كرونيك: مهمتي_دمرت_حياتي

15

✍مهمتي دمرت حياتي ✍

الجزء 15:
دورت وجها لقات خليل واقف عند راسها ويخزر فيها، تبسمتلو ابتسامة بلهاء وقاتلو :كن.. كنت نحوس على مقص ب... بش نقص ل...
ماخلاهاش تكمل حكمها من مرفقها وجبدها ليه، تكلم وهو مبتسم : ظاهر ماجاكش نعاس وش رايك نخرجو للجردة 😉
تبسمت شبه ابتسامة وهي مستغربة من رد فعلو، يعني متوقعتش انو مارح يقلها والو ومايعلقش على وجودها في مكتب خالو.
خرجت معاه من البيرو وتوجهو للجردة، قعدو في الجليسة لي مقابلة البيسين مدة وهوما ساكتين، هي تخمم كفاه تفسر سكوتو على تواجدها فالبيرو وهو الله وحده اعلم في واش راه يخمم. كسر سكوتهم وسرحتهم صوت اقدام متقدمة ناحيتهم، تلفتو وراهم وهوما يلقاوها كارمن واقفة عند روسهم، تبسمت باستهزاء وقالت : ههه قاطعتكم!!
تنهدت تسنيم لانها كانت تحوس على حجة تخليها تطلع لغرفتها وتهرب من الصمت لي كان بيناتهم، ماصدقت جات كارمن، تنهدت وناضت : انا تعبت بغيت نرقد تصبحو على خير.
مشات طلعت لغرفتها، وكارمن قعدت في بلاصتها وقالت: علاه هوما ومش انا؟؟
ودارت تخزر في خليل شاف معاها باستفهام.
قاتلو :راك فاهمني بلا ما تستغبى، فالاول آلاء وبعدما قلت تهنيت منها جات تسنيم، في واش هوما خير مني؟؟ جاوبني علاه مش انا؟؟
خليل: كارمن اطلعي ترقدي (وناض)
كارمن (علات صوتها ووقفت ) : لا منرقدش ومدخلكش وقتاه نرقد ماتتصرفش فيا (تقدمت وقفت قريبة ليه) جاوبني لازمك تجاوبني.
خليل:اووف(مسح على راسو وشاف معاها لقا عينيها مغرغرين غاضاتو لانها عزيزة عليه. حط يدو على خدها ومسح عليه بحنية) كارمن وحدة ماهي احسن منك صدقيني الف واحد يتمناك لكن اكيد مش انا، نتي تستاهلي احسن مني.
باسها من خدها ومشا طالع لغرفتو، اما هي طاحت فالارض معنقة روحها وتبكي : هئ هئ وانا مبغيتش الالف هذو بغيتك نتا 😭

#يتبع😊