"လာလေ...ထိုင်" ဟု လူမမာအသံလေးနှင့် ပြုံးကာ ပြောသည့် ပျိုကြာင့် ဦးခန့်ညားအောင်လည်း ထိုကဲ့သို့ရောက်လာသူ ကိုသေချာကြည့်မိနေသည်။
"အန်တီ"
လက်ထဲတွင်လည်း နှင်းဆီပန်းစည်းလေးသာ ပါသည့် ရွယ်လင်းမောင်။ ရွယ့်ကို တွေ့လိုက်သည်နှင့် တစ်ပြိုင်နက် တောက်ပသွားသည့် မျက်ဝန်းများကို ဦးခန့်ညား သတိထားမိသည်။
"ဦးခန့်ညားအောင်" ဟု ခေါ်ရင်း အခန်းတံခါးအား ညွန့်ပြတော့သည်။
"ဘာများလဲ ချယ် "
"ထွက်သွားပေးပါ "ဟု ပင်ပန်းနေသည့် မျက်ဝန်းများအား အဖော်ပြုကာ ပြောသည့်အတွက် ဦးခန့်ညားအောင်လည်း မတက်သာသည့် အဆုံး ထွက်သွားပေးရင်း အဝ တွင် ရပ်နေသည့် ရွယ့်ကို သေချာကြည့်မိရင်း ထွက်သွားတော့သည်။
"ပျို.." ဟု မဝံ့မရဲ လေး ခေါ်ရင်း လက်ထဲ ရှိ ကိုင်ထားသည့်နှင်းဆီပန်းစည်းအား ကျစ်ကျစ်ပါအောင် ဆုတ်ကိုင်ထားမိသည်။
"လာလေ မထိုင်တော့ဘူးလား " ဟု ပြောနေသူ ပျို့ မျက်ဝန်းများတွင်လည်း ချက်ချင်းဆိုသလို စိုစွတ်လာသည်။
ပုံမှန်တွေ့နေကြခံစားချက်နှင့်မတူ တစ်မျိုးလေး နွေးထွေးနေရသည်မှာတော့ အမှန်ပင်။
"ပန်းတွေက လန်းနေတုန်းပဲ " ဟု ရွယ်လည်း ပြောရင်း ဘေးရှိ တင်ထားသည့် ပန်းအိုးကို ယူကာ အခန်းဒေါင့်ရှိ ဘေစင်နားသို့ ယူသွားရန် အပြင်။
"မောင်.."
ဟုတိုးတိုးလေး ခေါ်လိုက်သည့် အားပျော့ပျော့အသံကြောင့် ရွယ့်ခြေလှမ်းများ ရပ်တန့်ကုန်ပြီး မျက်လုံးများအား စုံမှိတ်ချလိုက်ရင်း အပေါ်နှုတ်ခမ်းအား ကိုက်ကာ အားကိုခဲလိုက်တော့သည်။
"ဒီနား လာပါဦး" ဟု ဆိုသည့် အသံမှာ ရွယ့်အတွက် မျက်ရည်ပင်လယ်ဝေစေသည်မှာ အမှန်။သို့သော်လည်း အားကိုတင်းရင်း ပျို့ ဘေးရှိ ခုံလေးတွင် ထိုင်လိုက်ချိန် အားနည်းနေသည့် မျက်ဝန်းများနှင့် ရွယ့်ကို သေချာစူးစိုက်ကြည့်နေမိသည်။
"ပိန်သွားသလိုပဲ" ဟု ပြောသည့် ပျို့ကြောင့် ရွယ် မျက်ရည်များထိန်းမရပေ။
