كرونيك: مهمتي_دمرت_حياتي

23

✍مهمتي دمرت حياتي ✍

الجزء 23:
تسنيم : الو باسم لباس؟
باسم: الحمدلله ونتي؟
تسنيم : بخير، المهم باسم خويا بغيتك برك لاخر مرة، تعطيني التاريخ تع الكونترا الخاصة بالاسلحة، بغيت نعرف وكتاه تعقدت و وكتاه تم البيع والشراء.
باسم :اصبري دقيقة.
اه العقد تم بتاريخ•••••••
تسنيم: اممممم يعني في الفترة لي كانت فيها كارمن في روسيا مع امها. اوك باسم خويا شكرا
قطعت مع باسم وبعثت مساج لباباها خبراتو بكل المستجدات في هاذ اليومين.
في الليل بعدما تعشاو، كل واحد راح يكمل شغالو، لي يقرا ولي يطالع ولي يتفرج.
عند ابطالنا😍
وقف خليل: هيا يا لالة خلينا نديرو فيها شوط تع billiard
تسنيم: يااااه billiard احلف، هههه واو كنت نلعبها انا و..(هبطت راسها ونطقتها بحزن) فارس 😔
خليل(غاضاتو) : هيا اسيدي نلعبوها وانا متاكد بلي نربحك.
تسنيم خرجتلو لسانها : ذرك نشوفو.
بداو اللعب وكل مرة يربح واحد فيهم، حتى تكلمت تسنيم: بغيت نشرب حاجة، نروح ندير milkshake يخي تشرب نديرلك معايا؟
خليل: ممم راكي هاربة كيعاد انا لي ربحت هاذ المرة! هههههههه
تسنيم حطت يدها على خصرها : لا والله!! انا نهرب!!! غير بغيت نشرب حاجة حلوة بش نطلع la glycémie
ونرجع نوريك ربحتني (ومشات)
ضحك خليل ونادها : ميرنا انا جيبيلي قهوة.
بعدما كانت ضاحكة، وقفت جامدة في بلاصتها تستوعب اذا سمعت صح!!
دارت بالشوي: ااا وش قتلي؟؟ شكون م.. ميرنا!!
خليل(استوعب وش قال وضحك) : اه ههه غير غلطت كان عندي كانيش انثى اسمها "ميرنا" وتعودت عليها يعني هاذ الاسم ديما نغلط ونعيط بيه لسيدرة ولا اي وحدة.
تسنيم تبسمت شبه ابتسامة : اه هه اوك.
ومشات للكوزينة وقلبها يضرب بجهد للحظة حست انو كاشفها.

💫قاعدين في الطابق الثاني من مقهى بعيد على الغاشي،
خليل: صاحبي نقلك الصح الشي لي راك دير فيه تعرف من الاول بلي منيش موافق عليه ورغم هذا جاريتك لحد الآن، بصح نظن هذا يكفي تعرف بلي اختك راهي تلعب بالنار، المرة لي فاتت روحت حالتها حالة بعد اختفاء نهار كامل، والمرة الجاية منعرف وش يصرا، انهي هاذ الشي في اسرع وقت راك رح تضر حتى الناس لي معندهم ذنب.
الشخص: معندهم ذنب؟ تتمسخر نتا؟ راك اكثر واحد عارف حالتي كفاه كانت تقول في حبس كلش ممنوع وزيد مستقبلي ضيعوه وتقلي معندهم ذنب! (ضحك بسخرية) ماتتمسخرش بينا صاحبي يرحم والديك
خليل: هيا قولي مالا العسكر لي يباتو يحرسو وتجي جماعتك لي راك تمول فيها، بكل قلب بارد تفجرهم يصبحو موتى، لي مخلي وراه ام تبكي، لي مخلي ولاد يتامى، لي مخلي ارملة، هاذو كامل وتقلي وش ذنبهم؟؟ يا سيدي خلينا من هاذ الشي نحكيو على هذيك لي دخلت لهاذا المستنقع بسببك نتا، تحرمت حتى هي من مستقبلها وحياتها وش ذنبها؟
الشخص: اسمعني خليل، زوج كلمات نقولهملك اذا صح تعتبر روحك صاحبي وكي خويا متعاودليش هاذ الكلام مرة اخرى، وبالنسبة لهاذي لي تحكي عليها اذا نتا مش قد المسؤولية انا نتكلف.
خليل: هاذي هدرة ذرك؟!! قاعد تستفز فيا!! نقلك حاجة ربي يسهلك بصح ادعي ربك هي ما تتآذاش بسببك والا حسابك وقتها رح يولي معايا (وقف هز موبيلو ومفاتحو جا ماشي)
ربت الشخص على كتفو مبتاسم: هذا هو الشي لي مخليني نوثق فيك، تحطها في عينيك وتحميها ممكن حتى خير مني انا.
شاف معاه خليل مدة من بعد اشارلو براسو بمعنى هيه : اتهلى في روحك. (ومشا مغادر)

🐹توقعاتكم وتشجيعكم🐹

#بونوي😘