كرونيك: مهمتي_دمرت_حياتي

29

✍مهمتي دمرت حياتي ✍

الجزء 29:
وصل للغرفة دفع الباب ودخل لقا سيدرة طايحة بالارض وصونيا هازتلها راسها وتعيط لخليل بخوف، تقدم خليل ناحيتها بسرعة: وش بيها؟
صونيا: ازمة اخرى اولدي ازرب خلينا نهزوها للكلينيك.
خرج خليل هازها يجري بيها فالدروج، تلاقاتو تسنيم طلبت تروح معاهم لكن صونيا منعتها قاتلها ابقاي مع زهرة اما خليل كان خرج وركبها فالطوموبيل تبعاتو صونيا وتاجهو لأقرب كلينيك.
زهرة : اوووف يا ربي حاسة ركابيا فشلو، ياربي تشفيها من هالمرض طفلة كي النوارة كل مرة وهي تعاني.
قعدت بحذاها تسنيم: وش بيها جدة وشمن مرض عندها؟
زهرة: سيدرة من لي تولدت عندها مرض الصرع ومرة على مرة يجيوها ازمات هكا وطيح.
تسنيم: مسكينة ربي يشافيها.
زهرة: امين يارب. المهم بنتي حاسة روحي فشلانة خليني نطلع نتسطح حتى يجيو ونطمنو عليها.
تسنيم: تحبي نطلع معاك جدة؟؟
زهرة: لا بنتي خليك بلا منتعبك نقدر نطلع وحدي.
طلعت زهرة وبقات تسنيم في الصالون، فجأة حولت نظرها لبيرو فؤاد وتسائلت: منعرف وين راهو غاطس اكيد كاين تحت راسو شي مصيبة.
ناضت تمشي بالشوي تتختل وتتفحص بعينيها لا يكون شي حد فالأرجاء وتتكشف. وصلت للباب حطت اذنها وبقات تتنصت، في هاذ الوقت فؤاد كان يخطط كفاه يوصل لمكان العملية قبل بوقت ويتهجم عليهم بش يلفت انتباه لي فالمعسكر وهكذا رح تفشل الخطة تع عدوو وهو ينسحب مع رجالو ويخليوها تلحم بيناتهم بدون ما يتضرر. بعدما وضع المخطط في بالو اتصل بواحد من رجالو المكلفين بالمواقع تع الاسلحة لي يستوردهم.
فؤاد: الو، اسمع لازمك تخبر الرجال يحضرو رواحهم ونتا تكلف بالاسلحة بغيتك تسلحهم بأحدث ما عندنا في الديبو وكثر من القنابل المسيلة للدموع، غدوة على الساعة العشرة تع الليل،توجهو لمكان يكون قريب من •••••••• ويكون مش مكشوف تخباو وما ديرو حتى شي حتى تتلقاو اشارة مني، مفهوم!!
الرجل : مفهوم سيدي.
قطع معاه وهو مرتاح نسبيا لانو كل شي تحت سيطرتو
فؤاد: نشوفوك اذا ما تصرفتش قبل ما توصل غدوة لعشية رح نفذ لي وعدت بيه، رغم انو في كل الحالات راني منفذ لي لازمني نفذو ههههههههه
هاذ الحديث كلو فات على مسامع تسنيم، لي زربت هربت تجري تخبات وراء البيانو لي فالناحية الثانية من الصالون بعدما سمعت خطوات فؤاد متاجهين جهة الباب.
بعدما غادر فؤاد الصالون، طلعت هي بسرعة خبرت باباها بكل شي سمعاتو، وهو بدورو خبر سي ابراهيم لي امر انهم يبداو التحضيرات ويخبرو المسؤولين عن المعسكر بالخطة بش يتاخذو حذرهم وما يوقعوش فالفخ.

في الكلينيك، خليل بالو مشطون، من ناحية على سيدرة اختو ومرضها، ومن ناحية أخرى على تسنيم لي كل عشر دقائق يعيطلها يسقسي عليها ويطلب منها تتاكد من غلق النوافذ والبالكون والباب تع غرفتها. وهي مش فاهمة وش بيه وعلاه راهو يأكد ويعاود.
#يتبع😊