Right Person [Completed]

Extra

✿ R i g h t  P e r s o n ✿

       ✿ Extra Part✿

လက်ထပ်ပြီးနောက်...

"အေ့...ဝေါ့ "

လက်ထပ်ပြီး တစ်လတောင် မကြာသေးတဲ့အချိန်မှာ သက်တန့်မှာကိုယ်ဝန်ဆောင်တို့ရဲ့လက္ခဏာပြလာပြီ။

(ပြောချင်တာက ကမ္ဘာအချစ်ကြမ်းတာကိုပါ။ စမိုင်းလ်က ဘယ်လိုမှောင်ပေးရမလဲ မသိလို့ ဒီလိုရေးထားတာ)

"သက်တန့်အဆင်ပြေရဲ့လား "

သက်တန့်က ပြန်မဖြေနိုင်။ ထို့ကြောင့် သက်တန့်ကို ကမ္ဘာက ပွေ့ချီသွားသည်။

"ရှင် လွှတ်..."

သူအားတွေ အကုန်ဖြုန်းပစ်တာ။ သက်တန့်မှာ လမ်းတောင်မလျှောက်နိုင်တော့။ ဒီကြားထဲ အစာမြင်ရင် အန်ချင်တာကြောင့် လူကပျော့ဖတ်နေသည်။

"ဒါက ရှင့်ကြောင့်ပဲ...ကျွန်မအားမရှိတာသိရက်နဲ့..."

သက်တန့်က ဆက်မပြောဘဲ နှုတ်ခမ်းကိုကိုက်သည်။ အရင်က ဂရုတစိုက်ကျွေးမွေးတာတွေက ကြိုတင်ကြံစည်ထားတယ်လို့တောင် ထင်နေမိသည်အထိ။

"ကိုယ် သောကို ခေါ်လိုက်မယ် "

"‌မခေါ်နဲ့ "

"ဒါဆို ဆေးရုံခေါ်သွားရမလား "

"မသွားဘူး..."

"အေး မင်းအဲ့လို ခေါင်းမာနေ‌လို့...အားမရှိတာ"

ကြည့်ပါလား...လက်မထပ်ခင်ကဆို အရမ်းကြင်နာခဲ့‌သလောက် လက်ထပ်ပြီးတော့ သူ့ရဲ့ပုံစံအမှန်ပေါ်လာပြီ။

"မသွားဘူး "

"သောကို လှမ်းခေါ်လိုက်မယ် "

ကမ္ဘာက အသိပေးပြီး အပြင်ထွက်သွားသည်။
အထဲမှာ ကျန်ခဲ့သည့် သက်တန့်မှာသာ ငိုမဲ့မဲ့နဲ့ စောင်ကို ခေါင်းထိခြုံကာ အိပ်လိုက်သည်။

"သွား...အပြောနဲ့အလုပ်က တခြားစီ...နှာဗူးကောင် "

"ကိုယ့်ကို နှာဗူးလို့ပြောလိုက်တာလား "

ကမ္ဘာ့အသံကြားလိုက်ရ၍ သက်တန့်တုန်သွားသည်။ သူပြန်ရောက်လာတာပဲ။

"ဟုတ်တယ် နှာ‌ဗူး...ရှင့်ကိုကြောက်လို့ဘယ်တော့မှ အားပြန်မမွေးဘူး "