نوارس مقيدة

القيد السادس

بوس خدي وخلهِن يرجعَن حيلي وضحكتي ولوني ."

#نوارس_مقيدة

#نسرين_الأسدي

________

عذراء

اجت مرت اخوي ماضي وره يومين من وره طلعتي من المستشفى .. هاي شوي كريبه مني بس مرت جاسم والبقية لا اجن مجرد يشوفن رواحهن ويتهوبزن بهدايه رجالهن جدام عيالي وبس...

كعدت بصفي وادم بحضنها .. كتلها : ام حمد ليش ماجيتي من امس لكلبة؟

جرت نفس وكالت : جا مو تدرين بخوج وسوالفه اليوم يلا كال روحيلهه

عذراء بأستهزاء : ليش شعجب ماكلج فشلة وعيب من عيال عذيرة ولازم يتفيك جدامهم

ام حمد : مادري يمكن لان اين نسوان خوانه وغامن بالواﭼب

عذراء : زين وهوا عرف انه بالمستشفى نمت وردت اموت والسبب سيف كتلني؟

ام حمد : اي جا شون مايدري غير همه ﭼانو مو بالبصرا وبس ردو راحو للشيخ يتعذروله ويطلبون السماح منه

عذراء : طبو شافوني وانه نايمه هناك؟

ام حمد : وج انه كلبي مورم مابيه احـﭼـي تدرين بسوالف خوانج وروحتهم علمود لا يتفشلون من الشيخ ونسيبهم

عذراء بغصه وقهر : اي وماكالو اخيتنه وحيدتنه نسئل ليش ما ليش بالمستشفى ترييد تموووت

ام حمد : انه ماريد ازيدهه عليج وانتي نفسه مايصح.. يمه عذراء انه ربيتج حالج حال بناتي والله من معزتهن اعزنج .. وكلبي الله شاهد غادي نار من صوبج بس انه شبيدي؟ هذا طبع اخوج من 15 سنة انه وياه وفروخي بطولي ومشووربين ويطكني ويصيح علي جدامهم تردينه يصير زين ووياج؟

عذراء : بس شعم عليه انه غير هذا اسلوبهم ولله لو سيف مره وحده شاف منهم العين الحمرة ما ﭼان تماده هيج وضل يكفخ بيه ويوصلني للموت ومخليني يمه وولا يهمه ولا يحسب حساب

ام حمد : اخافن يسمعوني عيالج وشكلك جايه تترس راسها وانه مالي خلك بس الصدك ياعذيره هذا حجيج كله صدك بس شلفايده يمه خوانج ماياخذون بهذا الحجي وحجايه وحجاية الثانيه كالو...

عذراء : البنيه ما الها غير بيت رجلها .. حافضتهه اكثر من اسمي

ام حمد : اااف اي يايمه وشما سمعو كالو خل يأدبها خل يكتلها وتتعلم وتتعود وتسلك

عذراء : مو انه حيوان واتعلم بالكتل؟ ترررا جاهله انه والله كلشي ماافتهم ولا اعرف مو ضلم انه بهذا عمري وهذا كله عليه؟ مو رح يحاسبهم الله مايفكروون اخواني شنووو

ام حمد : لو يفيد الحجي جان فاد من سنة سنتين ثلاث بس الحجي مايفيد وطبع اخوتج تعرفينه اجثر مني ييايمة .. انتي سلمي امرج للماتنام عينه هوا موجود ويشوف ويعَرف وياخذ حكج من الكل