Plz don't leave me,babe (Completed)

အပိုင်း (၄၉)

Pls don't leave me,babe

မနက်စာထမင်းဝိုင်းတွင် အရင်နေ့များနှင့်မတူစွာ မျက်လုံးတွင်ပီတိအပြုံးမှာ ဝေဆာနေသော Mew ကို Pai သတိထားမိသည်။

"အာ...."

ထိုအပြုံးတွေက Pai တစ်ဖက်က Gulf ကိုကြည့်ရင်းဖြစ်ပေါ်လာတယ်ဆိုတာကိုရော။

"ပါး....စား "

"ပါးပါးလည်း စားမယ်နော် Lucas လေးအရင်ဗိုက်ဝအောင်စားနော် "

ဟမ်းစတားလေးလို ပါးနှစ်ဖက်နဲ့ တမြုံမြုံဝါးရင်း စားနေသည့် Lucas လေးကို မြင်သူတိုင်း မချစ်ပဲမနေနိုင်ကြ။

"ကိုကို ကျွန်တော် ကိုကိုအလုပ်ကို လိုက်ခဲ့မယ်နော် "

Pai စကားဝင်ပြောမှ Mew သတိထားမိတော့သည်။

"ဟမ်...! ဘာလို့လဲ "

"အိမ်မှာက ပျင်းလို့ပါ ကိုကိုအလုပ်ကို လိုက်ပြီး အဖော်ပြုပေးမယ်လေ နော် နော်လို့ "

Pai ၏ ချွဲနွဲပြောပုံလေးက အမှန်တကယ်ပင် ချစ်ဖို့ကောင်းသည်။ Mew အလုပ်ကိုမခေါ်ချင်ပေမယ့်လည်း လိုက်ခဲ့ရန်သာ သဘောတူလိုက်သည်။

Mew ကောင်လေးကို တစ်ချက်ကြည့်လိုက်ပေမယ့် မလိုလားသည့် ပုံစံမပြသည်မို့ သက်ပြင်းချနိုင်သွားသည်။ သူကိုယ်သူပင် ရည်းစားနှစ်ယောက် တစ်ပြိုင်တည်းထားမိပြီး အလုပ်များနေသူလိုပင်။

"ကိုယ် အစည်းဝေးရှိသေးတယ် Pai ရုံးခန်းထဲက စောင့်နေနော် "

"ဟုတ် "

Pai တက်ကြွစွာ ခေါင်းငြိမ့်ပြလိုက်ပြီး ရုံးခန်းထဲသို့ ဝင်သွားသည်။

Pai ထွက်သွားသည်နှင့် Mew အနားသို့ Beom ရောက်လာခဲ့သည်။

"သခင်ကြီး စုံစမ်းခိုင်းတဲ့ ကိစ္စသိရပါပြီ "

Mew Pai သူ့အားတိုက်နေကျ ဆေးကို Beom အားစုံစမ်းခိုင်းသည့် ကိစ္စဖြစ်သည်။

"ပြော "

"မူးယစ်ဆေးတွေပါ....သခင်ကြီး စသောက်ရင်ခေါင်းကို ကြည်လင်ပြီး စွဲသောက်ရင် မှတ်ဉာဏ်ပါ ချို့ယွင်းနိုင်ပါတယ် ​ အောက်လမ်းတွေမှာ အလွယ်တကူဝယ်လို့ရပါတယ် ပြီးတော့
သခင်ကြီး ထပ်စုံစမ်းခိုင်းတဲ့ စာရွက်ဖြူထဲက ပစ္စည်းတွေကလည်း ဆေးတွေပါပဲ။ အဲဆေးတွေအကြောင်းတော့ စုံစမ်းလို့မရခဲ့ပါဘူး ။နောက်ဆုံးသဲလွန်စအနေနဲ့ ဆေးတွေက စမ်းသပ်ဆဲ ဆေးတွေပါ။ အကျိုးကျေးဇူးနဲ့ ဆိုးကျိုးလည်း မသိရသေးပါဘူး "