كرونيك: مهمتي_دمرت_حياتي

40

✍مهمتي دمرت حياتي ✍

الجزء 40:
قرب عندها وتكلم. فارس: ميرنا ت.. توحشتك
في لحظة دمعو عينيها ونسات كل لي صار، تلاحت في حضنو تشهق وتقول. ميرنا: انا اكثر، انا اكثر هئ هئ
علاش؟ علاش خليتني وانا محتاجتك، خليتني ونتا اكثر واحد تعرف بلي معندي حد من غيرك؟ علاش عذبتني مرتين، ذرك نعاني من بعدك على مرتين، اول مرة كي اوهمتنا بلي توفيت و هاذ المرة لي مصيرك باين بلي حياتك كلها رح تعڨبها في الحبس. هى هئ
فارس وهو معنقها: ششششش لي صار كان كاتبلو يصير ونتي وحدة قوية ميرنا حاجة ماتغلبك وما نخافش عليك، صدقيني مش محتاجتني، وزيد مكيش وحدك خليل راهو معاك ومش رح يخليك، راكي اغلى من روحو.
رجعت ميرنا خطوتين وتقابلت معاه حواجبها معقودين، ميرنا: مهوش معايا، حتى هو خبى عليا كل شي من الاول يعرف حقيقتي وكمل فالتمثيلية.
فارس: شوفي ميرنا، يمكن تشوفيها حاجة غريبة انو اخ يهدر مع ختو هك ههههه بصح شوفي نقلك الصراحة واعرفي بلي راني باغي غير مصلحتك. خليل من قبل سنين وهو يحبك فالاول كان مخبي بصح مؤخرا قالهالي، وهو كي تزوج كان مرغوم من جداتو، وطلاقو كان بسبب حبو ليك، وهو خبى عليك بأنو يعرفك بش يحميك، صدقيني خليل سيد الرجال وانا رح نكون مطمن عليك معاه. اعطيه فرصة وعيشو حياتكم ،في الدنيا هاذي كل واحد يعيش لي مكتبلو ويتحمل نتيجة قراراتو، وخليل مش صغير ولا طايش، عقلو يوزن بلاد ومش رح يخصك شي ونتي معاه.
ميرنا: منكذبش عليك فارس رغم كلشي بصح مش قادرة نبعد عليه وحاساتو هو الوحيد لي رح يخفف عليا بصح رغم هذا انا مترددة بزاف.
المهم بعدما انتهت الزيارة وصاها فارس على امها وخبرها انو لما زاراتو الصباح حالتها كانت ماتسرش ، خرجت ميرنا من المركز وهي ملخبطة ومش عارفة اي طريق تتاخذ حتى تحس بيد جرتها، كان خليل واقف وكلو خوف عليها.
خليل بعدما تفحص ملامحها ووجها قال: كنت خايف عليك بزاف من البارح وبالي مشطون حتى اني جيت نسوق بسرعة خيالية بغيت غير نوصل بش نحكي مع فارس ونعرف مكانك، والحمدلله لقيتك هنا.
بعدت منو ميرنا وقالت: انا بخير، مادام بعد كل هالصدمات ومزلت واقفة على رجليا.
ونتا مادامك جيت تشوف فارس ادخل شوفو وانا نروح نزور ماما حالتها مش لباس بعدما عرفت. بعدها كلمني بش نرجع معاك للفيلا ونطلب السماح من جدة و طاطا صونيا وسيدرة لأني كنت نكذب عليهم.
راحت لدار امها لقاتها معصبة راسها وتبكي كانت حالتها تشفي العدو، بقات معاها طول اليوم حتى للمساء عيطلها خليل بعثتلو لادراس. جاء سلم على امها وانطلقوا في اتجاه مدينتو.
ميرنا غلبها النعاس رقدت حبس السيارة على جنب عدلها الكرسي غطاها، ورجع لبلاصتو كمل السياقة. وهو كل مرة يتلفت يشوف معاها.
#يتبع😊