Unicode
ခြံဝန်းထဲကို ဝင်လာတည်းက မိုးညတို့အသံလည်း မကြားရဘဲ တစ်အိမ်လုံး တိတ်ဆိတ်နေသည်။
" မိုးညတို့ရော အစ်မ "
ဦးမင်းငယ်အောင် ဧည့်ခန်းထဲဆီ လျှောက်ဝင်လာရင်းက ထိုင်နေသည့် ဒေါ် စန္ဒာမိုးကို မေးလိုက်သည်။
" ထိုင်ပါဦး ကိုငယ် "
သူမေးတာကိုလည်း မဖြေသေးတဲ့အပြင် လိုရင်းကို မပြောသေးဘဲ အရင်ထိုင်ခိုင်းတာကြောင့် ဒေါ် စန္ဒာမိုးနှင့် မျက်နှာချင်းဆိုင်ခုံမှာ ဦးမင်းငယ်အောင် ဝင်ထိုင်လိုက်၏။စက်ရုံဆီ ရောက်နေတုန်း အစ်မက ကိုငယ်အားရင် အိမ်ဘက်ခဏဝင်လာခဲ့ပါဦး..ပြောစရာရှိလို့ပါဆိုလို့ စက်ရုံကနေ တိုက်ရိုက် ဒီကို ဝင်လာခဲ့တာဖြစ်သည်။
" တစ်ခုခုများ ပြောစရာရှိလို့လား အစ်မ "
အရင်ကလည်း မိုးညနဲ့ပတ်သက်ပြီး သိချင်တာရှိရင် အစ်မက သူ့အိမ်ကိုရောက်လာတာမဟုတ်ရင် သူ့ကို ခေါ် တွေ့တတ်တာကြောင့်ဖြစ်သည်။အခုလည်း စက်ပိုင်ထွဋ်နဲ့ တစ်ခုခုပတ်သက်ပြီး ပြောချင်တာများရှိလို့ မိုးညတို့မရှိတဲ့အချိန်များ တမင်ခေါ် လိုက်တာလား။သိလိုဇောနှင့် ထပ်မေးလိုက်တာဖြစ်သည်။
" သားတို့ ကိုငယ့်အိမ်များရောက်နေကြလားလို့ပါ "
" ဗျာ.."
ဒေါ် စန္ဒာမိုး၏မေးခွန်းကြောင့် ဦးမင်းငယ်အောင် ကြောင်အမ်းသွားရသည်။မိုးညတို့ အပြင်သွားသည်ထင်သည်။အဲ့ဒါကြောင့် နှစ်ယောက်စလုံး အရိပ်အယောက်တောင် မတွေ့ရတာ။ဒါနဲ့ သူတို့ဘာသာအပြင်သွားတာ ဘာလို့သူ့ကိုတကူးတက ခေါ် မေးရတာလဲ။
" မိုးညတို့က အခုအိမ်မှာမရှိဘူးလား။ဘယ်သွားလဲဆိုတာ မပြောသွားကြလို့လား "
ဖြစ်နိုင်လောက်တာတွေကို အစ်မကို ထပ်မေးကြည့်လိုက်သည်။
ဒေါ် စန္ဒာမိုး ကိုငယ့်အမေးကြောင့် သက်ပြင်းမောသာ ကြိတ်ချရသည်။လူကြီးပီပီနားထောင်ကောင်းအောင် စကားဦးပျိုးနေရတာ ပင်ပန်းပေမဲ့ ဒီလိုမှကွယ်ဝိုက်မမေးရင်လည်း မဖြစ်ပြန်။မိုးညကောင်းကင်တို့ နှစ်နှစ်ဆယ်ကျော်လောက် လိမ္မာလာခဲ့ပြီး အခုမှ အတိုးနဲ့များပေါင်းဆိုးနေသလားလို့တောင် အောက်မေ့ရသည်။
YOU ARE READING
မြတ်နိုးချစ်
RomanceOpenness to new emotions and feelings,in a romantic sense.💙 >>September 4,2021 ••December 28,2021 //
