Unicode
" ဟာ... မိုးည မင်းတို့က Toilet ထဲဝင်သွားတာလား။တော်သေးတာပေါ့ကွာ..ငါကဟိုဘက်မှာ မင်းတို့ကို လိုက်ရှာတော့မလို့ "
Toilet ထဲက ထွက်ထွက်လာချင်း ကိုငယ်နဲ့ တည့်တည့်သွားဆုံသည်။ကိုငယ်က သူ့ပိုက်ဆံအိတ်အမည်းကြီး တကားကားနှင့် စက်ပိုင်ထွဋ်နောက် ထလိုက်လာပုံရ၏။
" ကိုငယ်ပါ ပါလာတာလား "
" အငယ်မပါ ပါတယ်။ဟိုကောင် မင်းကိုပြဿနာရှာသေးလား "
သူ့နောက်ကနေ စက်ပိုင်ထွဋ် ထွက်လိုက်လာသည်ထင်၏။ကိုငယ်က သူ့နောက်ကျောဘက်ကို မေးဆတ်ပြပြီးမေးလာသည်။မိုးည လှည့်ကြည့်မနေတော့ဘဲ ခေါင်းသာရမ်းပြလိုက်သည်။
ပြဿနာရှာတယ်လို့ပဲ ပြောလိုက်ပါဦး သူ့တူကို သူနိုင်တာလည်း မဟုတ်ဘဲနဲ့။
" ဟွန်း..ကိုကြီးတို့ နှစ်ယောက်နဲ့တွေ့မှပဲ စားကောင်းခြင်းလည်း မစားရဘူး။ဘယ်လိုဖြစ်လို့ စားသောက်နေတုန်း အတင်းထပြေးကြတာလဲမသိဘူး "
ကိုငယ့်ညီမနှင့် စက်ပိုင်ထွဋ်ပါ သူတို့နားရောက်လာ၏။ဒီမိသားစုနဲ့ ရေစက်ကလည်း မသေးပါလားနော်။
" နင့်တူက အရင်ထပြေးတာကိုဟ။နောက်က လိုက်ရတာပေါ့ "
" ကိုကြီးဖုန်းက ဘာလုပ်ဖို့ထားတာလဲ။ဖုန်းအရင် ဆက်ကြည့်ပေါ့ "
ဒီတော့မှ ကိုငယ်က သူ့ကိုယ်သူမေ့တတ်ရန်ကော ပုံစံမျိုးနှင့် ငြိမ်ကျသွားသည်။
" သြော်..ကိုမိုးည ကွန်ဂရက်ကျူရေးရှင်းပါနော်။စားရတော့မှာလား "
ကိုငယ့်ညီမက ရုတ်တရက် ခပ်ပြုံးပြုံးနှင့် ကွန်ဂရက်ကျူရေးရှင်းတွေလာလုပ်သည်။ဘာကိုပါလိမ့်..။
မိုးည ခဏကြောင်အမ်းသွားပြီးမှ...." ဗျာ..မဟုတ်ပါဘူး။အဲ့ဒီအမျိုးသမီးနဲ့က သာမန်မိတ်ဆွေတွေပါ "
မနုနုငယ်နဲ့သူ့ကို သုံးယောက်စလုံးက တစ်မျိုးတွေ ထင်နေကြပုံပင်။
" အန်တီလေးတို့ကလည်း ဇွတ်ပဲဗျာ။အဲ့လောက်ကွန်ဂရက်ကျူရေးရှင်းလုပ်ချင်နေရင် ကိုယ့်အကို ကိုသာ အရင်စွံအောင်လုပ်ပါ့လား "
YOU ARE READING
မြတ်နိုးချစ်
RomanceOpenness to new emotions and feelings,in a romantic sense.💙 >>September 4,2021 ••December 28,2021 //