- سأغرقُ هُنا بأحلامي
ولن أطلب العون مجددًا،
لم يفهم أحد وجعي، صمتي، وصراخي الخفيّ، سأعتبر هذا خلاصيّ الوحيد والنجاة مِن الحياةِ أيضًا#نوارس_مقيدة
#نسرين_الأسدي
______
سولاف:
وصلوا للبيت والناس مالينه والنسوان كلها استقبلهتم ويسلمون على عذراء الكالو عنهابس أم صادق خذتها بسرعة ودخلتها بغرفة بيبي لأن كالو عملية ومتكدر تصعد لغرفتها
وهاي النسوان صارن خبصه شي تتبارك شي تهلهل شي دخلت يم البنية وبعضهن ضلن بره لأن هنه كلش هواي حته غرفة بيبي انترست
معقولة كل ذني قرايبهم.. لعد شلون يكدرون يحفظون اساميهن... ههه سولاف والله اسألتج غبية صارلهم سنين وياهم شي اكيد يحفظوهن
شفت الشيخ واكف يم الطبخ وسأل اذا محتاجات شي
وبناته فرحانات بي يكلله مشتاقيلك لأن ذيج الأيام هو ملتهي عنهن وكل وقته بالمستشفى وهو يضحك وياهن ويشاقيهنواني بدون ما انتبه لنفسي اضحك لضحكته شكد حلوة مثل عيونه اصلآ هو كلشي حلو بي اسلوبه شكله هدوئه تفاهمه وحنيته
منتبهت على نفسي الا لما هو طلع من يمهن وراح للمضيف
ضحكت على تصرفي..هاي شجاي يصير وياي اني_____
عذراء
وصلنه وتجالي سيف ونزلني يمشيني ع كيف .. وانه رجلي مورمات احسهن ينغزني من يطخن بالكاع ..
نزع عمو ابو صادق عبايتهه والغتره وتجنف وسمه باسم الله وذبح الذبيحه جدامنه .. والناس والكرايب كتله .. خلصوو وانه مغمضه عيوني احس روحي خااويه كلش .. بدي اخلي راسي وارجع انام .. تعبان جسمي بس مو كد وجع روحي وكلبي ..
دخلنه وعلكت الهلاهل عمتي ام محمد وخوات سيف كلهن يهلهلن ويتحمدن لرب العالمين.. معقولة لان جبت تووم!!
كعدني سيف بغرفة الحجية ع الفراش وستلمنه دك بوس وسلام وتهاني وتحميدات ..ماباوعت حته بوجهه بس مبين ضاج وراح يصيح بيهن.. اعرفه يكرهه سالفة البوس من الكرايب وخاصتن اذا اكو مناسبة او بالعيد يشرد منهن شرادة ..
ابتسملهن مجاملة وطلع .. اجت الحجية كعدت يمي وحبتني براسي .. نزلت دموعي ..
كلش مهضومة مضهووومة ومخنوكة واحس مالي اي سند بالدنيا .. وكل الي بالبيت يبقه سيف ابنهم حتلو يحاجو ويرزلو يبقه ابنهم وانه يباوعولي بنضرات شفقة لا اكثر ..مسحت دموعي بجفوف ايدها وڪالت بصوتهه الي كله حنية : الحمدلله عسلامتج حبوبه ولله شعَبتي گلوبنه
برطمت وكتلهه بخنكة : حجية ماردت اڪعد ردت امووت ردت اروح يم ربي ويم امي وابوي احسن اليي
أنت تقرأ
نوارس مقيدة
Romanceالرواية حقيقية الطيران حلم يراودونا منذ الصغر كلما ضاقت الحياة او شعرنا بالضجر نراقب الطير ونقبطه لوجوده على الشجر لكن طيرتي قيدها الزمن وجنحها انكسر حبيسة هي لسجان قد طغى وتكبر فهل ياترى ستجد من قيوده مفر ؟؟!! بقلمي نسرين الأسدي ...