نوارس مقيدة

القيد الخامس والعشرون

البسي يا مهجتي ثوب السواد فعلي الكرار قد
آن الحداد ضربة هدت أساقيف العماد
أطفئوا بالحقد أنوار الرشاد 💔.
༼عظـم الله لنـا ولـڪم الأجࢪ ༽

#نوارس مقيدة
#نسرين الاسدي

هلو بنات قبل لا نبدي البارت انه وبدوشه نريد نعترف الجن بشيء.....

بصراحه احنه من ورا ما تعرفنه على ياسمين وجواهر وسوالفهن عن عمار واسماعيل حبيناهم وحبينه طريقة غزلهم ولو هنه هسه راح يغارن .. انجبن نقصد شخصياتههم ،😔😹💗!َ ))

المهم هسا احنه كلنه نريد نعترف وهسه احنه بعد ما ندور شباب نريد شوكر دادي 😂😂

لأن الشباب كلشي ماكو لا رومانسيه ولا صخام 🥲
انتن شرايجن 🙄😁👈

وهسه نخليكم ويه البارت...

_____

عذراء

فزيت مخترعه وريكي ناشف وعركانه عله حيلي وعيوني تصب .. عله فزتي كعد سيف وبسرعه حضن وجهي بيديه وكال

: اسم الله الزهرة ..شبيج عذراء

ضليت بس اشهك وابجي واباوع للغرفه كلشي بمكانه سيف عله ستوه كعد.. جان حلم.!! اي حلم .. جاب الماي وغسل وجهي وشربني شوية وتمدد وحضني لصدره..

سيف : كافي بويه حلمانه.. كافي بجي عذراء ..

ضليت اشهك وهوا حضني اكثر وضل يمسح عله راسي ويقرالي ايات قر۽انية هديت شوية وضلت دموعي تنزل بهدو۽ ..

سيف : هاي انه يمج لا تخافين .. شبيج كليلي شحلمتي؟

تذكرت احداث الحلم ورجعت اشهك وابجي

سيف : كافي ياروحي اسكتي كافي انسي .. مجرد كابوس ..

ضمني لصدره وخليت راسي بركبته وضل يهمسلي ويبوس براسي لمن غفيت ..

مافزيت اله ع صوت ادم يبجي ووسيف يحجي : كافي بويه .. اشش يلا حبيبي اسكت شتريد عمه جوعان .. اسكت اشتعل ابوك..

كمت واخذته منه : هوا هيج ليسكت تشتمه

سيف : صارلي ساعه شايله واهز بي مايسكت شسويله..

نزعته هدومه جاي ابدله وماسكت بس يصرخ خوفني لان ادم لا ستمر بالصريخ يعني مريض .. لبسته بسرعه .. واندعي شوي ويسكت ..
________

سمر :

كاعدين اني وسولاف ويه ماما ودنسألها شنو صار وياها وشلون وصلت لهنا
ومين تعرفت على الدكتور وزوجته.. بعدنه نحجي وسمعنه صوته يم باب الغرفه

اسماعيل : جوهرتي حبيبتي.. اكدر ادخل

كامت ماما وكالت : تعال حبيبي

دخل واجه مباشرتآ حظنها : لج اشتاقيتلج يروحي
شنو هاي اهلج حارميني منج يومين ميصير هيج وربي
وحته الوجبه منكدر نكعد ناكل سوه.. بس مكدرت هستوه آخر شي طلبت منهم يسوولي طريق حته اجي واشوفج.. لج طك گلبي عليج