Right Person [Completed]

Final Part-Part(35)

✿ R i g h t  P e r s o n ✿

            ✿Part(35)✿

           ✿Final Part✿

"မွ..."

မနက်ခင်း နှုတ်ခမ်းကို အနမ်းခံလိုက်ရတာကြောင့် သက်တန့်ပြုံးကာ လူးလိမ့်နေမိ၏။

အိမ်မက်ထဲမှာ ကိုက သက်တန့်ကို နူးညံ့ညင်သာစွာ အနမ်းပေးနေတာ။ အပြင်မှာပါ ခံစားလိုက်ရတော့ မျက်နှာက ပြုံးသွားသည်။

"မွ..."

နှုတ်ခမ်းကို နောက်တစ်ကြိမ်လာထိတော့မှ အိမ်မက်မဟုတ်မှန်းသိလိုက်ရသည်။ ဟုတ်သားပဲ အခုရက်ပိုင်း ကိုက နေ့တိုင်း သက်တန့်ကိုလာနိုးနေတာပဲ။

"ကို...မနမ်းနဲ့လေ...မျက်နှာတောင် မသစ်ရသေးဘူး"

"ကိုယ်က ဘာမှမဖြစ်ဘူး အိုခေတယ်"

"သက်တန့် မအိုခေဘူး "

သက်တန့်က ပြောရင်း ထထိုင်သည်။ မျက်နှာကတော့ အိပ်ချင်မူးတူးရုပ်ဖြစ်နေတုန်း။

"အိပ်ရေးမဝသေးရင် အလုပ်နားလိုက် "

"ဒီCEOကတော့...ဝန်ထမ်းကိုဒီလောက်အလိုလိုက်နေတာ မွဲတော့မှာပဲ"

"မင်းမို့လို့..."

အိပ်ယာပေါ်က ဆွဲချပြီး ဆွဲဆောင်မှုရှိစွာပြောလာသည်။

"သက်တန့်က ပတ်ဝန်းကျင်ကို ဂရုစိုက်တယ်နော်...အဲ့လိုလုပ်လို့မရဘူး အခုတောင် ကုမ္ပဏီကလူတွေ ပြောနေကြတာ"

"ဘယ်လိုပြောတာလဲ "

မသိသလိုနဲ့ တအံ့တဩမေးခွန်းထုတ်လာ၏။ သက်တန့်မျက်စောင်းထိုးပြစ်လိုက်ပြီး...

"ကျွန်မက CEOရဲ့ချစ်သူမလို့ ကျွန်မက လုပ်ချင်သလိုလုပ်လို့ရတယ်တဲ့...B&Wလိုကြီးမားတဲ့ပရော့ဂျက်ကိုလည်း သက်တန့်ကရတာ CEOကြောင့်တဲ့လေ "

"ဘယ်သူပြောတာလဲ ကိုယ်အလုပ်ထုတ်မယ်"

သက်တန့်ကို ရေချိုးခန်းထဲ ဝင်စေကာ သူက သွားတိုင်တံထဲ သွားတိုက်ဆေးထည့်ပေးရင်းဆိုလာသည်။

"ရှင်အလုပ်ထုတ်လိုက်တော့ ပြီးသွားရောလား..."

"ဒါဆို ချစ်က သူတို့ပါးစပ်ပိတ်သွားအောင် ကြိုးစားပြလိုက်ပေါ့ "