Right Person [Completed]

Part(8)

✿ R i g h t  P e r s o n ✿

                ✿Part(8)✿

"သက်တန့် ဘယ်တုန်းက ဦးကမ္ဘာ့သိမ်းပိုက်က သက်တန့်ရည်းစားဖြစ်သွားရတာလဲ "

"ဘယ်လို သော...ဦးကမ္ဘာက သက်တန့်ရည်းစား"

ညနေအစောပိုင်း သားကိုကျောင်းသွားကြိုရန် မိနစ်နှစ်ဆယ်လောက်အလိုမှာ သော ရုတ်တရက်ရောက်လာပြီး မေးခွန်းထုတ်သည်။

သောထုတ်တဲ့မေးခွန်းကို သက်တန့်ပင် နားမလည်။ သောဘယ်ဆီကကြားခဲ့ရတာလဲ။

"သောဘယ်ကကြားခဲ့တာလဲ "

သက်တန့်ရဲ့မျက်ဝန်းကိုအကဲခတ်ကြည့်တော့ အမှန်တစ်ကယ်ပင် မသိသေးသည့်ပုံစံမလို့ သောစဉ်းစားစရာတွေများလာသည်။

"သော...ဘယ်ကကြားခဲ့တာလဲလို့ သက်တန့်မေးနေတယ်"

"ဒေါ်ချိုဆီက "

"ဘာ!..."

"ဟုတ်တယ် ဒေါ်ချိုက သောကိုပြောတယ် ဦးကမ္ဘာ့သိမ်းပိုက်က ဒေါ်ချိုကို သက်တန့်က သူ့ရည်းစားပါဆိုပြီး နှုတ်ဆက်တယ်တဲ့ သက်တန့်အိမ်ကို သူဘယ်လိုသိသွားတာလဲ "

"..."

ပြောစရာစကားပျောက်ဆုံးနေသည့် ‌သက်တန့်ရဲ့လက်ကို ကိုင်လိုက်ရင်း...

"သောပြောတာ သက်တန့်ကို စိတ်ပူလို့ပါ...
သူ ဒီလိုတွေပြောနေတာ သက်တန့်ရဲ့ဂုဏ်သိက္ခာကို ထိခိုက်တယ် အများရဲ့အမြင်မှာ သက်တန့်ကို အထင်သေးတဲ့အကြည့်တွေနဲ့မြင်ကြမှာ သောမလိုလားဘူး "

"သက်တန့်ရှင်းမှာပါသော...အခုကိုသွားရှင်းမယ်"

သက်တန့်လို ကလေးတစ်ယောက်အမေကို သူချစ်တယ်ဆိုပြီး လုပ်ချင်ရာလုပ်ပြောချင်ရာပြောနေတာ သက်တန့်မခံနိုင်ပေ။ အဲ့လိုပါးစပ်သရမ်းတာကို သက်တန့်မကြိုက်။ သူပိုင်သလို ပြုမူနေတာကိုလည်းမုန်းသည်။

"ဦးကမ္ဘာ ဦးကမ္ဘာ..."

‌သက်တန့်အခန်းနဲ့ကပ်လျက်အခန်းကို တံခါးခေါက်ပြီး အော်ခေါ်နေသည့် သက်တန့်ကြောင့် သောမျက်လုံးတွေ ကျဉ်းမြောင်းသွားရသည်။

"ကမ္ဘာ့သိမ်းပိုက်က ဒီမှာနေတာ သောဘာလို့မသိရတာလဲ သက်တန့် သောကို ဖုံးကွယ်ထားတာတွေထပ်ရှိနေတာလား "