Tears of I Love You (Serendipity series #2)

38

"Sasabayan na kita umuwi." I told him.

Kitang-kita ko kung paano lumiwanag ang mga mata niya sa sinabi ko. He looks so happy.

"Totoo 'yan?" Napatigil siya sa paglalakad kaya tumigil din ako. Tumango ako kaya mas lumalim ang ngiti niya.

Hinatak niya ako papalapit sa kaniya at niyakap ako. Hinaplos niya ang buhok ko kasabay nang pagyakap ko pabalik sa kaniya. Kakalabas lang namin ng ferris wheel tapos nagyayakapan na kami ngayon. Sobrang PDA na namin.

"Thank you." He planted a kiss on my forehead.

We decided to walk until we reached the stop bus area. Hindi na kami magta-taxi o magbu-book ng car dahil sabi niya gusto niya maranasan mag-commute rito. Pumayag naman ako kasi gusto ko naman siya makasama sa ganitong klase ng date. At tsaka, para siyang batang tuwang-tuwa sa mga nakikita. It was so unlike him. Hindi ko inakala na may ganito siyang side. 'Yung side na bihira lang ang makakakita. It was like he's a teenager again who wanted to explore.

"What's that? Totoo ba 'yon?" tanong niya kaya napatingin ako sa tinutukoy niya.

"Henna tattoo lang 'yan. Not a permanent tattoo." Tumango-tango siya sa sinabi ko. Napakunot naman ang noo ko.

"Hindi mo ba alam ang Henna?" Hindi-makapaniwala kong tanong.

"Alam ko. I just didn't know that it's usually on the streets." Inosenteng sagot niya. Si Gio ba talaga 'tong kasama ko?

"Don't look at me like I'm a different person." Sinamaan niya ako ng tingin na parang bata. "Hindi ko naman na-experience ang mga ganiyan noon kaya wala akong pakialam." Sabi niya at nagpatuloy na sa paglalakad, hawak pa rin ako.

Tahimik kaming naglalakad lang at tumitingin-tingin sa mga nadadaanan. Maraming nagbebenta ng kung anu-ano rito at mga naghe-henna kaya napapansin ni Gio.

Napaisip ako bigla tungkol sa sinabi niya. Hindi niya na-experience noon? Ibig sabihin, he haven't tried doing the things like magpa-henna? O kaya bumili ng kung anu-ano bilang bata? Kung magkaibigan sila ni Cedric noon, bakit hindi niya na-experience ang ganito? Naalala ko lang ang kwento ni Cedric na mahilig siya mag-explore noon. Kung anu-ano ang mga pinapalagay niya sa katawan niya.

"I can't put those things on my body." Biglang sabi niya, tinutukoy ang pagpapa-tattoo. "Ayaw ng magulang ko noon sa ganiyan."

"Pero gusto mo?" Napatingin siya sa akin dahil sa sinabi ko. Tipid siyang ngumiti at dahan-dahang tumango. He was still holding my hand while the other was inside his pocket.

"You know when I was just a kid, I used to like those things. 'Yung mga bagay na parang ang cool kapag may ganoon ka." Natawa siya sa sinabi niya kaya natawa rin ako. "Gustong-gusto ko magpa-tattoo ng kung anu-ano. Gusto ko rin magpahaba ng buhok dati. Gusto kong mag-collect ng mga albums ng mga favorite kong banda noon. Gusto kong umakyat ng matataas na puno noon."

Nakatitig lang ako sa kaniya habang nagkukuwento siya. Patuloy pa rin kaming naglalakad ng dahan-dahan.

"Kaya lang hindi pwede. Magagalit ang mga magulang ko kapag nagkasugat ako. Ayaw nila nang makalat ang kwarto ko kaya hindi ako makabili ng mga bagay na gusto kong i-display. They don't want to put anything on my body because it looks dirty. Marumi para sa kanila ang ganoon." Napailing siya na para bang hindi niya gusto ang nangyari noong bata siya. "They're nice but sometimes, I feel like my childhood could have been better if they let me explore."

Hindi siya mukhang nasasaktan pero kitang-kita ang lungkot sa mga mata niya.

"I needed to be there for Gwen too. My parents were not always there, right? So, I had to grow up. I had to be mature so that Gwen could lean on me. I had to leave my childish mind and be a man enough for the first woman I cared so much."