✿ R i g h t P e r s o n ✿
✿Part(21)✿
မနက်ပိုင်းမှာ သက်တန့်ရော စည်းရော သူ့ဆီရောက်မလာပါ။ ပုံမှန်ဆို စည်းကအမြဲလာတတ်သည်။ ဒီနေ့ကျပေါ်မလာပါ။ အခန်းတံခါးခေါက်တော့ ဘယ်သူမှထွက်မလာခဲ့။
"မောင်လေး ညီမက သွားခဲ့ပြီ "
ဘေးခန်းက အစ်မတစ်ယောက်က လာပြောပြသည်။
"ဟုတ်ကဲ့ "
သက်တန့်အရမ်းစိတ်ဆိုးသွားတယ်ထင်တယ်။
T Familyကိုရောက်တော့ နောက်ပရော့ဂျက်အတွက် အလုပ်တွေက တန်းစီနေသည်။ သက်တန့်က သူ့လက်ထောက်ဆိုပေမဲ့ အစပိုင်းမှာတော့ အမြဲတမ်းအတူတူတွဲမလုပ်ရ။သူက မြေနေရာသွားကြည့်ရင် သက်တန့်က ရုံးခန်းမှာ လိုအပ်တာတွေ စာရင်းလုပ်ရသည်။
ဒီဇိုင်နာဆီက ဒီဇိုင်းကိုယူပြီး CEOဆီကနေ လက်မှတ်ယူရသည်။
မျိုးစုံပါပဲ။ညနေပိုင်းမှာလည်း ရုံးအတူတူမဆင်းရပေ။ သူကအလုပ်ပိုရှုပ်၍ စည်းကိုတော့ သက်တန့်ကပဲသွားကြိုသည်။
သူတို့နှစ်ယောက်မျက်နှာချင်းဆိုင်တွေ့ရတာက တိုက်ခန်းရောက်မှပင်။
"သက်တန့် "
"ကျွန်မ ပင်ပန်းနေတယ် နောက်မှပြောရအောင်"
သက်တန့်ပုံစံက တစ်ကယ်ပင် ပင်ပန်းနေပုံပေါက်၍ ဆက်မပြောဖြစ်တော့။
နောက်ရက်ကိုစောင့်ရင်း သူ ဒီညအိပ်မပျော်တော့ပါ။
✿✿✿✿~✿✿✿✿~✿✿✿✿~✿✿✿✿~✿✿✿✿
ဒီနေ့ သောကို အိမ်ကအမေက ကြင်ဖက်တွေ့ခိုင်း၍ ချိန်းဆိုထားသည့်ဆိုင်ကိုရောက်လာခြင်းဖြစ်သည်။
သောပုံစံက အရင်ကနဲ့မတူဘဲ ထူးခြားနေသည်။
ထိုသို့ထူးခြားအောင်တမင်လုပ်ခဲ့တာ။မျက်မှန်အကြီးစားကိုတပ်ပြီး ဆံပင်ကို အကြေကောက်ကောက်ထားသည်။ ပြီးတော့ မိတ်ကပ်ကို ကွတ်တိကွက်ကြားလိမ်းကာ နှုတ်ခမ်းနီကိုလည်း ရဲနေအောင်ဆိုးထားသေးသည်။
"အဟင်း "
ရုပ်ဆိုးလှသည့်ကိုယ့်ရုပ်ကို တွေးမိရင်း ကြင်ဖက်ထွက်ပြေးသွားမှာကို တွေးမိပြီး ရယ်လိုက်မိ၏။
YOU ARE READING
Right Person [Completed]
Romanceကမ္ဘာ့သိမ်းပိုက်+သက်တန့်ရောင်ခြယ် ပထမလူနဲ့ဒုတိယလူကြားမှ တတိယလူမဟုတ်တဲ့ပထမလူပေါ်လာတဲ့အခါ.... "ရှင်နဲ့ဆိုရင် ကျွန်မ သုံးရောင်ခြယ်ကိုမေ့နိုင်မယ်ထင်တယ် " ................................................ ကမာၻ႔သိမ္းပိုက္+သက္တန႔္ေရာင္ျခယ္ ပထမလူနဲ႔ဒုတိယလူၾက...