#ស្នេហាមួយនេះគេហាមឃាត់_វគ្គ១
ភាគ៤៣🔞
ស៊ានតាយដើរទៅគោះទ្វារបន្ទប់បងស្រីដោយភាពមានសុជីវធម៌។ សម្លេងគោះទ្វារធ្វើឱ្យនាងក្រមុំដែលគេងមិនលក់ ក្រោកមកបើកទ្វារគិតថាជាប៉ា គាត់ទើបនឹងនិយាយជាមួយនាងរឿងចង់ឱ្យនាងរៀបការ។ ពេលខ្លះនាងគិតថាគួរតែរៀបការ លើកនេះប្រហែលស៊ានតាយលែងចំទាស់ទៀតហើយ។
ស៊ានភីងទទួលស្គាល់ថានាងស្រឡាញ់ប្អូន តែស្នេហាមួយនេះទៅមិនអាចរួច គេជាប្អូនរបស់នាង បើថ្ងៃណាមួយគេឆ្អែតឆ្អន់នឹងនាង នោះប្រហែលជាថ្ងៃស្លាប់របស់នាងដែរ។ ជីវិតនាងគ្មានន័យ គ្មានអ្វីត្រូវស្តាយ តែក៏មានលោកប៉ាម្នាក់ដែលមើលថែនាងរហូតមក នាងមិនចង់ឱ្យគាត់ខកចិត្តលើនាងទេ។
"ប៉ា! មានការអីទៀតមែនទេប៉ា...ស៊ានតាយ...ហ៊ឹកៗ..." នាងក្រមុំឃើញថាជាគេក៏ចាប់ផ្តើមយំ នាងហត់ណាស់ មិនចង់នៅក្នុងសភាពបែបនេះបន្តទេ។
"កើតអីទៀតហើយ?" ប្រុសកំលោះចូលក្នុងបន្ទប់ និងទាញទ្វារបិទ។ នាងក្រមុំឱបគេ ដាក់ថ្ពាល់លើដើមទ្រូងមាំ រាងកាយគេកក់ក្តៅ នាងត្រូវការគេ។
"ខ្ញុំគិតរឿងយើង ខ្ញុំពិបាកចិត្ត ខ្ញុំមានអារម្មណ៍ខុស ខ្ញុំ...ហ៊ឹកៗ..." នាងយំ មិនមានផ្លូវដើរទៅមុខ។
"កុំយំ!" ដៃមាំជូតទឹកភ្នែកឱ្យនាង លំបាកពេកហើយស្រីស្អាតរបស់គេ។ ស៊ានតាយលើកចង្កានាងឡើង ថើបលើបបូរមាត់ទន់ដោយភាពទន់ភ្លន់ថ្នាក់ថ្នម ជ្រែកអណ្តាតចូលទៅដោយនាងព្រមសហការជាមួយ យូរទើបម្នាក់ៗដកមាត់ចេញ។ នាងឱនមុខចុះដោយខ្មាសអៀន នាងមានតម្រូវការ នាងត្រូវការគេ ប្រុសកំលោះក៏មានអារម្មណ៍មិនខុសពីនាង។
"ស៊ានភីង..." សម្លេងគេទៅជាស្អក ហៅឈ្មោះនាង ដៃអង្អែលតាមបបូរមាត់ហើមតិចៗ បន្ទាប់មកលើកបីនាងទៅរកគ្រែ ដាក់រាងកាយតូចលើនោះ មានគេទ្រោបទៅលើ។ នាងក្រមុំមានអារម្មណ៍ ភ័យ ខ្លាច និងអៀនលាយឡំគ្នា។
"សន្យាថាឈប់គិតច្រើនណា! សូមឱ្យលើកនេះជាលើកចុងក្រោយ ខ្ញុំនឹងមើលថែបងស្រីពេញមួយជីវិត!" គេចាប់ខ្នងដៃស្រលនមកថើប។ នាងមិនសង្ឃឹមថាបានឮពាក្យស្រឡាញ់ចេញពីមាត់គេ តែប៉ុណ្ណោះនេះស្កប់ស្កល់ហើយ។ នាងស្រឡាញ់គេ នាងស្រឡាញ់ប្អូនប្រុសរបស់នាង។
