نوارس مقيدة

تكملة البارت

انا نغشيت بعيونك كبار بس عيوبك اكبر ماشفتهن .

#نوارس_مقيدة
#نسرين_الاسدي

حسابي انستا _ nsr_een2
_____

نرجسة : صارت الفرصه بعدني ماطلعت من الصف اجه جعفر يركض : خير شبيك كتلوك شنو ؟

جعفر : لا بس ادم جاي يبجي وعلاوي يعارك بالطلاب

رحنه بسرعه وشفت علي واكف ويصيح: وعلي بن أبي طالب حظكم اطيحه قنادر

: ههههههه شوف ابن عمك زعطوط بال على روحه

علي : مو اسحلك واخليك تخرخر بول لبيتكم يامطي

: ههههههههه اي ضيعو فشلتكم ههههههه

علي : بيك خير تعال يمي الا اعلمك الزلم شتخلف

: مانريد نشوفهم شيخلفون

: علمو جهالكم مايبولون على رواحهم اول ..

ضلو الطلاب يضحكون وعلي يعارك وادم كاعد بنهاية الرحله ويبجي ويرجف .. دخلت يمه بالرحله وخليت ايدي على جتفه : حبيبي شبيك

ضل يبجي ماجاوب .. وهذول جلاب يضحكون : انجبو والله الا اكول للمديره عليكم وتطيح حظكم

حضنته وبسته : لا تبجي حبيبي ..

دك الجرس للصفوف واجت معلمة ادم وطشو الطلاب ضلينه بس احنه يمه ..

: خير شعدكم هنا هذا مو صفكم ؟

علي : ست ادم مريض

: لا ست زعطوط بال على روحه ههههههه

علي : ولعباس رح اجيك حمممااار

المعلمه: سكتووو حيوانات اني شنو هنا واكفه وين الاحترام ؟؟؟

علي : ماتشوفينه شيمسلت

المعلمه: اسكت ، وانت ادم ليش مااستأذنت من المعلمة ورحت للحمامات ماما؟

ادم ببجي : ك... كتلها ماقبلت

نرجسه : ست خلي ناخذه للإدارة وتتصل المديره بـ بابا عفيه

وافقت وگومته بالكوه يمشي ومستحي حبيبي وهذول المطايه يضحكون عليه .. عاطت بيهم المعلمة. سكتو..

رحنه كلنا للأداره .. وولأحتياط بابا وعمامي كاتبين ارقامهم ومخلينهم عدنه كلنا ، كالو خاف تحتاجونه بشي بس انطو الرقم لاي احد وكلوله اتصل .. انطيت الرقم للمديره : ست فدوه تصلي ببابا اخوي ادم مريض ولازم يجي ياخذه للبيت

المديره : شبي ؟

المعلمة : ماملحك ومدرر على نفسه

علي : مو ماملحك لان هوا مريض وبي سكر والمعلمة ماخلته يروح للحمام..

المديره : ها تمام .. انتو رجعو لصفكم واني رح اتصل بوالدكم يجي ..

نرجسة ؛ ست اضل يم اخوي وعلي وجعفر رجعو