كرونيك: مهمتي_دمرت_حياتي

17

✍مهمتي دمرت حياتي ✍

الجزء 17:
في مكان عالي وسط غابة اخرها جبل، واقف بجسمو الرياضي لابس اسود على غير عادتو حواجبو معقودين يخزر مع الكونتونار لي معبي احدث انواع الاسلحة ومجموعة من الشبان ذوي اللحي لابسين لباس اسود (عباية مش طويلة بزاف تحتها سروال نصف ساق فوقهم فاست) منظرهم يوحي الى انهم من جماعة ارهابية. كانو ينزلو فالاسلحة ويحطو فيهم في رزم مركبينهم على ظهر الحمير (حاشاكم) بش يسهل نقلهم في الجبل.
في الجهة الاخرى من الغابة وقف فؤاد بسيارتو ونزل لقا رجالو وحدهم متوزعين على المكان حاملين سلاحهم، تلفت شاف يمين وشمال عين المنطقة مليح من بعد تقدم بخطوات ثابتة ناحية المسؤول على الرجال وقف مقابلو وعلى وجهو خيبة امل كبيييرة تكلم بنبرة توحي على كمية الغضب لي داخلو : كيما المرة لي فاتت نفس الفخ، تبليغ بمكان غالط لتمويهنا، صح!!
جاوبو المسؤول بالايجاب محرك راسو للفوق وتحت بمعنى هيه
هز يدو فؤاد وعطاه لكمة لوجهو وتكلم بصراخ : حيواااان قتلك تاكد الاول من المصدر، تاكد من صحة الخبر، قتلك مبغيناش يصيرلنا كيما المرة لي فاتت عارف بلي رانا ضيعنا وقتنا وفلوسنا وسلعتنا فالوقت لي هوما راهم ينفذو فالعملية تاعهم بأرياحية وينقلو فالسلعة لي سارقينها منا ، ذرك نتا عبد نتا!! علاش مزلت مخدمك معايا مفهمتش
المسؤول : س.. سيدي والله درت كل جهدي بش نعرف المصدر لكني مقدرتش عملائنا الهاكرز حاولو يعرفو الموقع او حتى الرقم لي ترسلت منو الرسالة مقدروش، ماقدرو يعرفو غير انها ترسلت من هاتف نقال ذو طراز قديم مخصص للاشخاص لي يخدمو في مناطق مافيهاش تغطية يعني تقدر تتصل منو لكن ماتستقبل حتى مكالمة وهاذا النوع من الاجهزة يستعملوه المنظمات الارهابية او جماعات المافيا بش واحد ما يقدر يحدد موقعهم وهو ممنوع دوليا من الاستيراد والتصدير.
فؤاد: اوووه شكرا بزاف على المعلومات القيمة 👏👏برافو لا والله تعبتو رواحكم كي عرفتو هاذ الشي. تفووو
دار ماشي وخلاهم واقفين حانيين راسهم بخيبة امل ديمارا سيارتو وراح ماكسيليري بسرعة مخلي الغبار من وراه ويحكي وحدو : ااااه يا كلب قدرت تلعب عليا وتعض اليد لي تمدتلك بش تنتقم من الناس لي دمرولك حياتك وبعدما شفت روحك تمكنت درت عليا يا حقير، اووووف الا ما نلقاك ( خبط الفولون وكمل طريقو قاصد واحد من المواقع القديمة لي كانو يتجمعو فيه من قبل عله يلقاه ثما).

عند تسنيم كانت واقفة بعيد وتتفرج مش فاهمة ولا شي من لي شافت هي ماسمعت والو لانها كانت بعيدة والمشهد لي شافتو قبل دقائق ماقدرت تفسر منو ولا شي غير انو فؤاد غير راضي على شي حاجة. الشي الوحيد لي قدرت تعملو هي تهز موبيلها وتصور بعض اللقطات لي ارسلتهم في الفور لباباها بعدها محاتهم من موبيلها بش ما يطيحو في يد اي واحد من اصحاب الفيلا. مشات ركبت فالطاكسي وامراتو يتبع فؤاد للمرة الثانية والف سؤال وسؤال في راسها مش لاقيتلهم جواب.
بعدما وصل فؤاد لمستودع قديم وفي مكان شبه مهجور، هز سلاحو وتقدم بخطوات حذرة دخل للداخل وتم ماشي حتى حس بحركة خفيفة وراه، تلفت ما لقى شي، عاود رجع كمل يمشي لكنو توقف فور ما حس بسلاح تحط على راسو.

🐹توقعاتكم للجاي تشجيعكم وتفاعلكم يحفزني 🐹

#بونوي😘