Right Person [Completed]

Part(24)

✿ R i g h t  P e r s o n ✿

                ✿Part(24)✿

စေ့စပ်ပွဲ(｡♡‿♡｡)

သက်တန့်မထွက်သွားခင်မှာ သောနဲ့ကိုထက်စေ့စပ်ပွဲကိုတော့ မှီသေးသည်။

စေ့စပ်ပွဲဆိုပေမဲ့ အသိမိတ်ဆွေအချို့နဲ့လူကြီးလူကောင်းတွေလောက်သာ ဖိတ်ထားသည်။

သက်တန့်ရောက်ပြီးမကြာပါ ကမ္ဘာရောက်လာသည်။

"သက်တန့် ရောက်နေတာကြာပြီလား "

သက်တန့်ကမဖြေဘဲ အကြည့်တစ်ချက်သာပို့ကာ သောဆီသွားဖို့ပြင်သည်။

"မင်းမဖြေမချင်း ကိုယ်မေးမှာနော် "

ကမ္ဘာက လက်ကိုဆွဲထားပြီး ရုပ်တည်တည်နဲ့ပြောလာသည်။

"ကြာပြီ "

"ဘာလို့ကိုယ့်ကိုမစောင့်တာလဲ EXရဲ့စေ့စပ်ပွဲမှာ ‌မင်းဘေးမှာပါတနာတစ်ယောက်တော့ ရှိရမှာပေါ့"

"ရှင် စကားဆင်ခြင်ပြောနော်...ဘာExလဲ "

သက်တန့် ဒေါသထွက်သွားတာကို ကြည့်ပြီး ရယ်သည်။

"ကိုယ်ပြောတာမမှားဘူးလေ "

"မမှားပေမဲ့ ဒါက!...ရှင်တော်ပြီ ဆက်မပြောနဲ့တော့ "

သက်တန့်က ဆောင့်အောင့်ပြောကာ သောဆီဦးတည်သွားသည်။ ကမ္ဘာနောက်ကနေမြန်မြန်လျှောက်ကာ သက်တန့်လက်ကိုဆွဲကိုင်ကာ လက်ချင်းယှက်သည်။

"ဘာလုပ်တာလဲ "

"လက်တွဲတာလေ...သွားမယ် လူကြီးတွေမစုံခင် အရင်ဆုံးတွေ့ရအောင် "

သက်တန့်က သူ့လက်ကနေအတင်းရုန်းကန်ပြီး သူခေါ်ရာနောက် လိုက်လာရသည်။

"ဟယ် သက်တန့်ရောက်လာပြီလား "

သောက သက်တန့်ကိုတွေ့တော့ ပျော်သွားကာ လက်ကို အတင်းဆွဲသည်။

ကမ္ဘာကလည်း မလွှတ်ပေးဘဲ ဆွဲထားသည်။

"ရှင်ဘယ်လိုဖြစ်နေတာလဲ!..."

"ရှင်ဘယ်လိုဖြစ်နေတာလဲ!..."

သောအသံရော သက်တန့်အသံပါပြိုင်တူထွက်လာသည်။ သူကတော့ ပုခုံးတွန့်ပြလိုက်သည်။ လွှတ်ပေးဖို့အစီအစဉ်မရှိ။ လွှတ်လိုက်ရင် ပြန်ကပ်ဖို့ခက်ခဲသည်။