نوارس مقيدة

مشهد

وليشهد الله اني أحببتك
لدرجة اني لم استخر الله بك خشية ان تكون شراً لي فيبعدك الله عني ,,,!! ❤

**

مراحب بنات.. بعد ان كانت رحلتنا في محافظة بابل وعشنا مع أبطال حرام مستباح قصص حياتهم

ننتقل الى أرياف البصرة ونبدئ رحلة جديدة مع أبطال

#نوارس_مقيدة

وسنعيش معهم مختلف مطبات حياتهم ونتعرف على الشيخ محمد المتشدد والصعب المراس

والصغيرة سولاف المتمردة التي تخطف قلبه من أول نظرة
ولكن كيف سيجتمع العناد والكبرياء معآ ولمن سيكون الأنتصار؟؟

ونتعرف على سيف المجنون وهوسه عذراء التناقض الذي يعيشه بين حبها وكرهها

تابعوا معنا الرواية

****

جواهر: كاعدة وحاظنة بتي لحظني واحجيلها عن بستان اهلي والعيشه هناك الي ترد الروح
وهي تسمع وتتبسم.. شكد مشتاقة لريحة الريف ولكل واحد من عائلتي

وماحس اله نركع الباب حيل ودخل ميثم ومبين سكران وحالته حاله
تقدم علينه وهو يتمايل بمشيته.. وشمر علي علاكة جانت بيده
كومت بتي بسرعة وكتلها: روحي للغرفة ماما
انه شوية واجيج

انفتحت العلاكة وشفتها ملابس مال نوم حمرة.. رفعت عيوني اله متسائله

كال وهو يكعد عالقنفة: جهزي نفسج الليلة.. ولبسي هذا السيت
لأن الزبون مال اليوم لقطة.. تفهمين شنو يعني مليان فلوس.. ما يطلع من بيته الا ووياه مليونين اكثر

لج اخ.. ابن الك... يتلذذ بالملايين واني حصرة عليه البطل
بس انتي لازم تونسينه وتريحينه حته.. فرك اصابيعه وكمل: حته يدللنه شوية... هههه

***

وكفت كدامة وعيوني مدمعه وبعيونه .. صح مقهورة وكلبي واجعني منه ككُلش هواي بس جيته الي كبر بعيني ككُلش وحبيته اكثر..

اخذ نفس وحركته المعتادة طبك ايديه وره ضهره ويحرك بخرزات السبحه وكال : سولاف

: اي شيخ...

الشيخ محمد : تدرين انه من مراهقتي ولهسه الشيب ترس راسي مايوم عترفت بغلطي لان جنت اكول الي اسوي هوا الصح .. بس اليوم انه رح اعترف بغلطي وهواي متندم عليه هم

كلت اكيد يريد يعتذرلي لان ضربة اليه بدون سبب غلط كتله بسرعه : لا محمد لا تعتذر ماك.....

الشيخ محمد : لااا تكاطعيني وخليني اكمل حججيي

بلعت ريگي من نبرة ونزلت راسي

: انه اليوم اعترف غلطت وغلط كلش جبير وغلطي هوا ... دنك راسه وعيونه الصفر بعيوني وكمل بحدة : يوم دخلت وحده مثلج لبيتي وبين اهلي وللأسف خليت ثقتي الجبيرة بيها وشسوووت .. شسوووت كسرررت ثقتي ونزلت راسي جدام اهلي طلعتني غلطاااان

نزلت دموعي وكتله : يعني صدكتهم اني بنضرك الغلطانة وهمه الي يحجون صدك مووو؟؟

الشيخ محمد : صووتجج لا وحك علي اعوف كل مبادئي واشوفج خبالي ورروح ابوي محد يخلصج من ايدي

سولاف بعياط : سوووي الي يعجبكك انيي اصلا الغلط مني ضليت كُل هلوقت عدكم المفروض اطلع من هذا البيت من زمان الصغير قبل الجبير يهيني وجايبيني البغدادية بنت الكح.... وحده مامربايةةة رحموووني رحموووني اني بشررر مثلكم ..شذنبي اذا ابويه واحد ساق..... همجي حيوووان شذنبي انييي هاااا ...
وانته اكثر شخص وثقت بي بهلبيت عتبرتك سند الي ماحصلت عليه بالدنياا وتالي تجي تصدكهمم موو

الشيخ محمد ببرود : هاي الدرامة مو عليه وانه لو مامتأكد ماحجي .. خايف لا تطلعين.......

سولاف بعياط : قصدككك موو بنيةة موو مو شريفه قصدكك خايف لا ميثم الحيوان دمررر مستقبليي مو تعال يلا اني كدامك
اتاكدد اتاكد بنفسكك ..انيي بنضرك وحده كح......

وماحس غير راشدي وكعني بالكاع.........

***

عذراء : دفعني دفعة علـّى الكنتور حسيت ضلوعي تكسرت طحت للكاع وصحت بوجع: اخ ..بجيت بقوة وصرخت: كافي سيف حرام عليك
اذا انه ما همك علـّۓ. الأقل فكر بالطفل الي بطني هو مو ابنك ..ليش تسوي هيج ..حته •اللّـہ̣̥ ما يرضاها

اجالي بسرعة ولزمني م̷ـــِْن شعري بكل قوته وجره وانه اصيح اريد واحد يدخل يلحكني ويخلصني م̷ـــِْن ايده ماكو ولا جن موجود احد بالبيت

صاح عليه وهو صاك علـّۓ. سنونة: ولج كح..ليش انتي تعرفين •اللّـہ̣̥؟ ؟
انتي لْـۆ تعرفينة جان ما سويتي عملتج ..ولج انه لْـۆ بيدي ذابحج م̷ـــِْن ليلة العرس وشارب م̷ـــِْن دمج بس شسوي لگلبي الكواد ..ااااخ

صحت بوجع م̷ـــِْن بطني الي اشتعلت نار وشعري الي حاسته راح يتكطع بيده وكتله بتوسل ودموع: اخ
سيف فدوة انته شتريد مِڼـّي بالضبط ليش ما تريد تنسه الي صار ..ما كافي احنة صارلنه سنتين م̷ـــِْن معرسين كافي ابوس ايدك ..ما كفاك كل الي راويته الي هالسنتين

اذا جنت كارهني لهلدرجة ليش ما اطلگني وتخلص ..
ليش تعذبني ..والله الموت ارحم الي م̷ـــِْن الي تسوي

ما حس بيه الا سفطني براشدي شعل خدي نار وصاح: ترديني اطلكج مو ..تردين تضلين علـّۓ. حل شعرج ..
لٱ يا عذوره ما حزرتي ..انتي حياتج وموتج هنا وعلى ايدي
ولج ترديني انسه شلون انسه ..ولج شلووون
وانه م̷ـــِْن اذكر كلبي يشتعل نار ..وما تبرد الا لمن ادميج

ونزل عليه بالغلط والضرب بكل مكان بدون رحمة وانه احاول اخلص نفسي وابعد عنه ما كادرة وما ضلي غير بس البجي والصياح ..
لحد ما حسيت صوتي انبح وجسمي ضل يون م̷ـــِْن الوجع حسيت عيوني بعد ما اكدر افتحهن وراح اموت

بس قبل لٱ اغمض سمعت الباب انكسر ودخلوا الشيخ وعمتي بسرعة وما عرفت بعد منو وياهم لأن غمضت عيني وما حسيت علـّۓ. شي بعد غير الظلمة...

***

نهاية المشاهد

هاي مقدمة بسيطة للرواية وهي حقيقية وحلوة هواي ومختلفة وانتم راح تعرفون هالشي م̷ـــِْن خلال الأحداث ..

ان شاء •اللّـہ̣̥ ابلش بيها خلال أيام
بس لٱ تنسون التفاعل حته اعرف حبيتوها لْـۆ لٱ

تحياتي 😘😘

#نوارس_مقيدة

#نسرين_الأسدي