كرونيك: مهمتي_دمرت_حياتي

25

✍مهمتي دمرت حياتي✍

الجزء 25:
في ديبو قديم ومظلم يتسمع غير صوت جلدات يتبعها صراخ يهز طبلة الاذن. واقف راجل ضخم البنية هاز سوط وينهج مقابلو راجل معلق و مضروب من كل الجهات.
تقدم بخطوات واثقة وقف مقابل الشخص المضروب هزلو راسو قابل وجهو معاه وتكلم.
فؤاد: مازال مش ناوي تهدر؟؟ مازالك مصر تتحمل هاذ العذاب بالمقابل لي راك متستر عليه وتحاول ماتخونوش، لو كان غير يسمع بيك جبناك هنا حتى لو ماعترفتش، صدقني يقتلك بدون ما يرفلو جفن. على العموم نخليك للشباب يتهلاو فيك.
مشا خارج من الديبو وصوت صراخ الراجل يتردد.

في غرفة من لاجونص.
قاعد فوق كرسي مقابل الصور والبوستارات لي فالحيط وغايس يتفرج فيهم . قاطع حبل افكارو وصول رسالة في وموبيلو، فور ما فتحها تنطر من فوق الكرسي واعصابو تشنجت، غلق موبيلو وبقا رايح جاي فالغرفة يمسح على راسو بعصبية ويتنفس بجهد. هز مفاتحو وخرج من الغرفة غلقها وغادر متاجه للفيلا.
فور ما وصل طلع لغرفتو معصب للاخر، شافاتو سيدرة وطلعت وراه. دخل لغرفتو مكشكش هز يدو وضرب بيها لمراية حتى تشخشخت دخلت سيدرة تفزعت راحت تجري جابت منديل معقم وقعداتو تعقملو في يدو (سيدرة اقرب شخص لخليل يتعصب من الكل الا هي حتى في قمة غضبو هي الوحيدة لي ممكن يحكيلها وتنحي عليه)
سيدرة: حبيبي وش بيك؟ وش لي مقلقك؟
خليل: ااوووف.
جبد موبيلو فتحو ومدهولها تشوف فالصور وحدة وراء وحدة.
سيدرة: صراحة مالقيت مانقول، بصح نظن كاين سوء تفاهم فالموضوع برك، يعني تسنيم قريبة ليا ومانظنش كاينة بيناتهم حاجة وماتقليش وزيد شوف مليح مع الصور قاعدين ياكلو ويحكيو مش حاجة لي تخليك تفهم بالغلط.
خليل: نفهم بالغلط!؟ تتمسخري بيا! وهاذ الوضعية هنا قراب بزاف لدرجة يبانو رح يتعانقو، ثاني غلط؟؟ الطفلة ماعندهاش بزاف منين جات للمدينة وقتاه لحقت تعمل علاقات وطيدة لهاذ الدرجة.
سيدرة: اصبر ماتقلقش روحك وما تتسرعش فالحكم وتظلم الطفلة، انا رح نحكي معاها ونخليها تشرحلي.
خليل: وش تقليلها؟ شفت صور عند خليل؟
سيدرة: لا نقلها كنت فايتة جنب المطعم وشفتكم. بصح حاليا الوقت تأخر تكون رقدت خاطرها ترقد بكري، غدوة نشالله نحكي معاها، وذرك تصبح على خير ماتقلقش روحك.
عقمتلو الجرح ضمدتهولو باساتو وخرجت من غرفتو متوجهة لغرفتها.

#يتبع😊