"တို့က ငယ်ကို ချစ်တယ် ပြောမိလို့လား...ဒီမယ် အခွင့်ရေး မယူပါနဲ့ ဟွန့် "ဟု ပြောရင်း သူမ၏ နှုတ်ခမ်းလေးများအား ပုံမှန်ထပ်ပို ဆူလိုက်သည်ကို ရွယ်သတိထားမိသည်။
"ဟာကွာ...ဒီအပျိုကြီးက စမ်းနေတာပဲ" ဟု ဆိုကာ ကားသော့နှင့် အတူ စက်နိုးလိုက်တော့သည်။
"မမ ရွယ်လင်းမောင် ရှင့်" ဟု ခေါ်လိုက်သည် ပုံမှန်နှင့် မတူ ချိုသာ လွန်းလှသည့်အတွက် ရွယ်လည်း ဘေးတွင် ထိုင်နေသော ပျို့ကို ကြည့်လိုက်မိသည်။
"ရွယ့်ကို ခေါ်တာလား "
ထိုအချိန် ပျို့လက်များမှာ ရွယ်ရှိ နဖူး ပေါ်ရှိ ဆံစ များဆီသို့ရောက်လာရင်း သပ်ပေးတော့သည်။နဖူးပေါ်သို့ အရောက် ရွယ့်မျက်လုံးများမှာလည်း မှိတ်သွားသည်။
"ရွယ်လင်းမောင် မဟုတ်ဘူးလား ဘာလဲ အန်တီ့ချစ်သူလား " ဟု ပြုံးကာ ပြောသည့် ပျို့ ပုံစံမှာ အတော်ကို ကြည်နူးစရာပင်။
"အန်တီ..."
"ဟင်"
"အန်တီ ရွယ့်ကို ချစ်လားဟင်" ဟု သူမ မျက်လုံးများကို အားကိုမွေးကာ ကြည့်ရင်း မေးသည့် ရွယ်။
"ရွယ်လင်းမောင်ကို ချစ်တယ် ပြောရမှာလား ၊ အန်တီ့ချစ်သူ ကို ချစ်တယ် ပြောရလေမလား တို့ တွေးနေတုန်း "
"Don't go wasting your emotion ,Lay all your love on me "
သီချင်း ဆို ညည်း ပြလိုက်သည့် ရွယ်ကြောင့် ပျို အနည်းငယ် အံ့သြသွားတော့သည်။
"အဲ့ သီချင်းသိလား " ဟု မေးသည့် ရွယ်ကြောင့် ပျိုလည်း ပြုံးမိပြန်သည်။
"ဒီမယ်ငယ်လေး..တို့အရွယ်က Abba သီချင်းတွေက်ို မမှီခဲ့ပေမဲ့ တို့သိပါတယ်"
"ဟင် ..ရွယ်က Abba version ကိုဆိုတာမဟုတ်ဘူး ၊ အန်တီရဲ့ ငယ် version ကိုဆိုတာ"ဟု ပြောရင်းပျို့လက်တွေအား ဆုတ်ကိုင်လိုက်သည်။
"ဒါ အိပ်မက်မဟုတ်ဘူးမဟုတ်လားဟင်"
"ဘာကိုတုန်း"
"ပျိုမြင့်မြတ်ချယ် ရွယ့်အနားရောက်လာတာဟာလေ၊ဒါအိပ်မက်မဟုတ်ဘူးမဟုတ်လားဟင်"
ထိုစကားကြားကြားချင်း သက်ပြင်း ချ မိသည့် ပျို။
"ဟင့်အင်း ...အန်တီ ၊ ရွယ် အလျှင်မလိုဘူး ..ဖြေးဖြေးချင်းဆီပဲ ရွယ် အန်တီကို သီးခြားကမ္ဘာထဲခေါ်မှာပါ ဒါကြောင့် အန်တီ ရွယ်နဲ့ပတ်သတ်ပြီတော့ မပူပန်ပါနဲ့နော်"
