Right Person [Completed]

Part(14)

✿ R i g h t  P e r s o n ✿

                ✿Part(14)✿

"ကို အတော်အံ့ဩသွားတာလား! "

မျက်လုံးမှေးဆင်းထားကာ ငူငူကြီးရပ်နေသည့်ကမ္ဘာကြောင့် သက်တန့်ကအံ့ဩတယ်ပဲထင်ကာ ပြာတာတာဖြစ်သွားသည်။

"မဟုတ်ပါဘူး ကိုယ်..!"

ရုတ်တရက်မလို့ စီစဉ်ထားတဲ့စကားလုံးတွေက ဘယ်ဆီပျောက်ကွယ်သွားသည်မသိပါ။ အစအနပင်ရှာလို့မရတော့။ သူဘာပြောရမလဲ အပြေးအလွှားစဉ်းစားနေတာကို သက်တန့်က အံ့ဩနေတယ်လို့သာမြင်ကာ...

"ရှင် အဆင်ပြေလား...ကျွန်မတို့ အထဲမှာသွားပြောကြမယ်လေ "

"အင်း ကိုယ့်အခန်းဘက်ကိုသွားရအောင် စည်းကြားသွားလိမ့်မယ် "

"အင်း "

ကမ္ဘာက သက်တန့်လက်ကို ဖွဖွဆွဲကိုင်ကာ တိုက်ခန်းထဲဝင်ခဲ့ကြသည်။ ဆိုဖာပေါ်မှာ ထိုင်ကာ သူကရေတစ်ခွက်မော့သောက်လိုက်သည်။

"ဒါဆို စည်းက ဘယ်သူ့ကလေးလဲ "

သူ မသိသလိုသာမေးလိုက်သည်။ ဒါကို သက်တန့်က နည်းနည်းလေးမှရိပ်မိပုံမပေါ်ဘဲ သူ့ကို မကြည့်ဘဲ မျက်လွှာချကာ...

"ကိုကြီးကလေး..."

"ဗျာ "

"ကျွန်မမှာ အစ်ကိုတစ်ယောက်ရှိတယ်...အဲ့အစ်ကိုရဲ့သားပါ "

"စည်းအမေကရော ဘယ်မှာလဲ "

စည်းအမေဆိုတဲ့နာမ်စားကြောင့် သက်တန့်မျက်နှာ ခက်ထန်သွားသလို။ သက်တန့် အဲ့သလောက်တောင် ခြယ့်ကို မုန်းနေတာလား။

ဒါဆို ခြယ်နဲ့ပတ်သတ်ခဲ့ဖူးတဲ့ သူ့ကိုရော...?

"စည်းရဲ့အမေအရင်းက ခဏက အောက်မှာတွေ့ခဲ့ကြတဲ့မိန်းမပဲ ကို...သူက စည်းအမေအရင်းပဲ"

နှုတ်ခမ်းကို ခပ်နာနာကိုက်ကာ အံကြိတ်သံရောစွက်နေတဲ့အသံကြောင့် သက်တန့်ဘယ်လောက်ထိ သုံးရောင်ခြယ်အပေါ်မုန်းလဲဆိုတာ သိသာသည်။

"ချစ်..."

"ရှ..ဟင့် "

သက်တန့်ထူးသံပင်မဆုံးသေး။ နှုတ်ခမ်းပေါ် ဖိကပ်နမ်းလာသည့် သူ့အနမ်းကြောင့် သက်တန့်အံ့ဩသွားပုံရကာ နှုတ်ခမ်းအနည်းငယ်ဟသွားတာကို ခံစားလိုက်ရသည်။