« អូខេ! សម្រេចថាអញ្ចឹងចុះ នាងជួយរៀបចំឲ្យផងណា » មិនទាន់និងបើកទ្វារចូលទៅខាងក្នុងផង សម្លេងរបស់ថេយ៉ុងនិយាយទូរស័ព្ទជាមួយនិងមនុស្សស្រីបានបន្លឺឡើងដល់ខាងក្រៅ។
« ហ៊ានណាត់ជួបនិងមនុស្សស្រីពេលដែលយើងមិននៅផងហ្ហេស? » អត់ខឹងមិនបានពេលដែលគេចេញពីបន្ទប់ផុតតែបន្តិច ថេយ៉ុងក៏លួចខលទៅមនុស្សស្រីមិនឲ្យគេដឹង ប្រហែលជាស្រីម្នាក់នោះជាអ្នកដែលគេលួចលាក់ហើយមើលទៅទើបធ្វើអីមិនឲ្យគេដឹងបែបនេះ ថេយ៉ុងចង់ក្បត់ជាមួយគេផងហ្ហេស? ឃើញគេមិនមាត់ៗបានចិត្តខ្លាំងណាស់។
« យើស៎! តាបុិកញ្ចាស់នេះ មិញនេះលឺសម្លេងនិយាយនូវឡើយទេ ដល់ពេលដឹងថាយើងចូលមកក៏ធ្វើជាសម្ងំគេង ប្រហែលជានិយាយជា
មួយស្រីលួចលាក់ពិតមែនហើយ » រាងតូចដើរចូលមកថ្នមៗមិនឲ្យលឺសម្លេងនោះទេ គេចង់តែស្រែកឲ្យបែកបំពង់កពេលដែលថេយ៉ុងធ្វើជាគេងលក់ពេលដឹងថាគេចូលមកដល់ខាងក្នុង ប្រាកដជាមានរឿងលាក់បាំងជាមួយគេមិនខានឡើយទើបនាយធ្វើពុតជាដេកបែបនេះ។
« ចង់ដឹងដល់ហើយថានិយាយជាមួយអ្នក
ណា អេរ! ទូរស័ព្ទហ៊ានដាក់លេខកូដផងហ្ហេស? » ឃើញបែបនេះកាន់តែខឹង ទើបយកទូរស័ព្ទមួយនោះទៅដាក់ពីមុខរបស់នាយ ក្រែងលោគេដាក់
ស្គេនមុខ ម្រាមដៃដាក់អស់ហើយនៅតែដោះមិន
បាន។
« រឺមួយ...យេស! ដោះបានហើយ » រាងតូចគិតបន្តិចទើបចុចលេខដែលជាថ្ងៃកំណើតរបស់គេផ្ទាល់ ឃើញបែបនេះជុងគុកមិនសប្បាយចិត្តនោះទេ លួចនិយាយជាមួយនិងស្រីហើយនៅហ៊ានដាក់
លេខកូដជាថ្ងៃខែកំណើតរបស់គេទៀតផង បែប
នេះគេមិនរំភើបនោះទេ។
ទូត៚ទូត៚
ជុងគុកយកទូរស័ព្ទរបស់ថេយ៉ុងចូលក្នុងបន្ទប់
ទឹក ចុចទៅលេខដែលថេយ៉ុងបានខលមិញនេះ គេចង់ដឹងថាស្រីម្នាក់នោះគឺជាអ្នកណា ពេលនេះទូរស័ព្ទនៅលើគេហើយ គេនិងសួរឲ្យដឹងរឿងតែ
ម្តង។
( ជម្រាបសួរលោកនាយកគីម តើលោកមានអ្វីឲ្យខ្ញុំបម្រើទៀតតើមែនទេ? ពេលនេះខាងខ្ញុំរៀប
ចំជិតរួចរាល់ហើយ កន្លែងរៀបចំហាត់តៃក្វាន់ដូក៏រៀបរយដូចគ្នា លោកមានការអ្វីឲ្យខ្ញុំធ្វើទៀតតើមែនទេ? ) ខ្សែម្ខាងទៀតចុចទទួលនិងនិយាយរៀបរាប់ទាំងមិនទាន់និងបានលឺសម្លេងឆ្លើយតបឡើយ ព្រោះថេយ៉ុងបានបញ្ជាឲ្យនាងធ្វើតាមអ្វីដូច
ដែលនាយបាននិយាយអញ្ចឹង គេមិនបានលួចលាក់ស្រីណាដូចជុងគុកកំពុងតែគិតឡើយ។
