كرونيك: مهمتي_دمرت_حياتي

12

✍مهمتي دمرت حياتي ✍

بارت 12:
شغل كوكو اغنية "لاركب الحنطور " وتلفت أعطى لخليل ربطة كيما لي عندو هو، حكمها خليل وبقا يقلب فيها مافهم ساسها من راسها، ضحكت عليه تسنيم وقربت نحاتهالو من يدو وقربت عندو تخزرلو في عينيه بتحدي وهو ذايب في نظرة عيونها، ربطتهالو على خصرو وبعدت. تقدم كوكو لوسط الصالة وجر خليل معاه وبدا ينعتلو كفاش يحرك خصرو.
كوكو: حرك خصرك يمين مرة ويسار مرة، هيا معايا هيا متوقفش هكاك، هيا جرب واحد.. اثنين.. واحد.. اثنين
شاف معاه خليل رفع يديه رح يبدا، لكن تراجع في اخر لحظة، رجولتو مسمحتلوش واقف في وسط مجموعة من النساء رابط خصرو و واقف مقابل واحد مخنث يتمايل بخصرو، كره روحو و خزر في تسنيم لي واقفة وميتة بالضحك عليه شاف معها مطولا ومنبعد نحا الربطة رماها فالارض تقدم ناحيتها جرها من يدها وخرج بيها مخلي كوكو وراه يعيط.
خرجو برا طلق منها و وقف يتنفس بعصبية لعبتلو على اعصابو مابغاش يدور عندها لا يعشي ضاربها، حاول يتماسك اعصابو من بعد دار عندها لقاها واقفة مجمعة يديها وتلعب بصباعها ودور في عينيها وتخزر معاه من تحت شفارها، ضحكو منظرها رغم قبل لحظات كان ثور هايج رح يخلطها هي و كوكو تاعها لكن بمجرد ما شافها هكاك كي القطة ذكراتو في ماشا والدب،( كوميك، بنت صاحبو تموت عليه وهو منين يروح عندهم للدار تخرج بنت صاحبو في عمرها عامين دخلو وتقلو متخرجش حتى تتفرج معايا ماشا والدب) نفس خدايم ماشا دير زبايل ومنبعد تجبد روحها وكأنها مش هي، بريئة.
ضحك عليها وعنكشلها شعرها :امشي قدامي ا ماشا امشي رح تهبليني.
شدو طاكسي و رجعو للبارك لسيارة خليل لانها بقات ثما. ركبو ورجعو للفيلا طريق كلها وهوما منين يتفكرو لي صار يضحكو، وصلو هبطوا من السيارة يضحكو ،مع الدخلة يسمعوا في صوت الهدرة والضحك، وقفوا مدة وشافو مع بعض و تموا داخلين للصالة نحو مصدر الصوت.

#يتبع😊