كرونيك: مهمتي_دمرت_حياتي

10

✍مهمتي دمرت حياتي ✍

البارت 10
كانو قاعدين يتمنظرو فالطبيعة وقفت عليهم بنت شقراء وبدات تتزعبل على خليل.
البنت: سلام 😊
خليل: وعليكم السلام.
البنت: ممكن تعاوني وتنزلي طائرة ورقية تع ختي علقت فالشجرة 😊
خليل: وي مرحبا ختي ماشي مشكل.
ناض خليل وهي مشات معاه تمشي وتتحلون وتسنيم بقات وراهم تتقلى بالقلقة، وتشوف معاهم.
خليل تسلق الشجرة ورمالها الطائرة للارض بعدها نزل وهي قدمت باستو من خدو وقاتلو بتحلوين: شكرا😊
دهش خليل من حركتها المفاجأة والجريئة حك راسو وقال: العفو. ومشا راجع لتسنيم، هاذ الاخيرة لي بقات مصدومة من حركة البنت لي عتابرتها وقاحة وفي نفس الوقت نار شاعلة في صدرها معرفتش علاه وكي شافتو هكاك مع البنت تنارفات وحست روحها مقبوضة عليها.
رجع خليل قعد بجنبها وهي مزالة مقلقة وقالبة وجها للجهة الاخرى، استغرب من تصرفها وحاول يبدل الموضوع ويكسر الصمت لي بينهم. خليل: (وقف) هيا نوضي نلعبو لعبة والخاسر العشاء الليلة من تحت يديه 😁. خزرت معاه تسنيم وقالت :مش رح نلعب معاك مرة اخرى و.. (سكتت فجأة من بعدما خطرتلها فكرة، تبسمت بشر) ولا نقلك اوك بصح مادام انا لي ربحت فالتحدي تع القارب وركبت، معناها انا لي نقرر وش نلعبو هاذ المرة 😈.
خليل:ههههههههه اووووك يا لالة لي تبغيها راني معاك فيها.
تسنيم:مليح، تبعني مالا وكلمة لا😌
حرك راسو خليل بلا حول ولا قوة الا بالله
خرجو من البارك، شدت طاكسي عطاتو العنوان وخليل غير متبعها طريق كلها منين يبغي يسقسيها وين رايحين تسكتو ومتخليهش يهدر، فهم هو بلي راهي تنتاقم منو خاطر ساعد هذيك البنت لي فالحديقة، تبسم وقال بينو وبين نفسو اكيد معجبهاش الحال و راهي تردلي فالصرف معناها حاسة بحاجة من جهتي.

واخيرا وصلو امام مبنى هز راسو خليل لقى مكتوب عليه فالاعلى "مدرسة كوكو لفنون الرقص الشرقي". قراها خليل عدة مرات ويحاول يستوعب الشي لي باغية ديرو وعلاه جاباتو هنا، هبط راسو وشاف فيها بتساؤل، متكلمتش جراتو من يدو ودخلاتو.

🐹توقعاتكم وش لي ناوية عليه تسنيم، رح نعرفوه في الحلقات الجاية، جام لكل جزء قريتوه وخليو آرائكم وتوقعاتكم 🐹

#بونوي😘