نوارس مقيدة

القيد التاسع

جاستني نغزه گلب يمكن حبيبي انحب.🪡💔
#حبيييت😩.

#نوارس_مقيدة
#نسرين_الاسدي

______

سولاف :

اني صح ما جنت اعرف طبيعة علاقتكم بس من قريت اسم منتضر بالدفتر عرفت صادق مو ابوه
وتصورت انتم مزوجين عادي وحسب الي نشوفه بالبيت كلش متفاهمين وهو يحبج ومرتاح وياج

تنهدت وكالت ونبرتها حزينة كلش ومخنوكة : اي جدام البيت لأن يريد يراويهم احنه عايشين حالنه حال اي ثنين معرسين .. بس بيني وبينه اتفق وياي يصير زواجنه بس ع الورق وهو ماراح يطلب مني شي ومحد راح يدري غيرنه
وانه رضيت.. كال هو اكيد ياخذ ما يضل وانه ما جان عندي مانع
بس شويه شويه بديت احبه وتمنيت يصير رجلي الي وبس ويبطل ويعوف سالفة الزواج

سولاف: وانتم بقيتوا على اتفاقكم مو.. يعني انتي جنتي تدرين هو بأي لحظه حيكلج اريد ازوج صح؟؟

زمرد: لا سولاف.. هو جذب عليه البارحه كسر اتفاقنه وتقربلي.. جنت حسبالي معناتها هذا هو مادام سوه هيج يعني راح يعوف السالفه ويعيش وياي ونجيب اخو لو اخت لفروخي ويصير كلشي عادي وحياتنه تصير حلوه
بس هو اليوم كلش قهرني.. وكسر خاطري.. ما جان ابالي يجي يوم وصادق هيج يسوي بي.. انه كلش مقهوره سولاف.. ليش هو ضل سنتين ساكت واليوم يلا قرر.. ليش هيج سوه بي وخلاني اشك بروحي والله حرام عليه .. سولاف معقولة ماعجبته؟ معقولة جان متوقع جسمي حلو وماعجبه!

تقربت منها وحظنتها حته اواسيها وهي خطية انفجرت بالبجي مبين عليها هواي جانت تحبه لصادق وراسمه علي هواي احلام.. بس هو كسرها بسوايته هاي
اصعب شي يمر علينه لمن ننخذل من اكثر ناس نحبهم.. الله يساعدج زمرد.. والله متستاهل هيج

سولاف : لدكولين هيج عمري لتشككين ولو واحد بالمية انو هوا قرر يتزوج لان معجبتي او شاف شي محلو بيج .. بس يمكن تندم لان تكولين جنتو متفقين ..

زمرد : تندم!! ليش انه بت شارع وتندم تدنالي اذا ماجان حاب هاي لفكرة ليش سواها .. افف يالله راسي رح ينفجر

سولاف : انعلي الشيطان حبيبتي وتصرفي وي الوضع عادي .. يمكن بس حجي وميحتزوج صدك

زمرد : ههه شتحجين انتي الله وكيلج من باجر رح يرحن خواته يدورله ويجيبن اله نسوان ماصدكن حجه هنه من اول كارهات عرسنه..

سولاف : الله ڪريم حبيبتي تصفة

زمرد : والنعم بالله..

خلت وراحت للمطبخ لأن متريد احد من البيت يحس بلي دتحس بي بداخلها هسه راحت وتصرفت طبيعي بس كلش واضح القهر بعيونها

اجيت دخلت لغرفة بيبي وشفت خالتي حليمه وبتها بثينه كاعدات يمها
تفاجأت شعدهن ذني مو من عوايدهن

حليمه: يمة انه اكول بدل ما ندور لصادق ومحتاريين عدنه مرة

الحجية: اي ويهي هاي بله