نوارس مقيدة

القيد الثاني عشر

عذرا۽ تكول...
#هـلي
ولچمـات گلبي تبدي منـــكم
تغثـونـي وتضلمونـي وتبچونـي واجـامـلكم💔.

#نوارس_مقيدة
#نسرين_الاسدي

بنات مهم اتابعون حسابي على الأنستا لأن انزل بي احداث من المستقبل
وهذا اليوزر nsr_een2
_________

زمرد .

كلنه متانين محمد يكمل حجية شنو المو زين بالتحاليل ..

الحجية : شنهي يمه ان شاءلله خير؟

محمد : يمه المشكلة لا مني ولا من رسل المشكلة بالجينات ولان احنه ولد عم جيناتنه متنافره وهيه السبب الي ماجاي تسوي حمل وحتلو يصير مايثبت ..

رسل : وشنهي هلحجي نوب جديد .. جا احنه مو اول ولد عم يزوجون،

محمد : بويه جا من جيبي غير تحاليل وحجي الدكتور هذا .. وهمين هواي حالات تصير هيج هاي بعد هذا آمر الله..

رسل بدموع : قصدك بعد انه ماكدر اخلف.. ماكدر بعد احبل واتاني ابني يصير واشوفنه

محمد : هذا امر الله بويه شبيدي انه وثقي بالله لو يفيد لعلاجات جان مشيت وخذيت بس شسوي..

ابو صادق : بويه هذا امر ربج تقبلي والله كريم..

خطية ضلت تبجي ونقهرت .. اليوم كله فرحانه ومتانيه محمد يبشرها بس تالي.. يلا الله يعوضهم بلأحسن ..

دخلنه جوا وكلمن راح بمكان وبيدنه نحضر للعشه، خلصنه وشوي جاي نشرب جاي بالهول وجفتن العصابة هنه وجهالهن .. خوات صادق وخوات محمد كلهنن جايات فد جية .. الله ليستر بس ..سلمن وكعدن ..

بنين : ها يمه عمتي متانيه لخبر صادق قتنع بـ هديوه لو لا؟

ام صادق : جا وراه بعده ماكال..

الحجية : وشمالجن مستعيلات؟ تانن جا هوا العرس لعبة شنو

زينب : يهو مستعيل حبابه جا غير شافها ويرد خبر عجبته لولا

ابتهاج : وهيه مقتنعه لبنيه

رقية : وليش تلكه احسن من اخونه لو احسن من عايلتنه لكل يتمنه يناسبهم

ابو صادق : مو شغلة عايله بويه خوف ماراضيه وعلبوه احنه ليايين خاطبين اهلها يجبرونها

بنين بضحكة : ياا بويه ماتدري انته غير ماشايلتها الكاع من الفرحه .. وماتت بشوفة صادق

الحجية : اي شهل الاستخفاف شحلات لبنيه لرزنه لثكيله..

بنين : اهوو مانخلص..

الحجية : وسم لسمج.

ام صادق : يمه كللنه قتنعت يولا عاد نشوفلك وحده غيرها .. بس تره هديوه ورده

صادق رفع عيونه بعيوني وجان كاعد حواجبه .. ورجع التفت لامه وكال بضحكة : يمه راضي انا عجبتني ..توكلي عله الله..