Unicode
စက်ရုံဝန်းထဲက သရက်ပင်အောက်မှာ ခြင်းခတ်နေသည့် အုပ်စုကြောင့် မိုးည နာရီကို ပြန်ငုံ့ကြည့်မိသည်။
မဟုတ်သေးပါဘူး။ဒီကောင်တွေ အော်ဒါ (order) ပို့ရမဲ့ ခရီးက ဒီလောက်မှ မနီးတာ။" အောင်အောင်..ဟေ့..အောင်အောင် မင်းတို့အုပ်စု order သွားပို့ပြီးပြီလား "
မိုးည ကားပေါ်မှပင် လှမ်းမေးလိုက်တော့ အောင်အောင်တို့အုပ်စုက ခြင်းခတ်ရပ်ကာ တစ်ယောက်မျက်နှာ တစ်ယောက် ပြန်ကြည့်နေကြသည်။
" ကိုမိုး ကျွန်တော်တို့ ဒီညနေ ဘာမှမရှိဘူးလေ "
အောင်အောင့်ဆီက အဖြေစကားကြောင့် မိုးညမျက်မှောင်ကြုံ့မိသွား၏။ ဒီညနေ order တစ်ခုရှိတာ သူဇာလှိုင် ဘာတွေလုပ်နေတာလဲ။ဒီလိုတွေဖြစ်မှာစိုးလို့ စိတ်မချလို့ကို အတန်တန်မှာခဲ့တာ ဘာတွေဖြစ်ကုန်ပြန်ပြီလဲ။
မိုးည အပေါ် ထပ် ကိုယ့်ရုံးခန်းထဲဆီ ခြေလှမ်းကြဲကြဲတို့ဖြင့် အဆောတလျင် တက်လာမိသည်။
ရုံးခန်းတံခါးကို ဆွဲဖွင့်ကြည့်လိုက်တော့ သူဇာလှိုင်ကော ၊ ကိုငယ့်တူကော တစ်ယောက်မှ မရှိ ။Hall ခန်းဘက်ဆီ လျှောက်လာပြီး Hall ခန်း တံခါးကို ဆွဲဖွင့်လိုက်တော့မှ နှစ်ယောက်သားက စာရွက်တွေနှင့် အလုပ်ရှုပ်နေကြသည်။ သူရောက်နေတာကိုတောင် သတိထားမိပုံမရကြ။
ဒေါသကြောင့် တံခါးပိတ်သံကအစ အနည်းငယ် ကျယ်သွားကာမှ သူဇာလှိုင်က နောက်လှည့်ကြည့်လာသည်။ မိုးညကို မြင်တော့မှ အထိတ်တလန့်နှင့် မတ်တပ်ထရပ်၏။
" order ကိစ္စက ဘယ်လိုဖြစ်ရတာလဲ သူဇာလှိုင်။
ဟို အဝေးပို့ အုပ်စုက ဒီညနေရှင်းတယ် ဆိုပြီး ငါ့ကို ပြောလိုက်တယ်။ငါသေချာ မမှာခဲ့ဘူးလား "မိုးည စားပွဲခုံစွန်းမှာ မတ်တပ်ရပ်လက်စနှင့် ခပ်ဆတ်ဆတ်မေးလိုက်တော့ သူဇာလှိုင်က တုန်တုန်ယင်ယင်ဖြင့် ပြန်ဖြေလာသည်။
" ဟို..မှာခဲ့ပါတယ် ကိုမိုး။ အော် အော်ဒါ ကလေ တစ်ဖက်က cancel သွားလို့ပါ "
" ဘာကိစ္စ order က cancel သွားရတာလဲ "
" ဖုန်းစုတ်နေလို့လေ "
YOU ARE READING
မြတ်နိုးချစ်
RomanceOpenness to new emotions and feelings,in a romantic sense.💙 >>September 4,2021 ••December 28,2021 //