نوارس مقيدة

القيد السادس عشر

عن لسان حال زمرد#💔
يآهو اليرجعلي عمر
ضيعته عآلمآيسوه ..
ويآهو اليعوضني صبر
مرمر ايآمي الحلوه
يآ نآس گلبي المنكسر
مو مآل اگولن فدوه !

#نوارس_مقيدة
#نسرين_الأسدي

_______

عذراء

كاعدة بالغرفة وجاي احضر هدوم سيف باجر الفجر يلتحق خلصت اجازته المرضية ..وهوا يفتر بالغرفة والتلفون عله اذنه يخابر وكلساع صاح فززني ادري ليحجي شبي يصيح..

خلص مكالمتة بـ : بسيطة مو اجيك باجر .. ولي ابن القندرة..

سده وشمره باوعلي : خلصتي خليتي كلشي؟

عذراء : اي كلشي..

اندك الباب وصاح سيف : ادخل..

توقعته مرتضى لو منتضر يلعبون وي نرجسة ..بس تفاجئت من شفتها سمر !! هاي شتريد جاية هنا؟

كعد سيف ع القنفة واشرلها تجي يمه راحت يمه ومدت ايدها بيها ورقة فتحها سيف وهيه شهكت وضلت تبجي .. شجاي يصير هنا ليش انه مثل الاطرش بالزفة؟

سيف : جؤ.. وج ليش البجي هاي محسنين درجتج وبعد مايحاجوج..

سمر : بس هيه فشلتني كدام الطالبات وتكلي غشيتي..

سيف : تولي ماعليج منها وهسه مسحي دموعج وفكري بالهدية حد ما ارجع انفذها الج..

مسحت دموعها وابتسمت : شكرا سيف لو ما انته اليوم اني صدك ماعرفت شسوي..

سيف : لا لتكولين هيج هذا واجبنه وانتي واختج من مسؤلياتنه..

سمر : وقع الورقة اخذها باجر وياي..

اخذ القلم ووقعها وهيه ابتسمت وكالت بهدو۽ : ترجع بالف سلامة..

سيف بابتسامة : الله يسلمج يبا..

سمر : اخذو راحتكم اسفة خاف زعجتكم..

خلت وطلعت.. وانه بُدي اكل هذا لكدامي بسنووني منينن هذا الهدوو۽ منيين هاي الحنية النازلة ..

عاط بيه وفززني : وعمه رح تحركين البدلة ..

شلت الاوتي وطفيته ونكتت القميص رتبته ..وماكدرت اصبر طلعت الحجاية مني : هاي شنو مستبدلينك سيف؟

سيف : شنو؟

عذراء : اي ماعرفتك تضحك وتسولف وهادئ لا وهم حنين ومتفهم.. شسالفه؟

سيف : لا حبيبي انا دائما هيج بس ليدوس ببطني انعل ابوه ..

عذراء : وليش انه يمته دايسه ببطنك شو يمته ماتجيلك تصيح علي وتكفخ بيه ويم غيري حلكك يشنج من الضحك

سيف : لحسن حضج مزاجي حلو اليوم جا لطمتج كسرت سنونج بحلكج..

عذراء : اي بس عذيرة تكفخ بيها وغيرها تتمضحك وتحير شتسولف ..