نوارس مقيدة

القيد السادس والعشرون

من اذب الصوچ بيه واعتذرلك
چانت النيه عَتب كُلش عَتب .

#نوارس_مقيدة
#نسرين_الأسدي

_____

عذراء

ضليت ساكتة وانه متانيه العذاب الي رح ينزل علي .. قفل الباب وسحب حزام بنطرونه وطبكه ثنيين وصاح : صايرة نجره ولج وتضمين عني.

عذراء : ش. شوف سيف الله يخليك خنتفاهم وانه اشرحلك .. مو وعدتني بعد ماتكتلني ولا تهتم لحجي ذاك الجلب..

سيف : وعدتج لان كلت الصار صار وماتعيده وفقيرة وانا لضالمها بس طلعت غلطططااان طلعتتتي تشوفينه من وراااي ولج تلث اسابيع رح يصير شهر وانه ماااادري ليشششش .. انه اعلمه نعال صادق مايكللي بس هسه حسابج عندي..

عذراء : والله والله ردت احجيلك كلشي بس بس ادم تمرض والتهينه بي والله ..

رفع لحزام ونزله بكل قوته اجته ضربته عله فخذي بجيت بقوه .. وضليت اتوسله يرحمني اتوسله بس هوا ماهمه لسانه يرش علي بالفشاير والغلط وماخله مكان صاحي بجسمي ..

رفعني من شعري وباوع بعيوني وعيونه مدمعات وحمررر : ولجج نار كلبببي مااجاي تطفااا انا يخابرني لكو... يشمت بيه يكللييي ماتدري شيصيييررر من وراكك اناااا اطلعع مطييي جدااامه بسببج وبسبب ثولجج...

بلع ريگه وشمر لحزام وحضن وجهي بايديه وكال بهدو۽ : ليش ماسولفتليلي ليشش؟ والله جان طلعته من جوه لكاع وخليته يندم يفكر يجي يحجي وياجج ليشش ماجيتي ولج بت النعااال..

دفعني دفعة عله الكنتور حسيت ضلوعي تكسرت طحت للكاع وصحت بوجع: اخ ..بجيت بقوة وصرخت: كافي سيف حرام عليك.. اذا انه ما همك علـى الأقل فكر بالطفل الي بطني هو مو ابنك ..ليش تسوي هيج ..حته الله ما يرضاها

اجالي بسرعة ولزمني من شعري بكل قوته وجره وانه اصيح اريد واحد يدخل يلحكني ويخلصني من ايده ماكو ولا جن موجود احد بالبيت

صاح عليه وهو صاك عله سنونة: ولج كح.. ليش انتي تعرفين الله؟ .. انتي لْـۆ تعرفينة جان ما سويتي عملتج ..ولج انه لْـۆ بيدي ذابحج مـِْن ليلة العرس وشارب من دمج بس شسوي لگلبي الكواد ..ااااخ

صحت بوجع م̷ـــِْن بطني الي اشتعلت نار وشعري الي حاسته راح يتكطع بيده وكتله بتوسل ودموع: اخ
سيف فدوة انته شتريد مِڼـّي بالضبط ليش ما تريد تنسه الي صار ..ما كافي احنة صارلنه سنتين م̷ـــِْن معرسين كافي ابوس ايدك ..ما كفاك كل الي راويته الي هالسنتين...

احنه حجينه بهاي السالفة وكتلي نسيت كلشييي عيشتني احله ايام خليتني بيها انام وانه اتبسم فرحانه ونسيت كلشي كتلك حركك وغلطك وفشيارك علي كلهن نسيتهن وهسه رجعت اذا جنت كارهني لهلدرجة وماتكدر تنسه الصار ليش ما اطلگني وتخلص ..لليش تعذبني ..والله الموت ارحم الي من الي تسوي