نوارس مقيدة

القيد الرابع والثلاثون

يقـول الشاعر ترى الحلى بـ "العِراقية"
مَاله أسباب ، وياويّل حَالة من طاحَلة
بغرام بصرَاويه♥️

#نوارس مقيدة
#نسرين الاسدي

_____________

: كوم ادخل جوه بدون أي صوت .. واذا تذاكيت افجر راسك..

كالها الشخص الملثم لـ الامجد الصافن ومايعرف شيسوي .. كام ودخل وذاك يمشي وراه ومخلي السلاح براسه ..

التفتله امجد وكال : يهو انته وشتريد؟

وجهه لسلاح اله وصاح : الك عين تسئل كو.... حقير نجس ولك ماعندك عرض ماعندككك غيررره ماكلت شلونن العب وي مره متزوووجة..

امجد : شجاي تحجي والله مالي غرض بأي احد انا

حط المسدس جد كصته وعاط بحده : لا تنكررر ينذلل انه عرفت كلشي من شفت الخر.. الكلاده شكيت واليوم ربطت كلشي وعرفت كلشي انته وذيج الجلبة واحد يحب الثاني..

امجد : لا وروح ابوي ماكو هيج شي

حيدر : ابن النعال لا تجذذذذب

امجدد : لاااتغلططط مالي شغل بمرتك انه

خزره بحده وعاط : بس ماتنكر تحبها

امجد : جنت

حيدر : شنووو

امجد : اي وروح ابوي جنت احبها بس تزوجتك والعباس بعد حته ماباوعت بوجها وانا اكو شي بكلبي أتجاها ..

حيدر : جذاب

امجد : وحك العباس مامجذب وانا عاذرك وحكك تتعصب اي واحد بمجانك رح يسوي اكثر .. بس انه من حبيتها حب نقي حته ايدها ماكضيتها الله شاهد علي .. وبس عرست طلعتها من كلبي وبالي كلش

حيدر : وتريدني اصدكك هااا اصدك ما متجاوزين من كبلللل

امجد : شوف انه ربيت وي بيت الشيخ ومن عاشر المستحيلات افكر مجرد تفكير اخونهم والعب وي بتهم بحجة الحب .. كلت اكمل بيتي واتقدملها وكلشي يصير علني وتصير حلالي .. بس مشيأت رب العالمين فوك كلشي ..

حيدر : تريدنيييي اصدك هذا التسفط مالك؟؟؟

امجد : هذا الشي راجعلك اذا تريد تصدك لو لا بس انه شمصلحتي اجذب عليك؟

اجه يحجي بس دك تلفونه خله المسدس على امجد وجاوب : شكوووو منعليين شكوو مخابرين.....

كطع كلامه وهوا يسمع الطرف الثاني شيكول ..بلع ريگه وردد بخوف : ش..شتكووول ... وين جاي جاي.

سد التلفون وراح ركض .. عايف امجد متفاجئ ويعتقد الشخص الجدامة مسودن ..

______________

عذراء

للصبح وراحو محمد وسيف كالو خطية بثينة وبمقام اختنه مايصير نعوفها لوحدها .. راحو وراهم وره ساعه خابر محمد كالو جهزو الغرفة الجوه رح نجيبها هنا .. جهزنه الغرفة وهمه اجو ..