نوارس مقيدة

القيد الأول

#نوارس_مقيدة

#نسرين_الاسدي

______________

⊰ آحـد أريــاف الــبـصـره 2015  ⊱

_عذراء

خله ايده على ركبتي وضغط قوي خلاني بصعوبة ماكدر ابلع ريگي ..

خله حلكه يم اذني وكال وهوا يمشي خشمه على خدي : اكرهجج عذرائي اموت منجج اكررهجج تدرين ليش؟

ضليت ساكته واتمنه يوخر عني لان ختنكت ورح اموت ماجاوبته ..جر طرف أذني بأسنانه حيييل .. كتله بسرعه : اع..اعرف والله ..اعرف

وخر عني وذب روحه على الجرباية ونام ..
كمت من مكاني على كيف وانه احس رجلية ماتشيلني ومورمات من غير جسمي يون عليه من الوجع ..كل هذا لوكت ولا انه لتعودت ولا هوا التغير نفس طبعه ونفس اسلوبه ماعبالك لجواه بشر ومن دم ولحم .. نفس قسوته ووحشيتة وياي

افف ياربي ليمته اضلن انه هيج .. لا من عندي اخو ولا ابو بيهم خير .. شو اكثر سوادين من سيف ..

دخلت للحمام غسلت ودموعي تنزل .. بطني جبيرة ماكدر اتحرك بالف ياعلي طلعت للغرفة .. شفت نرجسة تنوص بكاروكها عرفتهها رح تكعد .. طلعت الممة سويتها بسرعه وتمشيت يمها ..

كعدت على الجرباية وانه الهث حملي كلش ثكيل وبالكوه اتنفس .. وسيف مايرضه اروح للدكتورة اشوفه ولد لو بنيه وانه هم مالحيت ماحب روحت الدكتورات ..

شلت نرجسة فليت كماطها وغيرت حفاضتها بس شنو طلعت روحي عندي تقلصات موتتني خرب بحضي .. ضلت تبجي بعدني اسكت بيها ونزيت من عاط بيه

سيف : بت النعال كولي جاي منعول ابو ابوه من التعب خل اصير ادمية لو تعودتي على الكتل

بلعت ريگي وكتله : نام نام والله هسه انه اسكتها...

سيف : خل اسمع نفس اجنزججج

سكتت عنه ورضعت نرجسه مميتها وسكتت ضلت تناغي .. باوعتله زنده ملفوفه بشاش وسمعته يكل للحجية متصاوب اذا اسئلة يطفر بوجهي عاد ماسئلة شعليه ..

ضحكت نرجسه وفتحت عيونهـا الصفر بوجهي يمه اروح فدوه لبنيتي.. العيون الصفر وراثتهن من ابوها وهوا واخو الشيخ محمد وارثيهن من ابوهم الله يرحمه ..

سبحان الله الصفار لبعيونهم يخبل ويجِذب .. لدرجة نرجسة بداية صيرتها واجت النسوان تتبارك لعمتي وحده تكول للثانيه البت تخبل البت شحلاتها ووراها بسبوع ركض بلمستشفيات وصار بيها جفاف جان ماتت ..

انتبهت الها بدن يطلعلها سنون من جوه انه من فرحتي وثولي مالكيت روحي غير اهز بجتف سيف واكله : سيف سيييف اكعدد شوف

خطية كمزز كمزه وهوا فاتح عيونه على حيلهن وحمرر مبين تعبان خرب بحضج عذيرة لا اليوم مكتولة ..