حرامات التحبه يروح للغير
تصير انته بحياته فعل ماضي
مبني على الجرح منصوب بالدمعات
ويضل طول العمر وياك مو راضي🤍#نوارس_مقيده
#نسرين_الأسدي____
زُمرد.
رجعنة من الحفلة وكل وحده ضلت تحجي عله شي ..سوالف عادية بيناتنه.. دخل سيف وكال..
سيف : كاعدين شو؟
الحجية : ليش شعدنه غير طاحت ريلينه من الوكفه بالحفلة
سيف : كومن رتبن كلشي الليلة نريد نحضر لعيد ميلاد نرجسة .. انه وصيت عله كيكه وكلتله يرتبها ويسويها حلوه ..
ام محمد : جا يمه مو هوا ثنعش بالشهر؟
سيف : اي يما بس انه اريد اسوي كبل لا اروح الفجر اطلع ان شاءلله ..
ام محمد : ان شاءلله يمه .. يلا احنه نحضر كلشي لسويعه..
طشينه كل وحده تسويلها شي انه ورسل رحنه نحضر العشة وهبة وجنه ضلن ينفخن بالنفاخات ويرتبن الهول والطاولة ..
وهديوه تفتر فوك روسنه : اكلجن شفتن بيت ابو بثينة شمالهم عود مامرتبينه وضيك
رسل : شعدها الجانت كاعدة بقصر الملك فيصل..
زمرد : عيب تاخذين غيبة الوادم يمكن كاعدين جدد بي وبعدهم ماعادلينه
هديوه : اهوو مايوم حجيتلي جلمه ومانترتن بوجهي عوذه شكد مكروهات..
ركعت رسل السجينه بالسنك وصاحت بيها : مكروووهات شكوو تحاجينه وليي منا ام حلك ليلزك
هديوه : اي والله لو ما مكروهات ما زمرد عرس عليها رجلها وانتي هم رح ياخذ محمد عليج..
هيه حجت هيج انه ردت ارد عليها بس ماحس غير طفرت عليها رسل : ولججج يلبربوووك تشمتين بيهه انننهه تكليلي رح ياخذ عليج ريلجج وتتمضحكين يلفوووصه اننه اعلمج..
ضلن يتعاركن هاي تصد وهاي ترد لمن ركضت هديوه بره ورسل وراها .. طلعت شفتهن.. هديوه لابده وره عمي ابو صادق وتتبكبك
: شوف بويه تريد تكتلني وتطيح ابني.
رسل : والله انعل ابوج لابو حته ابنج
ابو صادق : شمالج رسل بويه تسودنتي عود هاي انتي الجبيرة
دخل محمد وكال : شنو ليش صوتج طالع رسل؟
رسُل : مناقشة نسوان شيخ ماكو شي..
هديوه : لا ليش ساكته كليله .. ترضاها ابو علي تركض وراي تريد تكتلني وانه حامل
رسل : ولج شهلحجي حماره غير انتي طلعتي لسانج علي بطول لنعال
محمد : رسسسللل كافي شهلحجي اسڪتيي
دخل صادق وعاكد حواجبة وكال : شكو اليوم شبيجن؟؟
رسل سكتت ماراددت احترام لابوها ولشيخ بس هاي تعرف احترام اكيد لا ..
: شوف شوف تريد تكتلني اختك
أنت تقرأ
نوارس مقيدة
Romansaالرواية حقيقية الطيران حلم يراودونا منذ الصغر كلما ضاقت الحياة او شعرنا بالضجر نراقب الطير ونقبطه لوجوده على الشجر لكن طيرتي قيدها الزمن وجنحها انكسر حبيسة هي لسجان قد طغى وتكبر فهل ياترى ستجد من قيوده مفر ؟؟!! بقلمي نسرين الأسدي ...