخ شدكول..؟"
رجع كتب "مو جنج اكلتي خر....زايد بلووك يلا انكلعي.. "
هدى _يااا هذا حظرني السخيف بس يلا خوش بي عبالي راح يسولف ويكيف على البنات طلع ثكيل ههه..
تأخر مهيمن جوه واني هم بقيت افرفر بعدين بالصدفة طلع كبالي حساب مازن العار دخلت عليه حسابة متروس بنات عوع وصور تافهة مثله شفت من ضمن الأصدقاء اختي هاجر عدها فيس وضايفته هيه عززه صخام بوجهه ياربي راح تصخم وجهنه هاي..
حاولت احجي وياها من اخت لاختها ما اخذت بكلامي بس اذا حجيت وياها كشخص غريب مثل الصديقة الها احتمال تسمع مني لازم ابقى احاول وياها هاي جاهلة شعرفها هذا الحقير  أصله شنو..
دزيتلها من الحساب مالتي هم نفس الكليشة نصير صديقات ونفضفض من هل حجي واني وحيده ماعدي احد عاد هيه رأسا استقبلت كلامي اول شي كلامنة بارد بس بعدين صارت تحجي كل شي عدها..
وبدت تحجيلي عن مازن والي صدمني أكثر من مره متحارش بيها وهيه قابلة بهل شي وعادي عدها معتبرتة حب وخرط ظليت انصح بيها اجيت وياها من كل الطرق بس ماكو قافلة اخير شي ضاجت مني وصارت مجاوب اني هم عفتها بعد..
بس ياربي شلون بيها هاي والله خفت عليها كلش معقولة يسوي بيها مكسوره اوف ربي سديت الجهاز وقفلتة بقيت افكر اجتني فكره بس مادري اذا صح لو غلط الشي الوحيد الي فكرت بي بهل لحضة اختي وشلون اكدر افتح عيونها حتلو جان هذا على حساب حياتي فكره غبية ومشيت وراها للأسف..!!
...
غدير _اليوم عيد ميلادي وكلش فرحت من ذكروني بيت عمتي بقيت وياهم لوكت متأخر بعدين صعدت دكيت على همام كلي ويه جماعتة بالكهوه اكيد ديتحجج وراح يجيبلي فد هدية لو كيكة..
عمتي كلتلي هوه يعرف كلتلة اليوم عيد ميلادي الصبح مدري العصر من شافت هدى دسوي كيكة تحمست حيل ياربي حتلو يجيبلي ورده هم قابلة كل شي منة عسل على كلبي فتحت كنتوري دورت بالملابس على شي مرتب البسة..
اكثر الملابس مكشوفة ومشلحة فضايح اصلا بس شجعت روحي إذا اريد تتحسن علاقتنة وتطور لازم ابادر لازم اتنازل واترك خجلي على جهه اني احبة وادري بي هوه هم يحبني بس يمكن ميعرف يعبر فلازم واحد من عدنة يبدي ينطي من نفسة..
طلعت فستان كحلي قصير وضيك ومن فوك فتحتة سبعة والضهر هم سبعة جان عدي حجل ذهب بابا صايغة اليه لبستة رشيت عطر وحطيت مكياج وبرمت شعري حسيت روحي طالعة عروس ويمكن بالغت بس شسوي بعد سويته خوما أتراجع..
لزمت الصبغ داصبغ اضافري فات همام للغرفة بسرعة حته من دون ميدك الباب بحيث شهكت خرعني و وكع الصبغ من ايدي..
همام _احم عبالي نايمة اسف دخلت هيج..
غدير _هاا لا عادي جنت دانتضرك.. حجيت واني انزل بالفستان لانو قصير وخجلانة وهوه نضراتة بارده..
همام _حضريلي الحمام اريد اطب اسبح..
غدير _اي تدلل.. لبست صاية فوك ملابسي وشال حطيتله ملابس بالحمام اني طلعت وهوه طب رجعت للغرفة واني ضايجة من نفسي ادري شبية طلعت كدامة جني ما شايفة لو عبالك أريده شكد عيب يربي..
شو حته مكلي على عيد ميلادي شي وجع على حظي فشلت روحي رحت بالزاوية فتحت سحاب الفستان ونزعتة توني ذبيته جان يطب همام ياربي ويه فشلات اليوم هسه غير اقفل الباب..
كبل جريت عليه الفستان احاول استر روحي بس وين وهوه عيونة تمركزت عليه وبعدين صارت على رجلي وبالتحديد الحجل عكد حاجبة وحجة بنفره..
همام _لييش لابسة هذا برجلج هااا..
غدير _شنوو ليش بي شي معجبك..
همام _تلعب نفسي منة نزعي ولا تلبسي كبالي مره لخ..
غدير _اتجمعت الحسره بكلبي.. اي ميخالف بس دور وجهك خلي ابدل واسوي الي تكول عليه..باوع عليه مدري شلون وتقدم عليه باوعت عليه بخجل وهوه قابلني بالبرود جر مني الفستان وذبة بالكاع..
واخذني من ايدي للسرير وصارت عيونة تتنقل على كل جسمي بنضرات حيل جريئة متت خجل واني تحت انضاره بده يتقرب مني بس كبل لزمت ايده امنعة..
همام _شبيج؟
غدير _فدوه طفي الضوه استحي..رفع حاجبة وحجة..
همام _لعد  انتي المن مبدلة وكاشخة غير حته اشوفج لو شنو بالضبط تردين اغمض..
غدير _حجيت بتوسل.. حباب طفي
همام_استغفر الله.. المن مزوج اني ماعرف
غدير _كام من يمي طفه الضوه ورجع عليه من خجلي ضليت مغمضة عيوني حركة ايده على جسمي قوية مجرد اخذ الي يريده و وخر مني حته لمساتة بوساتة بارده برود الثلج كأنوا مجرد واجب عليه ديسوي ويخلص..
عافني ورجع نام على جهته واني الدموع صارت تنزل على خذي من وحدها مقهوره على نفسي اصلا اضحك عليها شلون جنت متأملة واحلم ماعرف الخلل بيمن بيه لو بيه ماعرف..
همام _ليش تبجين اذيتج؟
غدير _لاا..
همام _لعد شبيج..
غدير _همام اني حلوه..
همام _الصراحة اي بس شنو مناسبة سؤالج..
غدير _هيج.. زين تدري اليوم عيد ميلادي؟
همام _هاا صدك كل عام وانتي بخير كلتلي أمي بس نسيت..
غدير _هزيت راسي اله ونطيته ضهري.. جنت متخيلة راح يراضيني يكلي لا تزعلين مني اعوضج باجر يابة على الاقل جذب عليه وكلي اي اذكر ما رايده منك شي غير بس تحسسني بيك بس!!
اباوع عليه أخذته النومة ومو يمة الموضوع اصلا بكل مره احط املي بيك واقنع نفسي انو عادية تصرفاتك اكتشف روحي غلطانة للأسف بس لو اعرف علتك شنو جان ارتاحيت جان طلعت من دوامة تفكيري منو بيكم صادق عمتي تكلي هوه الي رادج ويحبج وانته تصرفاتك تثبت العكس..!!
لماذا في كُل مرةٍ أُحاوِلُ فيها نسيانكَ أتعثرُ بِك..!
بتلكَ الأسماء التي تأخذُ من إسمكَ..
وتلك النصوص التي تُذكّرني بك..
وتلك الذكريات التي كانت معك..
لماذا يحصلُ هذا لي وأنتَ تستمر في النسيان..؟
أنتَ مستمر في النسيان لكن أنا!!
أنا احترق واحترق ولا اجد من يكترث لأمري..
من المحتمل اني كنت اخر اهتماماتك يا حبيبي..
٠٠٠
هدى _مهيمن راح للدوام واني استمريت بأستخدام الفيس وأراسل بي شايفين الي يحفر حفره لنفسة وبعدين يريد يطلع منها بس ميكدر لانو حفر هواي وغرك بيها للأسف..
اني هيج صار بيه سويت خطوه خطأ بله ما ارجع لعقلي واستمريت بيها بدون رجعة.. مرت ايام دوام مهيمن وهل مره طول شهر ونص بالضبط يلا رجع كبل راح نام وكال محد يكعده جان حيل تعبان..
لليل يلا كعد من النوم بس كالب الخلقة مزاجة متعكر سويتلة عصير طبيعي وأخذته اله باوعلي وابتسم..
مهيمن _اكلج هدى حضري ملابس الج والي باجر حاخذج للنجف نزور وهم نبقة كم يوم هناك وعدي شغل ويه عمي اكملة ونرجع..
هدى _ياااي صدك بس شعجب حتاخذني وياك هل مره..؟
مهيمن _من زمان واعدج اطلعج بس مصارت فرصة شوية نغير جو..
هدى _اي والله عاشت ايدك صدك اريد اغير جو.. صعدت بسرعة فوك طلعت جنطة حجمها وسط خليت بيها ملابس الي واله وكل شي نحتاجة تقريبا خليتة كملت..
ثاني يوم طلعنة من الصبح للنجف زرنة واخذنة أغراض لكل واحد بالبيت وبعدين تغذينة بالمطعم جان مهيمن مبين عليه مرتاح واني من شفته هيج ابتسمت على راحتة بعدين كملنة رجعنه للسيارة..
اني كل ظني راح نروح لبيت عمة لانو عده شغل وياه بس شو هذا رايح من غير طريق يختلف عن طريق بيتهم لانو اني رايحة الهم مرتين بعد زواجنة..
سألته.. مهيمن هذا مو طريق بيت عمك شنو خربطت؟
مهيمن _سكتي ولا تسألين..
هدى _ليش..
مهيمن _شوية وتعرفين كل شي..
هدى _تمام.. صدك سكتت عنه وهوه ظل يمشي لحد موكف كدام بيت جبير سألته.. بيت منو هذا؟ شفتة ابتسم بأستهزاء..
مهيمن _ شلون بية اني وية الفضولية دنزلي هسه..
هدى _نزلت مشيت وراه بس شنو احس بطني صارت تكلب وخفت من الجاي..
شفته طلع مفتاح وفتح الباب هوه  بيته هذا لو شنو جانت بداية البيت حديقة جبيره وبيها مرجوحة وثيله تارسة الحديقة فتحلي باب  مال مطبخ..
مهيمن _هدى دخلي جوه بين ما دخل السيارة..
هدى _راح يدخل السيارة واني بس وكفت بالمطبخ مطبيت اكثر خفت لا بيت احد لو شو شنو ماكدر افتر بكيفي.. شوية واجاني
مهيمن _شو بعدج واكفه هناا..
هدى _دانتضرك غير..لزمني من ايدي
مهيمن _ديلا تعالي..
هدى _فتنه صار كبالنه استقبال واكو غرفتين جوه وصحيات بعدين اجانه درج صعدنه هم غرفتين كبار وحولي بين الغرف جبير وبي تخم قنفات كامل وبلازما والله صفني هذا بيت منو وليش اجينه بي..
مهيمن _تعالي طبي بهاي الغرفة هدى..
هدى _دخلت وراه جانت غرفة نوم تركية تخبل..
مهيمن _هدى اذا تردين اكو حمام بالغرفة فوتي سبحي وبي كل شي تحتاجي..
هدى _مهيمن شنو هاي عليك الله بيت منو هذا تره خفت..
مهيمن _على شنوو تخافين تره هذا بيتنه اذا تذكرين قبل منجي لبابل جنة كاعدين بالكوفة فمن استقرينة بابل بعت هذاك البيت لانو قديم واخذت هذا..
هدى _هاا يعني هذا بيتكم لعد ليش مكتلي واني بقيت مستغربة من الوضع..
مهيمن _مصار شي هسه عرفتي روحي فوتي سبحي حته المغربية نروح لبيت عمي..
هدى _تمام.. دخلت للحمام لكيت بي كل شي غسولات وشامبوا وبرنص.
ومناشف يعني بين قوسين جاهز من كل شي..
سبحت كملت واني دانشف شعري بالحمام تذكرت تلفوني مابي رمز وهم اخير مره استعملت الفيس ما مسحتة لبست البرنص ولفيت الخاولي على شعري طلعت بسرعة من الحمام  شفته واكف يم السرير ولازم تلفوني عاكد حاجبه ومبينه العصبية على ملامحة..
الخوف تملك كلبي عززه معقوله عرف بكل شي والله اروح بيها ومو بعيده يذبحني شكد ثولة اني غير امسح الفيس..باوع عليه بس يابة موو نضرات مهيمن لاا نضرات أسد على سن و رمح
مهيمن _تعالي يمي..
هدى _جسمي كله رجف والله ردت اوكع من طولي مشيت بهدوء وصرت يمه حط التلفون كبالي وحجة
مهيمن _ هذا شنو هدى!!
هدى _هاا هذا ف.. فيس
مهيمن _زين تعرفي زين هذا شنوو؟
هدى _ه.. هذا م.. ماسنجر
مهيمن _حلوو زين وهذا حساب منوو؟
هدى _ ممو مادري..
مهيمن _خوش روحي نشفي شعرج..
هدى _بلعت ريكي.. هااا اي
مثلت القوه كدامه بس بداخلي ميته خوف رحت لميز التواليت كعدت انشف بشعري واسوي روحي ممهتمه بس بداخلي العكس..
شفتة عاف التلفون مالتي على الميز تقدم عليه قيد خصري بأيده وحط راسه بركبتي وصار يبوسني منها زعجني.. كتله
عفيه مهيمن شبيك وخر مني وخرر...
شو اني بس كلت هيج ماحسيت غير تحول غير شخص وصار مثل الأسد دارني عليه قيدني ظل حاط راسه بركبتي واني ادفع بي..
حجيت بعصبية...شببيك تخبلت انته وخررر عنني ماريد..ماحس غير اجاني راجدي يمكن من قوتة انلزك فكي ويه خدي..
لزمت خدي وحجيت..لييش تضربني
جاوبني واحس النار تطلع من عيونة هلكد ما عصبي
مهيمن _شووفي لجج اضربج واكسر راسج هم خووش انتي مرتي حلالي شسوي بيج بكيفي انتي الي المسج اخذج انام وياج اجبرج عسى ما اغتصبج بكيييفيي خوووش..
وفكره الطلاك الي دتحجين بيها شيليها من عقلج احسلج لانو لو يظل هذا اخير يوم بعمررج ما طلكج
سوووالف المزعطة بطليها تره محلوه اعرف بيج شتفكرين وشصخمين من ورااية...
لججججج اني أسد أسد زعطوطة مثلج تلللعب بيه لجججج كلها تكلي جاهلة مسيطره عليك واني اكلهم ارخصلها احبها هيه روحي ونفسي بسسسس اااااانتتي شسويتي شسوووويتي هااااا شجازيتي تعبببي وانتظاااري الج..
لج طوول هاي الفتره قدمتلج حبي احترامي الج مجبرتج على شي عفتج على راحتج كلت يجي يوم وتحبني يجي يوم وتتعلق بيه مثل ما اني متعلق بيها نطيتج ثقة تعرفين شنو الثقة...؟؟؟؟
هدى _مهيمن فدوه بس خل افهمك...جانت يمه مزهريه شالها وركعها بالكاع..
مهيمن _ااااسد اااني ااااسد مناااا وجاااي تنسين شي اسمة مهيمن بحياتج لانو طلعتي متساهلين بربج ما اجيت بعينج من سويتي هييج لهل درجة أني كدامج زوج..!!!!!
بس والله والله  ياا هدى حسااابج عدي لو اشوفج كبالي تكود...  مااعوفج وما طلكج اذا ما ذلج مثل ما ذليتيني الي كبالج هسه موو مهيمن الي يصير يمج طفل لااا..
هدى _والله مو هيج انته فاهم غلط ادري غلط الي سويتة بس...
ماهتم اليه شمرني على الجربايه ونام فوكايه صار يبوس بية بجنون وخبال عصرني حييل بحضنه متت خوف حجيت ردته بس يسمعني بس سكتني باسني من شفتي لحد مصارت تنزف بعدين نزل على ركبتي يبوس بيها ويردد..
انتي الي.. انتي مالتي... حلالي.. ملكي الية وبس...أخير شي لزم البرنص وفتحة قوي بحيث انشك بأيده.. بجيت توسلت حجيت بس لا حياه لمن تنادي.. مووتني الف مووته طلع روحي بهل لحضات وصار الي محد جان متوقع  يصير وانو هذا الشخص بالذات يسوي هيج وياي وياخذ عذريتي..!!
مهيمن الي اخر شخص بهل دنيا ممكن اتوقع يسوي وياي هيج مهيمن الي جان اماني اخذ عذريتي بطريقة اشبهه بالاغتصاب بس اغتصاب بأسم الحلال... يمكن محسيت بألم على كد مجنت خايفة منه وخايفة لا اخسره بس شيفيد ندمي جان ندم مابعد فوات الأوان..
كام عني ودفعني على جهه مثل الي ياكل من صينية ومن يخلص يدفعها عنة هيج عاملني..
مهيمن _عود راويني  شراح تسوين هذا درس الج حته تعرفين مو أسد الي ينلعب من وراه.. وللأسف نزلني من عيني شكد ما جنت احبج واكول هدى ترباية ايدي بس طلعت ماعرفج...تدرين شغلة طلعتي بت امج بهاي سوايتج بت امج احلام..
هدى _كل شي ممكن جنت راح اتقبلة واعذره  إلا هذا صرخت بوجهه واني حاطة البرنص عليه والدموع مفارقت عيوني..موو ااامي هاااي موو ااامي لا تشبهني بيهاا اااني موو سيئة لهل درجة حته تشبهني بيها..
مهيمن _لو تحجين منا لباجر ماكو شي يغير هاي الحقيقة امج احلام وانتي وارثة منها كل شي وجنت مغشوش بيج اني ..
هدى _حطيت ايدي على اذاني وصرت اصرخ.. لااااا لاااااااااا كااافي اسسسكت لا تكول هييج..
تركني وحيداً ابكي على أخطائي..
ابكي على ذنوبي الي فعلتها واني غير قاصده..
أنا اسفة يا حبيبي اسفة لدرجة اتمنى لو مت في هذا اليوم ولا أرى حزنك وكسرت قلبك.
لكن بالرغم من كل شيٍ..
ليس من حقك أن تشبهني بهذه الانسانة..
فهي ليست امي.. ليست أمي..
لم تكن أمي...💔
يتبع