نوارس مقيدة

القيد الثامن عشر

‏" كنت أتمنى أن تفعل شيئاً يشعرني بأنك تستحق كل ما أعانيه من أجلك ".

#نوارس_مقيدة

#نسرين_الأسدي

_______

سولاف :

عاطت سمر واجت كومتني واني مصدومه من تصرفه لأن ما تخيلته

كتله واني احاول امنع دموعي :ليش تضربني.. بأي حق..

محمد بعصبيه ونبره حاده لاول مره يحجيهه بوجهي : بحق انتي ابيتي ولازم تحترمين حجيي وتمشين بي ومالتعبين من ورانننههه

سولاف :ميحقلك تضربني وتتهمني بشي ما مسويته لازم تسألني وتعرف مني أول .. شنو العب من وراكم شهلحجي ..

رسل :شيعرف حبوبه كل احنه درينه بالبلاوي مالتج وعدنه شهود.. هيج يالبغدادية تچذبين على عمتي وتكليلها رايحه اشتري كتب وانتي رحتي تشوفين عشيگچ

سولاف : رسللل احترمي نفسج شنو عشيقي؟؟

محمد :والي شافه امجد شنو.. يهو وبآي حق ترحين توكفين ويه زلمه غريب وتحجين وياه ولا جنه وراج اهل وزلم.. تعوفينه كلنه ورا ظهرج وترحين تتواعدين وياه

حليمة :اي عمة انه شفتها جم مره خذت تلفون امكم وكرصت بالحجره بحجة احجي ويه صديجتي وطلع الصدك عدها عشيگ تحجي وياه.. شوف الصلافه شلون تغافل البيت كله.. ايا بربوك على هاي الدكة ولج انتي طلعتي صدك كح.. وبت كح...

رسل :اي شوف بعينك محمد هاي الكتلت روحك عليها وردت تاخذها علي مو.. هاي الساقطة ام العلاقات

سولاف :اني ما اسمحلجن تحجن عني هيج وامي اشرف من الشرف وربتنه احسن تربية.. وما عندي عشيق.. هو بس جان يريد يكلي عنها

حليمه :ولج ساقطه بعدج تجذبين مو طلعت خيستج وكلها درت بكو... ليش تجذبين بعد احجي كولي منين عرفتي ومن يمته .. ولج احنه ما نلفي بنات ساقطات ابيتنه

سولاف :هو اني اصلآ محبقه عدكم ولا دقيقه بعد هذا الحجي والأتهام.. وحطلع من البيت بدون متكولون انتو

سمر : اصلا ماما غلطت من توقعت حتحمونه انتو طلعتو تشككون بينه...

رحنه للغرفة
سولاف بدموع :يلا سمر حظري غراضنه احنه محنبقه هنا دقيقه وحده بعد

حظرنه ملابسنه وغراضنه وهمه بعدهم عياطهم وهوستهم ومخلن كلمة موصفني بيها..

شوفي ماما شوفي بيت اهلج لوثقتي بيهم شديحجون علينه .. ومحمد اخخ الكل بجهه وانته بجهه لان اني جان املي كُلش جبير بيك وجنت اكول حتصدكني تاليي تصدكهم وتضربني ..

شكد حقير ونذل ومتخلف هم .. لان ماكو شخص واعي يمد ايده على مره بدون سبب وبدون ميتأكد..

سمر : شكد همجيين بيت جدو حته ماسمعو منه ..توقعت محمد حيوكف ويانه..