كرونيك: مهمتي_دمرت_حياتي

28

✍مهمتي دمرت حياتي ✍

الجزء 28:
فالليل كان قاعد في بيروه ويخدم على بعض الاوراق، حتى رن موبيلو، هزو لقاه واحد من رجالو : الو سيدي
فؤاد: كاش جديد؟؟؟
الراجل: سيدي الرجل لي عندنا عتارف وقال بلي غدوة بالليل رح تتم المداهمة واغتيال العساكر وانو هاذ العملية رح تكون اكبر وحدة واهمهم لانو هاذ المنطقة هي اكبر منطقة ممولة من قبل المسؤولين ودمارها رح يخسرهم ملايير لانها مجهزة مليح.
فؤاد: امممممم مليح بزاف، و وين الموقع!؟ وفي اي ساعة يالضبط
الرجل: في •••••••• على الساعة الواحدة بعد منتصف الليل.
فؤاد: très bien هذا خبر مليح، وهذاك لي عندك خليه حتى لغدوة بعد العملية ونتأكدو بلي مش يكذب بعدها افرحلي بيه وابعثو وين يخلد.
قطع فؤاد وهو مبتاسم ابتسامة شريرة على فمو، صار وقت نردلك ضربتك يا خاين بش تتعلم تلعب على اسيادك. بصح قبل رح نكون خير منك و نعطيك اخر فرصة ليك.
كتب رقم وبقا يستنا فيه يرد، بعدما رن مرتين جاوب.
الشخص: اوووووو شكون راه يتاصل هههههه ظاهرة كلامي اخر مرة ليك ماكانش واضح ومزالك متوحشني.
فؤاد: هههههههههه، اكيد متوحشك ومتوحشك بزااااف، على هاذي رح نقلك كلامي ونتمنى تاخذو بعين الاعتبار.
نظن انو مش خافي عليك انو عندك امانة عندي ،و من اول ماوصلت وانا مخليها بعيدة بحكم مانظلمش الأبرياء انا تعرف قلبي حنين، بصح صدقني بعد الشي لي وصلت درتو معايا خلاني نعاود النظر في حنية قلبي، عندك مهلة منا لغدوة، يا تردلي السلعة لي دافع فيها بلاوي زرقة يا الأمانة تصبح عند مولاها.
قطع عليه وماخلاهش حتى يهدر.

خليل متكي يتفرج في فيلم، حتى يسمع موبيلو يصوني، هزو و رد : اهلا بيك عشيري
الشخص: الليلة تخرجها من الدار ما تباتش ثما، ولو تصيرلها حاجة نحرقكم كلكم.
خليل(عدل قعدتو وتكلم)؛: فهمني وش كاين؟ علاه! وش لي صار؟؟ الو الووو اوووووو..
كان الخط تقطع.
ناض بقا ماشي جاي فالغرفة متوتر، بعدها خرج متاجه لغرفة تسنيم فجأة تلفت بسرعة يجري باتجاه غرفة سيدرة بعدما سمع صوت عياط باسمو.
#يتبع😊