نوارس مقيدة

القيد السابع

#من اجمل الاقتباسات لقلبي..
اجمل ما قيل بين الأب وابنته .
لو لم أكن ابنتك لحسدت ابنتك عليك .♥️🥰

#نسرين_الأسدي
#نوارس_مقيدة

_

زمرد

كلنه نراقب بخوف وايدينه ع گلوبنه ومتانين محمد يحجي .. بس معالم وجهه لحتدت وعيونه لنفتحت بصدمة موتتنه بدمنه ..

محمد : شنهووو يامستشفى؟؟ انطيني العنواان رحمه لاهلكك خوشش خوشش

سده وكال بسرعه : سيف بالمستشفى طاكه عبوة عليهم ومايدرون شوضعهم هسه

الحجية لطمت على صدرها وشهڪت : سووده علي يمه سوييف

ام محمد : سوده عليي يايمه ياسسيف

ابو صادق : وشنهي كلولك للمستشفى وين وبيا مجان خنرووحح

محمد : بـ مستشفى الـ..... هاي تصير بنهاية بغداد ناڰليلها المصابين كلهم

ابو صادق : جا شمتاني خنرووح امشي

صادق : انه اروحن وياكم

محمد : البيت محد يضل بي بس النسوان مايصح

صادق : لا ماكدر اضلن يجي محمود لا تخاف امشي وياكم

محمد : امشو

ام محمد : يمه طمنه بروح ابوك

محمد : ان شاءلله ان شاءلله

راحو واحنه كعدنة وضلت الحجية وعمتي يبجن بخوف ويندعن الله يرجع سيف سالم غانم مابي شي ..

عذراء : رغم الصار وياي بسبب سيف بس كلش ضجت وخفت من سمعت منفجرة بيهم عبوه وهسه هوا ماينعرف حالة شنو .. معقولة يصيرله شي ؟ معقوله انه اتحرر منه ! ستغفرلله شنو هذا التفكير عذراء طاحضج اي والله .. ياربي رجعه سالم ومابي شي لخاطر امه والحجية واهله خطيه ميتين خوف عليه .. اي علمودهم انه شعلي بي ..

جريت حسره ومسحت دموعي وضليت اندعيله مابي شي...
_______

صادق :

تحركنة وانطلقنه للمستشفى واحنه گلبونه نار على سيف ونندعي مابي شي الدرب بعيد كلش .. نص الدرب نزل محمد امجد
وركب هوا ساق بس شني يمشي سريع وعاكد حواجبه بعصبية وكلساع رد خابر ع الرقم الخابرلنه ومايرد ومحمد يستغفر ويتافاف

خمس ساعات ضبط دخلنه لبغداد وتوجهنة للمستشفى .. ماكو محط رجل السياير الحكومية والعسكرية تارسه الشارع جدام المستشفى وداخلها ماينشاف كلها عسكررين وضباط وبالجيش

ركضنه للاستعلاامات ماكو كلها مخبوصه محد يجاوبنه .. كلها تتراكض منا ومنا وكلساع دخلو واحد جريح وكلساع كالو فلان مات واحنه گلوبنه نار على اخونه ماندري بي وين ..

محمد تخبل وصاح ب هذا ابو الاستعلامات : مووو جاااي احاجيككك جاوبنييي

: خويه المن لصياحح شايفني فاارررغلك ماتشووف الذنيا مخبوصه فوك راسي