نوارس مقيدة

القيد الأخير

عندما نتألم
نطرق كل أبواب النسيان فالبعض يبكي كي ينسي.... والبعض يضحك كي ينسي... والبعض ينام كي ينسي.... والبعض يصمت كي ينسي... وهناك من يفعل كل شي .!! ولاينسي ابداً

#نوارس_مقيدة
#نسرين_الأسدي

_______

عذراء

شديت حذاء نرجسة ورفعت راسي اباوع لآميرتي الحلوه هيه وبدتلها الحمره وشعرها الاسود الثخين الي حد رڰبتها .. الي مزينة طوك احمر .. وطالعه تخبل..

اشرت باصبعها على شفايفها وكالت : حمله ماما

اخذت قلم الحمره وخليتلها شوية .. ضلت تباوع لروحها بأعجاب..

كملت تلبيس ادم وراح يم نرجسة تطكله صور بتلفوني هههه برعه ماتكعد راحه..

دخلت للحمام وصحت عليها : يما نرجسة لا طلعتي على كيفج نزلي الدرج لا تطيحين

نرجسة : يما انا مو ذغيره لازم توثيني على ادومي

عذراء : عفيه بنيتي لا تنزلون شوي واطلع..

لبست فستاني الذهبي طويل وايديه تور حلو.. وطلعت لكيتهم على كعدتهم .. وكفت على ضليت ارتب بوجهي ودخل سيف ..

راحوله الجهال كعد على القنفة وضلو يشوفو لبسهم ههه ولا جنه هوا لمشتريلهم .. بس سايرهم وضل يوصف اعجابه بملابسهم وكشختهم..

سيف : تخبلون باباتي شحلاتكم ..

نرجسة : انا هلوه لان طالعتلك وادومي هلو لان على ماما

سيف : عفيه حبيبي هذا الصح..

باسته بخده وكالت : اعبك بابي

صعد ادم على القنفة يمه وباسه وكال : اعبك بابا

ضل يشاقيهم ويضحك وياهم ودك تلفونه رد وكال : شكو ولك....... يعني ناويها صدك.. كعدو بابا خل اسمع .. عيب جاي احجي وي عمو اسكتو.. اكلك حكمت ماجاي افتهم شي منك .. اوكف شوي..وارجع اخابرك.

سداه صحت عليهم : عيب يمه شبيكم

نرجسة : ادم حكير

ادم : تي حكيرا

سيف : ولكم ليش هيج تتعاركون شبيكم.. يلا باوعو للتلفون ثنينكم لا تتعاركون خووش؟

هزو روسهم ودخلت نرجسة على اليوتيوب وضلو يباوعوله..

كام وغمز كايل : ها بطه شطالعه شتعلو اهلج

حضني من وره : لتشتم اهلي شبيك

وخر شعري وخله خشمه بركبتي : يلا متنعاد.. احبج عذرائي..

ابتسمت : وانه اموت عليك سيفي..

دارني اله وحرك خشمه على خشمي : بع ياء التملك .. تريدني الها وبس

خليت ايدي على ركبته : اي وعندك اعتراض يحلو؟