Right Person [Completed]

Part(34)

✿ R i g h t  P e r s o n ✿

                ✿Part(34)✿

ဘယ်သူလဲ!?...

"ဒေါက် ဒေါက် "

"အထဲက ဘယ်သူလဲ..."

သူရေပန်းကိုပိတ်လိုက်တော့ ထွက်ပေါ်လာသည့်အသံကြောင့် သူ့မေးကြောတွေထောင်တက်သွားရသည်။

သက်တန့်အသံပဲ...

"ဒီမှာ အပြင်ထွက်မလို့...ထွက်မရဘူး အထဲမှာလူရှိရင် ထွက်ခဲ့ပါ...မဟုတ်ရင် ကျွန်မဝင်ခဲ့မယ်"

သက်တန့်အသံဆိုတာ သေချာသွား၍ သူတံခါးကိုအမြန်ဆွဲဖွင့်တော့ သက်တန့် သူ့ကိုမြင်ပြီး မျက်ဝန်းတွေက ဝိုင်းစက်သွားရသည်အထိ အံ့ဩသွား၏။

"ကို!..."

ထိုအခါမှ သက်တန့် သက်ပြင်းချနိုင်သည်။ အထဲမှာ တခြားယောက်ျားလေးသာဆို သက်တန့်ဒုက္ခရောက်ရဦးမှာ။

"သက်တန့်...မင်းဘယ်လိုလုပ်ပြီး ဒီအထဲမှာရှိနေတာလဲ "

သက်တန့် မရိပ်မိအောင် အသံကိုထိန်းကာ မေး၏။

"မသိဘူး...တစ်ယောက်ယောက်က သက်တန့်ကိုမေ့မျောစေခဲ့တာ...နိုးလာတော့ ဒီအခန်းမှာ ရောက်နေတာ...ကိုဘာဖြစ်နေတာလဲ "

သက်တန့်က အနားတိုးလာကာ သူ့ကိုထိမည်ကြံတော့ ရှောင်လိုက်၏။

"မထိနဲ့..."

"ဘာဖြစ်တာလဲ...ဘာလို့ရေပန်းအောက်ထိုင်နေတာလဲ "

သူ့မျက်ဝန်းတွေက အတင်းထိန်းချုပ်ထား၍ နီရဲနေပြီး ခန္ဓာကိုယ်က ပူကျစ်နေသည်။

သက်တန့်က ဒါကို မသိဘဲ အတင်းတိုးကပ်ကာ နဖူးကို လာကိုင်၏။

"ပူကျစ်နေတာပဲ...ကိုဖျားနေတာလား အာ့..."

သက်တန့်လက်ကို ခပ်တင်းတင်းဆုပ်ကိုင်လိုက်ပြီး အသက်ကို ခပ်ပြင်းပြင်းရှူထုတ်သည်။

မဖြစ်ဘူး ကမ္ဘာ...သက်တန့်ကို လက်မထပ်မပြီးမချင်း မထိသင့်ဘူး။

"ကိုယ် ရေချိုးလိုက်ဦးမယ် "

"မရဘူး...ဒီလောက်ပူနေတာကို ဘာလို့ရေချိုးမှာလဲ ကိုသေချင်နေတာလား "

သက်တန့်က အတင်းသူ့ကိုတားသည်။

"လွှတ်...ကိုယ်ရေချိုးမှဖြစ်မယ် "