Pls don't leave me,Babe
"ရောက်လာပြီလား "
Pai တံခါးကိုဖွင့်ရင်း ခင်ပွန်းသည်အလုပ်မှပြန်လာသည့်အခါ ကြိုဆိုသည့်ဇနီးတစ်ယောက်၏ပုံစံဖြင့် မေးလိုက်သည်။ အသက်မပါသော မျက်ဝန်းတို့ဖြင့် Beom သည် Pai အားကြည့်လိုက်သည်။
"လာလေ ဝင်ခဲ့ "
ဖော်ရွှေစွာဖြင့် အိမ်ထဲသို့ဝင်လာရန်ဖိတ်ခေါ်နေသော်လည်း သံသယမျက်လုံးများဖြင့်သာ ကြည့်ခြင်းခံလိုက်ရသည်။ Pai Beom လက်ကိုဆွဲ၍
အိမ်ထဲသို့ ခေါ်လိုက်သည်။
မှောင်လွန်းနေသည့်အခန်းထဲတွင် အနီရောင်မီးပျပျလေးသာ လင်းနေသည်။ Pai ထိုင်ခုံကိုဆွဲထုတ်ရင်း Beom အား ထိုင်စေသည်။
"ငါလာတာမင်းနဲ့ ကစားဖို့မဟုတ်ဘူး "
ထိုစကားကြောင့် ချစ်စရာကောင်းသည့်ကောင်လေး၏ အပြုံးများရပ်တန့်သွားသော်လည်း ချက်ချင်းပင်အမှုအရာအပျက် ပြန်လည်ပြုံးထားလိုက်၏။
"ခဏနော်....အကုန်ကျက်တော့မှာ "
ထိုသို့ပြောပြီး မီးဖိုချောင်ထဲသို့ ပြေးဝင်သွားသည့်ကောင်လေး။
"လာ...ကျွန်တော်တို့အရင်စားကြရအောင် "
"သခင်လေးရှိတဲ့နေရာအရင်ပြော "
"ကျွန်တော်ကအရူးမှမဟုတ်တာ ကျွန်တော်ပြောလိုက်ရင် အကိုထွက်သွားမှာပေါ့ ပြီးတော့ အဲနေရာကို အကိုသွားရင်တောင် သူ့ကို (Gulf) တွေ့ရမှာမဟုတ်ဘူး "
Pai သည် မတ်တပ်ရပ်နေဆဲဖြစ်သည့် Beom အား ထိုင်ခုံတွင်ထိုင်စေလျက် စွပ်ပြုတ်အား ပန်ကန်ထဲသို့ ထည့်ပေးလိုက်သည်။
"ဘယ်လိုနေလဲ ငယ်ငယ်ကအကိုချက်ကျွေးသလိုမျိုး အရသာတော့ သိပ်မရှိဘူး "
Pai စကားကြောင့် Beom ၏မှတ်ဥာဏ်ထဲ ထိုဖြစ်ရပ်လေးများ တစ်စွန်းတစ်စပေါ်လာခဲ့သည်။
ဇွန်းကိုကိုင်လျက် သောက်လိုက်သည်။
"ကောင်းလား ဘယ်လိုနေလဲ "
Beom သောက်လိုက်သည်ကို မြင်တော့ Pai သည်ပျော်ရွှင်စွာဖြင့်မေးလိုက်သည်။
"အရသာရှိတယ် "
အေးစက်စက်ပြန်ဖြေစကားတစ်ခွန်းဖြစ်ပေမယ့် Pai ကျေနပ်နေမိသည်။
ESTÁS LEYENDO
Plz don't leave me,babe (Completed)
Fantasíaငယ္ငယ္ကတည္းက အရိပ္ရိပ္တၾကည္ၾကည္နဲ႔ ေနာက္ကြယ္ကေန ေစာင့္ေ႐ွာက္လာေပးခဲ့တဲ့သူ..... တစ္ဖက္သတ္ခ်စ္မိတဲ႕ စီနီယာအကိုႀကီးရဲ႕ အေမွာင္ဘက္ျခမ္းက ပံုရိပ္နဲ႔ အျဖစ္မွန္ တစ္ခု..... ငယ်ငယ်ကတည်းက အရိပ်ရိပ်တကြည်ကြည်နဲ့ နောက်ကွယ်ကနေ စောင့်ရှောက်လာပေးခဲ့တဲ့သူ..... တစ်ဖက...
