نوارس مقيدة

القيد السابع والعشرون

هذه كانت المرة الأولى التي أراهم فيها بعيني
لا بقلبي كانوا عاديين عاديين لدرجة إني لم
اتعرف عليهم...

#نوارس مقيدة
#نسرين الاسذي

___

عذراء

ضليت مصدومة ورجلي ماتعيني ..شنو هاي شجاي يكولون معقولة!! سيف مات خلاص!! لا جذب يمكن غلطانين يمكن لسمعته غلط ..

لطمت امي عله صدرها وكالت : يمااا سويف شنوو محمدد بروح ابوك شتحجووون وليدددي ابنييي راحح يايمةةة

الحجية : سوده بويهيي سووده بويهيي ولكم خاف ماتاكددين شتحجوون انتم وينه سييف وينه...

ضلن كل وحده تحجيلها شي ويبجن بصوت عالي ونعي يڪسر الكلب ..

محمد : كافيييي ماميتت سيف ماميتتت بعدهم مامتاكدين يهووو كللهم مات اخوي مامات لا تنعن اسكتن.

طلع وتمشه للسيارة راد يصيح لامجد بس صار نضره غواش كض السياج وكف مستغفر اجه امجد وايهم بسرعه اله..

امجد : ها ابو علي تعال تعال اكعد ..

ايهم : امجد دروح جيب جهاز الضغط اكيد صاير عنده هبوط..

اسماعيل : هدي روحك ابو علي ان شاءلله يطلعون مخربطين وسيف يرجعلكم سالم غانم مبي شي..

محمد : ان شاءلله ..بس صعبة علي اسمع هيج خبر..

جاب امجد جهاز الضغط وياه عصير ليمون والعلاج ..

ايهم : شوف مصفر ضغطك مايصير هيج حبيبي دير بالك على نفسك علمود تقوي روحك وتقوي عائلتك وخلو آملكم برب العالمين وان شاءلله يرجع سالم سيف ..

اسماعيل : شوف ابو علي اني عندي معارف هنا رح اطلب منهم يدخلون بالكي يسمعونه خبر يطمن

محمد : مشكور ابو ايهم معارفنه مو جلال وان شاءلله نطمن .. اخخ منك ياسيف اخخ دومي مشلوع كلبي من وراك ..

ايهم : بس على مااعرف اجازته ماخلصت ليش راح

محمد : مسودن واحد مسوودن بس تصير مشكلة وكطع اجازته وراح بويه تهده بالرحمن انعل الشيطان ماكو .. حته مادري بي نازل لفجر منطي خبر لامي والحجية وطالع .. اخخ ياسسييف اخخ

اسماعيل : ان شاءلله ينلكي ويرجع سالم لبيته وعائلته..

محمد : ان شاءلله ..امجد بويه امشينه لمكتب المقدم سعد ..

اسماعيل : ايهم بابا امشي وياي انته..

راحو كل واحد لوجهته عسئ ولعل يلكون خبر يطمنهم..

__________

سولاف :

من يوم اجه خبر سيف ماكو والبيت انخبص خبص خالو ومحمد مخلو مكان مراحوله ومحصلو اي نتيجة
البيت كله عايش بقلق والخوف مسيطر عليهم بس الكل عدهم آمل بعده عايش وحيرجع بس هذا الامل مو معناه اطمنوا