Unicode
စားသောက်နေတုန်းပြီးစီးကာနီးမှ စက်ပိုင်ထွဋ်က အပြင်မှာ ဖုန်းထွက်ပြောတာကြောင့် စားပြီးသား ပန်းကန်တွေကို မိုးညကပဲ ဆေးကြောနေလိုက်သည်။
ခဏကြာတော့ ဖုန်းပြောရာကနေ မီးဖိုခန်းထဲ မျက်နှာမှုန်မှုန်နှင့် ပြန်ဝင်လာ၏။
" ဘယ်သူဆက်တာလဲ "
" ဒက်ဒီဖုန်းဆက်တာ ဦးည။ကျွန်တော့်ကို ပြန်ခေါ် နေပြီ မနက်ဖြန်အရောက်ပြန်လာခဲ့တဲ့ "
မိုးည ပန်းကန်တွေဆေးကြောရာနားကို ရောက်လာပြီး ဘေစင်ကို မှီရင်းက ပြောလာသည်။အင်းလေ...သူ့မိဘတွေလည်း သတိရနေမှာပေါ့။စက်ပိုင်ထွဋ်လည်း အိမ်မပြန်ဖြစ်တာ လာနဲ့ချီပြီးတော့ ကြာနေပြီကို။
" မနက်ဖြန်စောစောထပြန်လေ။ဘယ်သူလာခေါ် မှာလဲ "
စက်ပိုင်ထွဋ် ဒီကိုလာတော့ ကားမပါလာ၍ တစ်ယောက်ယောက် လိုက်ပို့ပေးတာထင်သည်။ကိုယ်တိုင် အိမ်ပြန်လိုက်ပို့ချင်ပေမဲ့လည်း ကိုယ်ကမအားတော့ လိုက်ပို့လို့ကမရ။
" ဦးညက ပြန်စေချင်နေပြီပေါ့ "
စက်ပိုင်ထွဋ်က မျက်နှာဆူပုတ်ပုတ်နှင့် မေးလာသည်။
" မိဘက လှမ်းခေါ် နေတာကို ငါကဘယ်လိုလုပ် အတင်းဆွဲထားရက်မှာလဲ။အလုပ်တွေလည်း ရှိသေးတယ်မလား။မင်းမိဘတွေလည်း မင်းကိုသတိရနေမှာပေါ့ "
"အလုပ်ရှိတာကတော့ ဟုတ်ပါတယ် ဒါပေမဲ့ အစောကြီးတော့မပြန်ဘူး.. ညဘက်ကျမှထပြန်မှာ။ကျွန်တော့် သူငယ်ချင်းတွေကိုပဲ လာခေါ် ခိုင်းလိုက်မယ် "
သူငယ်ချင်းတွေကို လာခေါ် ခိုင်းမယ်ဆိုတာကြောင့် မိုးည မျက်လုံးထောင့်ကပ်ကာ စက်ပိုင်ထွဋ်ကို မယုံသလို ကြည့်လိုက်ပြီး..
"အိမ်ကိုတန်းတန်းမတ်မတ်ရောက်အောင်မပြန်ဘဲ ဘယ်ကိုသဝေလိုက်ထိုးကြဦးမှာလဲ "
" သဝေမထိုးအားပါဘူးဗျာ..။ဦးညနားမှာ မိနစ်ပိုင်းလောက်ပဲဖြစ်ဖြစ်ပိုနေချင်လို့ အချိန်နည်းနည်းဆွဲထားလိုက်တာ။ ကျွန်တော့်ကိုက သူတို့ပြန်မယ်ဆိုမှ လာခေါ် ကြမှာ "
YOU ARE READING
မြတ်နိုးချစ်
RomanceOpenness to new emotions and feelings,in a romantic sense.💙 >>September 4,2021 ••December 28,2021 //
