كرونيك: مهمتي_دمرت_حياتي

32

✍مهمتي دمرت حياتي ✍

الجزء 32:
بقات جالسة ساعات فالحديقة وتسترجع في الاحداث من يوم لي رجعت للجزائر حتى لليوم، تمنات لو انها مارجعتش اكيد ماكانش رح يصير كل هاذ الشي.
راحت لمحل صغير للفاست فود، تغدات وبقات قاعدة حتى تعاشات لعشية.
بعد تفكير اتخذت قرار انها مادام كملت مهمتها وخبرت باباها بالشي لي رح يديرو فؤاد،يعني مابقاش عندها دور حاليا والكرة في ملعب باباها وجدها، هي حاليا معندهاش دخل خاطر المعلومات لي كان لازم تجيبهم جابتهم وخلاص وقررت في اقرب فرصة رح تصارح اهل الفيلا بكل شي. ناضت راجعة للفيلا. فور ما وصلت دخلت لغرفتها مخرجتش، وقت العشاء تعشات معاهم من دون اي كلمة وطلعت لغرفتها.
لما رجع خليل من لاجونص طلع لغرفتها، هي مع حست بيه عملت روحها راقدة، دخل بقا يشوف معاها بعدين غطاها وخرج.

رن موبيلو، تنهد ورد عليه بدون ما يتكلم.
فؤاد: شايفك لحد الساعة مادرت حتى شي من لي قلتهولك. على كل تعرفني مانلعبش مع الابرياء معناها نتا لي رح تخلص.
قطع عليه وعيط لرجالو تأكد من تجهزيهم هز حوايجو وخرج.

الساعة00:30
جماعة المعسكر طافيين النار والاضواء ويمثلو بأنو كل شي عادي وانهم رح يرقدو ، مقابلهم من الجهة الغربية الجماعة الارهابية تستنا فالوقت المحدد، وهاذ المرة على غير المرات لي فاتو كان الشخص لي مخلصهم وجايبلهم السلاح لتنفيذ هاذ العملية متواجد معاهم راكب في سيارتو ومراقب الوضع. خلفهم كانت جماعة فؤاد يستنو في اشارة منو بش يتهجمو على الجماعة الارهابية بعدين ينساحبو ويخليوها تلحم بينهم وبين العساكر لي فالمعسكر وهكذا مش رح تتنفذ الخطة كيما مخططلها يعني بالمختصر سياسة فؤاد معتمدة على سياسة Vikings(hit and run)
اما رجال سي ابراهيم واحمد كانو منتشرين محاوطين كل الجهات فالمنطقة يعني رجال فؤاد والجماعة الارهابية محاطين وماعندهمش اي مفر.
وصلت 00:45امر فؤاد رجالو يتحركو وبداو يطلقو فالرصاص والقنابل المسيلة للدموع الشي لي خلا الجماعة الارهابية والشخص لي يمول فيهم يدهشو ويرتابكو، في هاذ الوقت العساكر لي فالمعسكر تقلبو على الجماعة الارهابية ورجال سي ابراهيم حاوطوهم وبداو في اطلاق النار.
احمد لرجالو: مالازم حتى واحد يهرب منكم حتى لو اضطرررتو تقتلوهم ماعدا فؤاد مابغيتوش يموت بغيتو حي، حسابو وحدو.
المهم ولعت بيناتهم كل جهة تطلق فالنار ويحاولو يخرجو بأقل خسائر، فؤاد مافهمش وش راه يصير حاول يهرب لكنو في اخر لحظة حكموه. الشخص لي فالسيارة خرجوه منها وربطوه قبل ما يستوعب لي قاعد يصير، انتهت المعركة بانتصار العساكر طبعا لانهم كانو يعرفو بكل الخطة ومجهزين احسن من اي جماعة.
#آرائكم_وجاماتكم😁
#بونوي😘😘