نوارس مقيدة

القيد السابع عشر

جروحي ياخلك لشمس شرهن
وليالي ضيم ما ينحمل شرهن
عمري رهنته الك بعد شرهن
اذا حته العمر ما ضل اليه

#نوارس_مقيدة
#نسرين_الأسدي

_____

عذراء

بعدنه كاعدين وحليمه تنعل وتسب بمسعود ماسكتت.. دك تلفون الشيخ وجاوب : هلا ..الله يسلمك.. جثير الهله يبا اهلا وسهلا... الله وياكم..

ابو صادق : ها عمي يهو؟

محمد : شيخ عشيرتهم يكلي رح نستضيف عدكم باجر وان شاءلله نحل السالفة باليرضي الله..

حليمة : من عساها بعافيتك يمسعود..

ابو صادق : بويه تره بتهم والهم الحك بس احنه رح نسوي لعلينه وبلكت الله يقتنعون.

حليمة : شنهي الهم حكك توه الكوا... تذكرها وكال عندي بنيه واريدها والله نجوم السمه اڰربله يحلمم

ابو صادق : مانطيناهم جلمة هسه كنالهم الله كريم

بثينة ببجي : خالي انه ماريد اروح وياهم اصلا ابوي وعمامي مايردوني ولا يحبوني

ابو صادق : ان شاءلله خير بويه نكله ماتريد تروح البنيه واحنه موش غربه ونشوف شيكولون .

محمد : عمي هذا واحد ناقص اجيت الطمه عله حلكه وعلي.. شفته شون يكول ولله اتم ولد خوالها ويمها مايصير ادري ششايفنه كو..يد

صادق : اي والله حته انه ضوجني بحجيه ابن القندره عباله ناقصين نفسهه

حليمة : الله لا يوفقك يمسعود عساها بعافيتك

الحجية : هدي روحج ان شاءلله بس يدشونه سويعه يغنعونهم ويبطلون مايخذونها..

حليمة : لو اعرف اطب بنص الزلم وانعل ابو مسعود ومااخلي ياخذ بتي..

ام صادق : مايخذونها بس نعلي الشيطان

حليمة : لا والله انعل مسعود ولخلفة ولعرفني بي..
ثمن سنين راووني نجوم الضهر بتي جاهلة وكل كتله ولا لثانيه الها عبالهم انسه؟ لا وروح ابوي ومابريهم الذمة ليوم الدين..

هبة : بثينة ضلت تبجي خذيناها للغرفة وماهدت بس تبجي ..

جنان : اهدي ياعمري ابوي وجدي مايخلونهم ياخذونج

بثينة : ولج هذوله نجوس وجلاب عمري سبع سنين وشبعني ضيم وي امي يـﭼوني تـﭼوي عله ايدي.. عود امي لسان وتنعل والديهن مو نوب هسه اروح بحدي ولله يموتوني.

هبه : لا تبجين شبيج ..كليلهم هذا لحجي علمود ابوي وجدي يكلوله انتم ضالمين ماتروح وياكم..

جنان : هسه هدي روحج وتصفه حبيبتي ..

بثينة : اتمنه ماروح وياهم لان ولله لا رحت من صصدك امووت اول شي رح يبطلوني وثاتي شي رح يخلني مدمغه لرايح ولجاي يصكع بيه والله اعرفهم..