Unicode Font
33. အရက်မူးသော ည (1)
Ji Qingyingသည် Fu Yanzhi ထိုကဲ့သို့ တည်ငြိမ်အေးဆေးသောလေသံဖြင့် ဘယ်လိုလုပ် ပြောနိုင်တာလဲဆိုတာကို စဥ်းစားတွေးတောနေလျက်ရှိသည်။
သူမမျက်နှာသည် နီရဲနေပြီး အဝေးတစ်နေရာကို လျှောက်ကြည့်လိုက်သည်။
သူမ တိတ်ဆိတ်သွားမှုကို သတိထားမိသွားပြီး Fu Yanzhiသည် အေးဆေးစွာ မေးလိုက်သည်၊ "မင်း ကျွန်တော့်ကို မစားစေချင်တော့ဘူးလား"
Ji Qingying "..."
ရှင် ဘာလို့ အတုအယောင်စွပ်စွဲချက်တွေ ပြောနေတာလဲ။ ဒါက အနိုင်ကျင့်နေတာပဲ။
"ကျွန်မ အဲ့လိုဆိုလိုတာ မဟုတ်ဘူး..." Ji Qingying ရေခဲမုန့် တစ်ကိုက်ကိုက်လိုက်ရင်း အသံတိုးတိုးဖြင့် ဆိုလိုက်သည်၊ "ရှင် ဒီနေ့ နားရက်လား"
"အင်း။"
သူမ ပြုံးလိုက်ပြီး စကားပြောတော့မည့်အချိန်မှာပဲ သူမဖုန်း အသံမြည်လာခဲ့သည်။
Chen Xinyuသည် Rong Xueနှင့် ရိုက်ထားသော ဓာတ်ပုံများနှင့်အပြည့် သူမကို ပို့လာခဲ့သည်။
Chen Xinyu: [ငါနဲ့ Rong Xueနဲ့ ဒီည အိမ်မှာပဲ ဟော့ပေါ့စားဖို့ ဆုံးဖြတ်လိုက်ပြီး။ နင် ပြန်လာမှာလား]
Ji Qingying စဥ်းစားနေပြီး သူမ Fu Yanzhiဘက် ကြည့်လိုက်သည်။
"ဘာလဲ"
"Xinyuနဲ့ Rong Xueတို့ အိမ်မှာ ဟော့ပေါ့စားချင်တယ်လို့ ပြောလို့။"
သူမ အောက်နှုတ်ခမ်းကို ကိုက်လိုက်ကာ သူ့ကို ကြည့်လိုက်သည်၊ "ရှင် ကျွန်မနဲ့တူတူ အိမ်မှာ လိုက်စားမလား"
Fu Yanzhi စက္ကန့်အချို့ စဥ်းစားနေမိပြီးနောက် သူ အသံတိုးတိုးဖြင့် မေးလိုက်သည်၊ "မင်း အိမ်ပြန်စားချင်တာလား"
သူ့မေးခွန်းကို ကြားသောအခါ Ji Qingying အမြန်ပြောလိုက်သည်၊ "ရှင် မလိုက်ခဲ့လဲ ရပါတယ်။"
သူမ၏ စိတ်ပူပန်နေသောလေသံကို နားထောင်သွားပြီးနောက် Fu Yanzhiရယ်မိသွားလေသည်။
"အိမ်ပြန်ရအောင်၊ နောက်ပြီး မင်း လိုချင်တဲ့ ဆုကို စဥ်းစားထားလိုက်။"
VOCÊ ESTÁ LENDO
Jiaochen (MM Translation) [Haitus]
RomanceDisclaimer: I do not own this story. I translated this story from English. So if there is something wrong, feel free to tell me. Just for Translation. All credits go to original author and English translator^^ Zawgyi font is also available ^^ Unicod...
![Jiaochen (MM Translation) [Haitus]](https://img.wattpad.com/cover/286090097-64-k61945.jpg)